មើល Kimchi "អាហារ" ជួយគ្របគ្រងស្ករក្នុងឈាម របស់មនុស្ស

នេះជាពណ៌មានថ្មីទើបត្រូវបានលើកឡើង ដោយទស្សនាវដ្តីថែទាំសុខភាពល្បីឈ្មោះ PRE នៅអាមេរិក សំដៅជួយមនុស្សធាត់និយាយដោយឡែក រកឃើញវិធីគ្រប់គ្រងភាពឃ្លានប្រសិទ្ធភាព និងប្រឆាំងតបជំងឺធាត់ ។

នៅអាមេរិក Kimchi នៅត្រូវបានជំទាវទី១ អាមេរិកមីនេលអូបាម៉ា បោះអត្រានុម័ត និងត្រូវបានតាំងលក់យ៉ាងទូលំទូលាយក្នុងហាងទាំងឡាយ ។ នៅប្រទេសដែលជំងឺធាត់កំពុងក្លាយជាបញ្ហាមួយមានលក្ខណៈជាតិដូច អាមេរិក នោះការអនុម័តនិងដាក់លក់ទូលំទូលាយនូវអាហារមួយភេទណាមួយនោះដើម្បី ជំនួយគ្រប់គ្រងជំងឺធាត់គឺមានសារសំខាន់ណាស់ និងជានិច្ចកាលត្រូវបានពិនិត្យពិសោធន៍ម៉ត់ចត់ ។

តាមការស្រាវជ្រាវមួយថ្មីៗនេះលើ ទស្សនាវដ្តី "អាហារព្យាបាលជំងឺ" (The Journal of Medicinal Food) របស់អាមេរិក នោះ Kimchi មានលទ្ធភាពកែប្រែឲ្យប្រសើរកម្រិតជាតិស្ករក្នុងឈាមពេលឃ្លាន និងផ្គត់ផ្គង់បរិមាណដ៏ធំមួយនៃសារជាតិប្រឆាំងអុកស៊ីតកម្មចាំបាច់ ។

ដើម្បីលើកឡើងការសន្និដ្ឋានខាងលើ ពួកអ្នកស្រាវជ្រាវអាមេរិកបានទៅធ្វើការនៅវិទ្យាស្ថានស្រាវជ្រាវ Kimchi (kimchi Research Isstitute) និងសាកលវិទ្យាល័យជាតិ Pusan (Pusan National University) នៅBusan កូរ៉េខាងត្បូង ។ នៅទីនេះ ពួកគេអនុវត្តសម្រាប់មុខសញ្ញា១០០នាក់នូវរបបអាហារមាន kimchi តិចឬច្រើន ក្នុងរយៈពេល១សប្តាហ៍ ។ ក្រោយពេលវេលាពិសោធន៍ ពួកអ្នកស្រាវជ្រាវសន្និដ្ឋានថា ទាំង២ក្រុមនេះសុទ្ធតែរារាំងបានកម្រិតជាតិស្ករក្នុងឈាមចុះយ៉ាង ទាបពេលឃ្លាន ទន្ទឹមនេះបង្កើកម្រិតសារជាតិប្រឆាំងអុកស៊ីតកម្មក្នុងសរីរាង្គ ។ ពិសេសអ្នកទទួលទាន Kimchi ច្រើននៅទទួលបានប្រយោជន៍ធំជាង ។

ហើយនោះពុំមែនជាមូលហេតុតែមួយគត់ បណ្តាលឲ្យអ្នកត្រូវបន្ថែមអាហារឡើងមេនេះទៅក្នុងរបបទទួលទាន ។ លោក Angela Lemond វេជ្ជបណ្ឌិត ជំនាញការជីវជាតិ អ្នកនាំពាក្យរបស់វិទ្យាស្ថានជីវជាតិ និងរបបទទួលទានអាមេរិក (Academy of Nutrition and Dietetics) ឲ្យដឹងបន្ថែមថា "kimchi ជាប្រភពសម្បូរជាតិសរសៃ និងពពួកបាក់តេរីមានប្រយោជន៍ ជួយរំលាយអាហារល្អ ។ ក្រៅពីនេះវានៅផ្ទុកសម្បូរបាក់តេរី Lactobacillus ដូចគ្នានឹងប្រភេទបាក់តេរីមានប្រយោជន៍ត្រូវបានរកឃើញក្នុងទឹកដោះគោ ជូរ។ បាក់តេរីទាំងនេះមានប្រសិទ្ធភាពបង្កើនសុខភាពផ្លូវពោះវៀននិងប្រព័ន្ធ ការពារសរីរាង្គយ៉ាងស័ក្តិសិទ្ធ" ។

អ្នកអាចស្វែងរកដោយខ្លួនឯង នូវរូបមន្តធ្វើ kimchi តាមរយៈអ៊ិនធឺណេត និងកែសម្រួលកម្រិតហឹរឲ្យត្រូវមាត់ (ឬបញ្ហាអំពីក្រពះរបស់អ្នក ប្រសិនមាន) ។ អ្នកអាចឆា kimchi ជាមួយសាច់សុទ្ធទទួលទានជាមួយបាយស ឬស៊ុតចៀន ទទួលទានជាមួយមី គុយទាវ មីសួ... សុទ្ធតែជាវិធីដ៏ឆ្ងាញ់មាត់ និងពុំសូវមានកាឡូរី ៕ប្រភពពី ខ្មែរស្ថាបនា

Discussion

Photography

Friday, May 3, 2013