លេចធ្លាយរូបសំណាកព្រះរួមភេទនៅក្នុងតៀមស្រា

រូបសំណាកព្រះពុទ្ធ១អង្គ ដែលមើលទៅហាក់ដូចជាស្ថិតក្នុងសកម្មភាពរួមភេទ ជាមួយរូបចម្លាក់ព្រះពុទ្ធស្រី១អង្គទៀត ត្រូវបានដាក់តាំងនៅក្នុងតៀមត្រាមួយកន្លែងឈ្មោះថា Yanu ស្ថិតក្នុងតំបន់ទេសចរណ៍ល្បីល្បាញ Lijiang ក្នុងប្រទេសចិន ត្រូវបានរិះគន់ថា គឺជាការប្រមាថប្រឆាំងទៅនឹងព្រះពុទ្ធសាសនា។

Lijinag គឺជាតំបន់ទេសចរណ៍១ ក្នុងចំណោមតំបន់ទេសចរណ៍ដ៏ពេញនិយមបំផុត មានទីតាំងស្ថិតនៅខេត្ត Yunnan ភាគខាងត្បូង នៃប្រទេសចិន ដែលជាកន្លែងល្បីខាងគំនិតរវើរវាយ និងរឿងផ្តេសផ្តាស ។ បើតាមលោក Lin អ្នកគ្រប់គ្រងតៀមត្រានោះ បានឲ្យដឹងថា តៀមស្រានេះ ត្រូវបានដាក់ឈ្មោះថា Yanyu (មានន័យថា ជាបទពិសោធន៍រ៉ូម៉ែនទិច និងរឿងផ្តេសផ្តាស) ដើម្បីបង្ហាញភាពល្បីល្បាញសម្រាប់តំបន់ទេសចរណ៍ Lijiang និងទាក់ទាញអ្នកជំនួញ។

រូបសំណាកព្រះពុទ្ធ ដែលមានកម្ពស់ ៤ ម៉ែត្រ ត្រូវបានអ្នកទេសចរណ៍ហៅថាជា ព្រះពុទ្ធរូបផ្តេសផ្តាស, ព្រះពុទ្ធមានកិច្ចការរ៉ូម៉ែនិច, ព្រះពុទ្ធរួមភេទ។ ករណីនេះ ត្រូវបានគេដឹងថា បានកសាងប្រឌិតឡើងអស់ទឹកប្រាក់រាប់សិបលាន RMB (លុយចិន) ។

ការប្រូម៉ូតសិនតាមរយៈតៀមស្រានេះ ជាការនាំមកនូវសំណាងល្អ ជាពិសនៅក្នុងមង្គលការ និងរឿងស្នេហា ។ រូបសំណាកព្រះពុទ្ធចេះមានរឿងស្នេហាផ្តេសផ្តាសនេះ បានទាក់ទាញភ្ញៀវទេសចរណ៍យ៉ាងច្រើនកុះករ មកមើល ស្ទាបអង្អែល និងថ្វាយបង្គំ។

នៅក្នុងប្រទេសមួយ ដែលជាទីកន្លែងកាន់ពុទ្ធសាសនា នោះសាសនាត្រូវបានចាត់ទុកថា ជាផ្នែកដ៏ធំ១សម្រាប់ប្រទេសនោះ ។ គេបានដឹងយ៉ាងច្បាស់ថា មានប្រជាជនចិនយ៉ាងច្រើន បានគោរពប្រតិបត្តិយ៉ាងខ្ជាប់ខ្ជួនទៅនឹងព្រះពុទ្ធសាសនា ។ ប៉ុន្តែ នៅពេលលេចធ្លាយមានរូបសំណាកព្រះពុទ្ធរូបរួមភេទ នៅពាសពេញបណ្តាញអ៊ីនធើរណេតបែបនេះ បានធ្វើឲ្យអ្នកនិយមលេងអ៊ីនធើរណេតចិនជាច្រើន បញ្ចេញកំហឹង និងរិះគន់យ៉ាងខ្លាំង ចំពោះតៀមត្រានោះ និងបានលើកឡើងថា ការច្នៃប្រឌិតចង់បានការចាប់អារម្មណ៍បែបនេះ គឺជាប្រមាថសាសនា និងដាក់បណ្តាសាព្រះពុទ្ធរូបនៃយើងតែម្តង។

ឆ្លើយតបទៅនឹង មតិរិះគន់តាមអនឡាញ លោក Lin អ្នកគ្រប់គ្រងតៀមស្រានោះ បាននិយាយការពារសកម្មភាពដ៏កខ្វក់របស់ខ្លួនថា រូបសំណាកព្រះពុទ្ធរូបនេះត្រូវបានកសាងនៅក្នុងប្រទេសឥណ្ឌា និងបាននាំយកមក Lijiang មុនពេលបើកសម្ពោធតៀមស្រារបស់គាត់ នៅខែមេសា ឆ្នាំ២០១៣ ។

ឈ្មោះព្រះពុទ្ធ គឺព្រះពុទ្ធរីករាយ មានប្រភពចេញពីព្រះពុទ្ធសាសនានៃប្រទេសទីបេ ។ ព្រះពុទ្ធប្រុស តំណាងឲ្យច្បាប់ និងព្រះពុទ្ធស្រី តំណាងឲ្យភាពឆ្លាតវៃ ។ ដូច្នេះ “វាមិនសមរម្យដែលមើលរូបចម្លាក់នៅក្នុងផ្លូវកោកិយ” -លោក Lin រាយការណ៍ទៅអ្នកកាសែត ពីខេត្ត Yunnan ៕
ប្រភពពីhttp://www.ksn-news.com

Discussion

Photography

Monday, May 20, 2013