តើអាហារ​បែប​ណា​ល្អ​​ចំពោះ​​ខួរក្បាល?

ខួរក្បាល ដើរតួនាទីយ៉ាងសំខាន់ក្នុងជីវិតប្រចាំថ្ងៃ។ សុខភាពខួរក្បាលល្អអាចឲ្យអ្នកគិតគ្រប់កិច្ចការបានរហ័ស និងមានគំនិតច្នៃប្រឌិតច្រើន។ ដូច្នេះការថែរក្សាសុខភាព ខួរក្បាលជារឿងដែលចាំបាច់ត្រូវយល់ដឹង។ ផ្នែកមួយនៃការរក្សាសុខភាពខួរក្បាលគឺ ការជ្រើសរើសអាហារ។

អីចឹង តើអាហារប្រភេទណាខ្លះដែលល្អចំពោះសុខភាពខួរក្បាល? ខាងក្រោមនេះជាអាហារមួយចំនួនដែលត្រូវបានណែនាំដោយអ្នកជំនាញ។

ត្រី

ត្រីជាអាហារដ៏ល្អសម្រាប់ខួរក្បាល ព្រោះវាសម្បូរដោយជាតិប្រូតេអ៊ីន និងសារធាតុអាស៊ីដអូមេហ្គា 3។ ទន្ទឹមនឹងគ្នានេះ អ្នកក៏ត្រូវប្រុងប្រយ័ត្នក្នុងការជ្រើសរើសប្រភេទត្រីមកទទួលទាន ដែរ។ ត្រូវជ្រើសរើសប្រភេទត្រីដែលមិនសូវមានជាតិបារត ព្រោះជាតិបារតប្រឆាំងនឹងជាតិអូមេហ្គាដ៏ល្អសម្រាប់រាងកាយ។ ត្រីដ៏ល្អសម្រាប់ទទួលទានមានដូចជា ត្រីសូម៉ុង ត្រីអណ្ដែង ត្រីអណ្ដាតឆ្កែ និងត្រីរៀលជាដើម។

បន្លែ
បន្លែបៃតង មួយចំនួនដែលល្អចំពោះខួរក្បាលមាន ខាត់ណាខៀវ (Broccoli) ស្ពៃខៀវ ម្ទេស ផ្សិត ការ៉ុត និងស្ពៃក្ដោបសុទ្ធតែជាបន្លែដែលល្អចំពោះខួរក្បាល។

ផ្លែឈើ
ផ្លែប៊ឺ សម្បូរទៅដោយ Monounsaturated Fats ដែលល្អចំពោះសុខភាពខួរក្បាល។ វិធីជ្រើសរើសផ្លែឈើគឺត្រូវជ្រើសរើសផ្លែឈើណាដែលមានសម្បុរស្រស់ ល្អ។ ផ្លែប៊ែរី ក៏ជាផ្លែឈើជួយជំរុញថាមពលខួរក្បាលដែរ។

សូកូឡាខ្មៅ

សូកូឡាសម្បូរទៅដោយជាតិ Flavonoids។ ជាតិ Flavonoids ជួយសម្រួលដល់លំហូរឈាមទៅកាន់សរសៃឈាមខួរក្បាល ដូច្នេះវាអាចជួយបង្កើនសមត្ថភាពការគិតរបស់អ្នក។ បើទោះជាសូកូឡាល្អសម្រាប់ខួរក្បាលក៏ដោយក៏ការទទួលសូកូឡាគួរ ធ្វើឡើងឲ្យបានសមស្រប មិនច្រើនហួសហេតុដែលនាំទៅរកបញ្ហាសុខភាពផ្សេងទៀត។

សណ្ដែកសៀង
សណ្ដែកសៀងផ្ទុកទៅដោយសារធាតុ Choline, lecithin និង isoflavones ដែលជួយជំរុញខួរក្បាល និងកាត់បន្ថយភាពភ្លេចភ្លាំង។

ដឹងពីអាហារខាងលើហើយ កុំភ្លេចបញ្ចូលប្រភេទអាហារទាំងនោះទៅក្នុងរបបអាហារប្រចាំថ្ងៃរបស់អ្នកណា!

ប្រែសម្រួល៖ Zac
ប្រភព៖ សប្បាយ

Discussion

Photography

Monday, April 29, 2013