ជម្លោះជុំវិញរឿងរុក្ខជាតិបង្កជំងឺមហារីកសួត

ការសិក្សាថ្មីមួយដែលប្រកាសលើទស្សនា វដ្តី Procecding of the national Academy of Suenes បានលើកឡើងថា អស់ពេលច្រើនឆ្នាំហើយដែលការសង្ស័យ និងជជែកវែកញែកនោះក្រុមអ្នកវិទ្យាសាស្ត្រនៅសាកលវិទ្យាល័យ North Carolina អះអាងថា រុក្ខជាតិក៏បង្កការបំពុលបរិយាកាស ឥទ្ធិពលដល់សុខភាពមនុស្ស អាស្រ័យដោយឥទ្ធិពលជាមួយ Nitrogen Oxide ។

អ្នកវិទ្យសាស្ត្រលើកឡើងថា រុក្ខជាតិបង្កើត isoprene ដែលជាសណ្ឋានម៉ូលេគុលសម្បូរក្នុងបរិយាកាស ប្រយោជន៍ការពារកុំឲ្យស្លឹករបស់វាត្រូវ Oxygen បង្កគ្រោះថ្នាក់ ក៏ដូចជាការប្រែប្រួលសីតុណ្ហភាពជាប្រចាំ ។

ពីឆ្នាំ២០០៤ មាននិក្ខេបបទលើកឡើងថា Isoprene មានទាក់ទងដល់ដំណើរការបង្កបង្កើតនូវគ្រាប់ដ៏តូចល្អិត អាចច្បាមជាប់សួតនាំឲ្យមានលទ្ធភាពកើតមហារីកសួត ជំងឺហឺត និងមិនល្អសម្រាប់ជាលិកា (Tissue) ។ ឥទ្ធិពលរបស់ Isoprene និងប្រយោជន៍របស់វាចំពោះរុក្ខជាតិ ជាប្រធានបទឈ្លោះប្រកែកគ្នាពីពេលនោះមកទល់បច្ចុប្បន្ន ។

ករណីនេះសាស្ត្រាចារ្យ Jason Surratt និងសហការីបានលើកឡើងនូវយន្តការដែលតាមរយៈនោះ Isoprene រួមចំណែកបង្កើតសណ្ឋានគ្រាប់តូចល្អិតគ្រោះថ្នាក់សុខភាព ។ ការសិក្សាថ្មីនោះបង្ហាញថា ក្រោមពន្លឺក្តៅរបស់ព្រះអាទិត្យ Isoprene ប្រតិកម្មជាមួយ nitrogene Oxide បណ្តាសារធាតុបង្កជាតិពុលមានប្រភពពីចំហេះឧស្ម័ន បានបង្កើតឡើងនូវគ្រាប់តូចល្អិតខាងលើ ។

លោក Surratt លើកសំណើរបន្ថយសារធាតុបង្កជាតិពុលដល់មនុស្សនៅលើពិភពលោក ។ Isoprene ការពាររុក្ខជាតិ ប៉ុន្តែអាស្រ័យដោយមានវត្តមានរបស់ nitrogen Oxide វាក្លាយជាបង្កើតភាពអកម្មដល់សុខភាពរបស់មនុស្ស និងបរិស្ថាន ។ យើងមិនអាចកាប់ដើមឈើចោល តែអាចជះឥទ្ធិពលទៅលើវា តាមរយៈបន្ថយចំហេះឧស្ម័នដែលបង្កនូវគ្រាប់តូចល្អិតមានគ្រោះថ្នាក់ ៕ប្រភពពី ខ្មែរស្ថាបនា

Discussion

Photography

Thursday, May 2, 2013