នេះជារូបភាពដែលបានចេញផ្សាយដោយ FBI បង្ហាញជនសង្ស័យទម្លាក់គ្រាប់បែកនៅBoston។ AFP
ក្រុងបូស្តុនៈអធិការប៉ូលិសប្រចាំទី
ប្រជុំជនបាន និយាយកាលពីថ្ងៃសៅរ៍ថា ជនជាប់សង្ស័យបំផ្ទុះគ្រាប់បែកឈ្មោះ Dzhokhar Tsarnaevបានបើករថយន្តកៀរសាកសពបងប្រុសអំឡុងពេលប៉ះទង្គិចគ្នាដោយ អាវុធមួយដែលបណ្តាលឲ្យបងប្រុសរបស់គេត្រូវបានសម្លាប់។
អធិការប៉ូលិសទីប្រជុំជនវ៉ាត់ធើរថោនលោក Edward Devau បានប្រាប់ CNN ថា ជនសង្ស័យឈ្មោះ Dzhokhar និង Tamerlan Tsarnaev ក៏បានគប់គ្រាប់បែកឆ្នាំងបាយដូចគ្រាប់បែកដែលពួកគេបានប្រើលើហ្វូង មនុស្សក្នុងព្រឹត្តិការណ៍ម៉ារ៉ាតុងដែរទៅលើពួកមន្ត្រីដែលតាម ប្រមាញ់ពួកគេនៅព្រឹកថ្ងៃសុក្រ។
ជនសង្ស័យTamerlan Tsarnaev អាយុ២៦ឆ្នាំបានស្លាប់ក្នុងការបាញ់តដៃជាមួយកម្លាំងប៉ូលិស ខណៈប្អូនប្រុសរបស់គេអាយុ១៩ឆ្នាំត្រូវបានចាប់ខ្លួនកាលពីថ្ងៃ សុក្រនៅពេលគាត់ត្រូវបានគេស្វែងរកឃើញលាក់ខ្លួននៅក្នុងទូកមួយ ក្នុងតំបន់វ៉ាត់ធើរថោន។
លោកអធិការDevau បានប្រាប់ពីរបៀបដែលDzhokhar បានបើករថយន្តកិនលើសាកសពបងប្រុសតាមផ្លូវខណៈពេលគាត់បានរត់គេច ពីប៉ូលិសស្ទាក់ចាប់បងប្រុសរបស់គេ។
យោងតាមគណនេយ្យកររបស់ប៉ូលិសថា ជនសង្ស័យទាំងពីរត្រូវបានជាប់ពាក់ព័ន្ធក្នុងការសម្លាប់មន្ត្រី ប៉ូលិសម្នាក់នៅវិទ្យាស្ថានបច្ចេកវិទ្យាម៉ាស្សាឈូសេត ហើយបន្ទាប់មកបានលួចរថយន្តប្រភេទមែរសឺដេសមួយគ្រឿងបង្កចលាចលនៅ វ៉ាត់ធើរថោននៅឯជាយក្រុងបូស្តុន។
លោកបាននិយាយថា៖«យើងបានប៉ាន់ស្មានថា ការបាញ់ជាង២០០គ្រាប់ក្នុងរយៈពេលពី៥ទៅ១០នាទី»។ លោកបន្ថែមថា បងប្អូនទាំងពីរនាក់បានគប់គ្រាប់បែកឆ្នាំងមួយ និងគ្រឿងផ្ទុះច្នៃមួយចំនួនទៀត។
លោកបន្តថា គ្រាប់បែកដៃដែលគេច្នៃពីរគ្រាប់បានផ្ទុះ និងពីរគ្រាប់ផ្សេងទៀតមិនផ្ទុះទេ។ គ្រឿងផ្ទុះផ្សេងទៀតក៏បានរកឃើញក្នុងរថយន្តមួយគ្រឿងដែលពួកគេ បោះបង់ចោលដែរ។
លោកវេជ្ជបណ្ឌិតបានប្រកាសជាផ្លូវការថា ជនសង្ស័យ Tamerlan បានស្លាប់នៅមន្ទីរពេទ្យជាកន្លែងប្អូនប្រុសរបស់គេក៏កំពុងសម្រាក ព្យាបាល៕ភ្នំពេញប៉ុស្តិ៍
Facebook
0 Comments:
Post a Comment