ហេតុការណ៍បីយ៉ាងជួយកែខៃសុខភាពភ្នែកពេលធ្វើការយូរពេក

សម្រាប់ អ្នកធ្វើការយូរជាមួយកុំព្យូទ័រ ការស្រវាំងភ្នែក និងអារម្មណ៍ស្ត្រេសពីការសម្លឹងកញ្ចក់កុំព្យូទ័រយូរតែងកើតមាន ជាញឹកញាប់។ ដូច្នេះដើម្បីកែខៃសុខភាព អ្នកឲ្យប្រសើរជាងមុន Sabay សូមលើយកគន្លឹះខ្លីងាយៗបីយ៉ាងមកចែករំលែកដល់ប្រិយមិត្ត៖

១. ឈប់សម្រាក

ការ សម្រាកភ្នែកពីកញ្ចក់កុំព្យូទ័ររៀងរាល់ ៣០ នាទីម្ដងនឹងធ្វើឲ្យអ្នកមានអារម្មណ៍ធូរស្បើយ។ អ្នកអាចសម្លឹងមើលវត្ថុដែលនៅឆ្ងាយៗ ហើយបើល្អគួរងើបដើរចេញឲ្យបាន ៥ នាទីគឺរឹតតែប្រសើរ។ នេះបើតាមការលើកឡើងរបស់លោកវេជ្ជបណ្ឌិត Marc Grossman អ្នកជំនាញផ្នែកភ្នែកមកពីទីក្រុងញូវយ៉ក។ អ្នកជំនាញដដែលបន្តថា ការសម្រាកភ្នែករយៈពេលខ្លីញឹកញាប់ ប្រសើរជាងការសម្រាករយៈពេលវែង។ អ្នកអាចសម្រាកភ្នែកពី ២ ទៅ ៣ នាទីរៀងរាល់ ១៥ ទៅ ២០ នាទីម្ដង ៥ នាទី រៀងរាល់ ៣០ នាទីម្ដង ឬ ១០ នាទីរៀងរាល់១ ម៉ោងម្ដង។

២. សម្លឹងវត្ថុដែលនៅឆ្ងាយ

គន្លឹះ ទីពីរក្នុងការជួយដល់ភ្នែកគឺ ការសម្លឹងវត្ថុដែលនៅឆ្ងាយ។ ខុសពីគន្លឹះខាងលើបន្តិច នៅចំណុចនេះ អ្នកអាចសម្លឹងចេញឆ្ងាយពីកញ្ចក់កុំព្យូទ័រទៅកាន់វត្ថុដែលនៅ ឆ្ងាយពី ១០ ទៅ ១៥ វិនាទី។ បន្ទាប់មកសម្លឹងវត្ថុដែលនៅជិតពី ១០ ទៅ ១៥ វិនាទីដែរ។ ធ្វើបែបនេះប្រហែល ១០ ដងនឹងអាចជួយឲ្យសមត្ថភាពផ្ដោតរបស់ភ្នែកប្រសើរជាងមុន។

៣. ម៉ាស្សាភ្នែកនឹងបាតដៃ

ចំណុច ចុងក្រោយក្នុងការថែរក្សាភ្នែកគឺ ការម៉ាស្សាភ្នែកនឹងបាតដៃ។ នេះគឺជា វិធីយូហ្គាមួយបែបដែលល្អចំពោះសុខភាពភ្នែក។ វិធីសាស្ត្រម៉ាស្សាគឺងាយៗ។ ដំបូង អ្នកត្រូវត្រដុសបាតដៃទាំងពីររបស់អ្នកជាមួយគ្នាឲ្យក្ដៅ។ បន្ទាប់មក យកបាតដៃដែលត្រដុសហើយទៅគ្របលើភ្នែករបស់អ្នក ហើយដកដង្ហើមឲ្យវែងៗ សម្រាកប្រហែល ៣០ វិនាទី។ បើទោះជានេះជាការសម្រាករយៈពេលខ្លីក៏ដោយ ក៏វានឹងធ្វើឲ្យភ្នែកអ្នកស្រស់បស់ជាងមុនដែរ។

សាកល្បងធ្វើតាមការណែនាំទាំងបីនេះមើល៍ថា មានប្រសិទ្ធភាពដែរអត់?

ប្រែសម្រួល៖ Zac
ប្រភព៖ businesspundit សប្បាយ

Discussion

Photography

Saturday, May 4, 2013