ជាតិអាល់កុលក្នុងស្រាមានឥទ្ធិពលអ្វីខ្លះលើមនុស្ស?

ក្រុង ប័កដូៈ តើការផឹកស្រាច្រើនពិតជាបានបង្កឲ្យមានអាការឈឺក្បាលមែនឬ? អ្នកចូលចិត្តទទួលទានស្រាខ្លះកត់សម្គាល់ថា ស្រាណាមានជាតិអាល់កុលខ្លាំងទើបល្អសម្រាប់ខ្លួន ខណៈអ្នកខ្លះទៀតមិនបានចូលចិត្តនូវរសជាតិបែបនេះ។

ក្រុមអ្នករិះគន់ផ្នែកផលិតផលស្រានិង ផ្តល់ប្រឹក្សាសម្រាប់ការ ផលិតស្រាក៏បានស្តីបន្ទោសត្រូវដែរព្រោះអ្នកជំនាញផលិតស្រាមិន បង្កឲ្យមានផលប៉ះពាល់សុខភាពនិង សុវត្ថិភាពអ្នកផឹកទេ។

មានរបាយការណ៍មួយបានពីសមាគម សេដ្ឋកិច្ចស្រាអាមេរិក(AAWE)នៅ ឆ្នាំ២០១១បានឲ្យដឹងថា៖«ការកើនជាតិអាល់កុលនៅ ក្នុងស្រានោះគឺបណ្តាលមកពីមនុស្សនេះឯង»។

គួរបញ្ជាក់ថារយៈពេល២ទសវត្សរ៍កន្លង មកនេះក្រុមអ្នកផឹកបាន អភិវឌ្ឍនូវប្រភេទគ្រឿងស្រវឹងរបស់ពួកគេដោយការបន្ថែមនូវរសជាតិ ផ្លែឈើ ការធ្វើស្រាឲ្យមានក្លិនក្រអូបជាដើមដែលនេះរឹតតែមានការរិះគន់ ខ្លាំងឡើង។

គ្រីស្ទៀន ស៊ីលី នាយកក្រុមហ៊ុនស្រា AXA Millesime's នៅបារាំងនិងព័រទុយហ្គាល់និយាយថា៖«ខ្ញុំសូមបញ្ជាក់ថា ជាតិអាល់កុលខ្ពស់នៅក្នុងស្រាមិនមែនជាគោលដៅរបស់ក្រុមហ៊ុនយើង ឡើយ តែអ្វីដែលយើងកំពុងតែផលិតនាពេលបច្ចុប្បន្ននេះគឺស្រាទំពាំងបាយ ជូរ ដែលវាត្រូវបានយើងផលិតវាអស់ពេលជាង២០ឆ្នាំមកហើយ»។

ទោះបីជាជាតិអាល់កុលក្នុងស្រាត្រូវ បន្ថយក្តី តែសារធាតុសរីរាង្គដាក់លាយក្នុងស្រាពិតជាមិនអាចបន្ថយបានឡើយ ព្រោះវាត្រូវការចាំបាច់សម្រាប់ឲ្យរសជាតិស្រានោះមានភាពស្រទន់។

បច្ចុប្បន្ននេះគេសង្កេតឃើញស្រាផលិត ពីផ្លែឈើទាំងឡាយសុទ្ធតែ មាននូវសារធាតុសរីរាង្គបន្ថែម។ ជាពិសេសវាជាប់នឹងសម្បកនិងគ្រាប់ទំពាំងបាយជូរខណៈពេលគេប្រើវា មុនពេលប្រមូលផលនៅចម្ការ ទោះបីជាវាមានជាតិស្ករដែលបន្ថែមនូវរសជាតិផ្អែមច្រើនយ៉ាងណា ក្តី។

តែក្រុមអ្នកផឹកនិយាយថា ស្រាមានជាតិអាល់កុលច្រើនតាំងពីយូរណាស់មកហើយ។

លោក ម៉ៃឃើល អេបស្តែនអ្នកសារព័ត៌មាន និងជាជំនួយការសាស្រ្តាចារ្យសាកលវិទ្យាល័យសុខាភិបាលរដ្ឋហាវើដ បានឲ្យដឹងតាមរយៈអត្ថបទចុះផ្សាយលោកថា៖«ការផឹកស្រាចាប់ពីពីរ កែវទៅជាតិអាល់កុលនឹងមានចំនួន១២ភាគរយ។ ស្រដៀងគ្នានេះដែរស្រាណាដែលមានជាតិអាល់កុលចាប់ពី១៤ភាគរយវានឹង អាចឲ្យអ្នកផឹកស្រាពិបាកក្នុងការគ្រប់គ្រងអារម្មណ៍ខ្លួនឯងនិង មានការឈឺក្បាល។ បង្កផលលំបាកនាពេលបើកបរជាមិនខាន ខណៈជាទង្វើមួយមានលក្ខណៈល្មើសច្បាប់នៃការផលិតស្រាផងដែរ»។

ឡូរ៉េន អូដេហ្គីន អ្នកស្រាវជ្រាវនៃវិទ្យាស្ថានផលិតស្រាទំពាំងបាយជូរIFVថា៖ «យើងរីករាយនឹងការផលិតស្រាទំពាំងបាយជូរគ្រប់ប្រភេទតែយើងក៏បាន ពិនិត្យវាឲ្យមានតុល្យភាពនៃសារធាតុផ្សំស្រានោះដែរ។ ថ្មីៗនេះមានស្រាខ្លះមានជាតិអាល់កុល១៤ភាគរយ ១៥ភាគរយ និង១៥,៥ភាគរយ ឯណោះ។ ស្រាទាំងនោះគ្មានតុល្យភាពឡើយតាមក្បួនខ្នាតនៃការផលិត»៕ ប្រភពព័ត៌មាន ៖ ភ្នំពេញប៉ុស្តិ៍

Discussion

Photography

Wednesday, May 8, 2013