អាថ៌កំបាំងបួនយ៉ាងដើម្បីចម្អិនអាហារសមុទ្រឲ្យមានឱជារសឆ្ងាញ់

លោកអ្នកតែស្តាប់ឮពីមតិភាន់ច្រឡំមួយចំនួនយល់ថា ការចម្អិនម្ហូបពីគ្រឿងសមុទ្រមានការលំបាក។ អាហារសមុទ្រទាំងនោះមានដូចជា ត្រី បង្គា បង្កង ក្តាម និងសត្វសមុទ្រនានាទៀត ដែលសុទ្ធសឹងជាអាហារប្រចាំសប្តាហ៍របស់យើង។ តាមពិតទៅអាហារសមុទ្រទាំងនេះវាមានបច្ចេកទេសសម្រាប់ចម្អិនផ្សេងៗ គ្នាដើម្បីជួយឲ្យយើងទទួលបាននូវរសជាតិផ្សេងៗគ្នាដែរ។ ទាំងនេះជាអាថ៌កំបាំងបួនយ៉ាងសម្រាប់ចម្អិនម្ហូបអាហារសមុទ្រដ៏មាន ឱជារសឈ្ងុយឆ្ងាញ់បាន។

១.ត្រី-ការចម្អិនត្រី ឲ្យបានល្អដើម្បីទទួលទានបានឆ្ងាញ់ នោះគេត្រូវប្រើវិធីឲ្យបានសមស្របបន្តិច មុននឹងទទួលទានវា។ ជាទូទៅការចម្អិនត្រីត្រូវបានគេប្រើពេលវេលាចំនួន១០នាទីសិន ដើម្បីប្រែប្រួលវាទៅមួយចំហៀងទៀតដើម្បីឲ្យវាឆ្អិនសព្វនិងទទួល ទានទៅវាឆ្ងាញ់។ ដោយឡែករយៈពេលនៃការចម្អិនត្រីនេះក៏អាស្រ័យតាមប្រភេទត្រីដែល មានស្បែកស្តើងនិងក្រាស់ផងដែរ។

២.បង្គា-ពេលចម្អិន បង្គាការទុកឲ្យមានពណ៌ក្រហមព្រឿងៗ បន្តិចនោះគឺជាសញ្ញាណមួយបង្ហាញនូវភាពឆ្អិនរបស់សាច់បង្គាដែល ញ៉ាំងឲ្យការទទួលទានមានឱជារស។ គេតែងប្រើពេលវេលាពី២ទៅ៥នាទីក្នុងការស្ងោរ ឬ ស្រុសវាសម្រាប់ចំនួនបង្គាមួយគីឡូ។ តែវាក៏អាស្រ័យលើទំហំនៃបង្គាដែរ។

៣.ងាវ-ការចម្អិនងាវ នេះក៏ត្រូវការពេលវេលាសមស្របដែរ ដើម្បីឲ្យវាឆ្អិនល្អនិងមានឱជារស។ រយៈពេលនៃការស្រុសឬ អាំងងាវក៏អាស្រ័យលើទំហំវាដែរ។ ជាទូទៅគេប្រើពេល២ទៅ៣នាទីដើម្បីចម្អិនវា។

៤.គ្រំ និងលៀស បន្ទាប់ពីចម្អិន នៅពេលវាចំហមាត់ចេញមកនោះបញ្ជាក់ថា ការចម្អិនគ្រំ ឬលៀសរបស់យើងនោះវាមានលក្ខណៈឆ្អិនល្អហើយ។ ជាទូទៅពេលវេលាចម្អិនមានពី៥ទៅ៧នាទីសម្រាប់ប្រភេទគ្រំឬ លៀសធំៗ។ ដើម្បីឲ្យដីខ្សាច់ឬ កម្ទេចកម្ទីនានានៅក្នុងគ្រំនិងលៀសចេញមកក្រៅនោះគេនិយមប្រើទឹក ត្រជាក់ដាក់ត្រាំវា៕ ប្រភពព័ត៌មាន ៖ ភ្នំពេញប៉ុស្តិ៍

Discussion

Photography

Wednesday, May 1, 2013