ដាល់​​​ខ្លា​ឃ្មុំ​​កំណាច​ដើម្បី​សង្គ្រោះ​​ប្រពន្ធ​ និង​ កូន​បីនាក់

ឳ​ពុក​​ម្នាក់​បាន​ក្លាយ​ជា​​វីរបុរស​​​បន្ទាប់​ពី​​ដាល់​​​​​ខ្លា​ឃ្មុំ​​​​​ដែល​មាន​ទម្ងន់​ប្រមាណ​១៥៨​ គីឡូក្រាម​​​ ​ផ្ទួនៗ​គ្នា​​ដើម្បី​​សង្គ្រោះ​​​ក្រុម​គ្រួសារ​ចេញ​ពី​ក្រញាំ​មរណៈ។
លោក​ Toby Burke ​បាន​រំដោះ​ប្រពន្ធ​ និង​ ​កូន​ចំនួន​​៣​នាក់​ចេញ​ពី​ហេតុ​ការណ៍​​នោះ។​ ​បុរស​វ័យ​​៤៨​ឆ្នាំ​រូប​នេះ​ និង​ គ្រួសារ​​​បាន​ធ្វើ​ ដំណើរ​​​ទៅ​កម្សាន្ត​នៅ​តំបន់​ Kenal Peninsula ​នៅ​​ រដ្ឋ​ Alaska។ ពេល​ឈរ​​នៅ​ទី​នោះ​ ​ក៏​​​​ស្រាប់​តែ​ឃើញ​​ខ្លា​ឃ្មុំ​​ដើរ​សំដៅ​មក​រក​រូប​លោក និង គ្រួសារ។
ខ្លាំ ​​ឃ្មុំ​នោះ​​ព្យាយាម​​មក​ខាំ​ដៃ​ ​​​ហើយ​ ​លោក​ប្រើ​កម្លាំង​ការពារ​ខ្លួន​​តទល់​ដោយ​ដាល់​ចំ​មុខ​ខ្លា​កំណាច​នោះ​​ជា​ ​ច្រើន​ដៃ។​ ​លោក​ Burke ​និង​ គ្រួសារ​​បាន​​​​រួច​ផុត​ជីវិត​​ពី​ខ្លា​ឃ្មុំ​កំណាច។​​ ទី​បំផុត​ ​ខ្លា​ឃ្មុំ​​​​ដែល​​​មាន​អាយុ​ប្រហែល​ ២០​ ឆ្នាំ​​នោះ​ ត្រូវ​បាន​បាញ់​សម្លាប់​​ពេល​ព្យាយាម​​​​ខាំ​​មន្ត្រី​ប៉ូលិស។

ខ្លាំ​ឃ្មុំ​ដែល​ងាប់​ត្រូ​​វលើក​ដាក់​ឡាន

លោក Toby Burke

ប្រែសម្រួល៖​ ឆន ទិត្យ
ប្រភព៖​ metro. whatsonsanya