កម្ពុជានិងបារាំងកំពុងសម្លឹងមើលប្រព័ន្ធភ្លើងនិងរថភ្លើងប្រើចន្តរអគ្គិសនីនៅភ្នំពេញ

ភ្នំពេញៈ រដ្ឋាភិបាលកម្ពុជា និងបារាំង បានបង្ហាញពីការតាំងចិត្ត ដើម្បីបង្កើនកិច្ចសហប្រតិបត្តិការទ្វេភាគី លើប្រព័ន្ធភ្លើងក្នុងទីក្រុង និងរថភ្លើងប្រើចន្តរអគ្គិសនី សម្រាប់រាជធានីភ្នំពេញ ប៉ុន្តែបានបដិសេធមិនធ្វើអត្ថាធិប្បាយលម្អិត អំពីគម្រោងទាំងពីរនេះទេ។
យោងតាមអ្នកនាំពាក្យក្រសួងការបរទេសលោក កុយ គួង បានឲ្យដឹងថា គម្រោងទាំងពីរនេះ ត្រូវបានគេប្រកាសឲ្យដឹងបន្ទាប់ពីកិច្ចប្រជុំបិទទ្វា រវាងរដ្ឋមន្រ្តីក្រសួងការបរទេសលោក ហោ ណាំងហុង និងឯកអគ្គរដ្ឋទូតបារាំង ដែលទើបនឹងតែងតាំងគឺលោក Serge Mostura។
លោក កុយ គួង បានថ្លែងបន្តទៀតថា៖«ក្រសួងពាក់ព័ន្ធទាំងពីរ បាននិងកំពុងសិក្សាពីប្រព័ន្ធបច្ចេកទេស ហើយខ្ញុំ មិនមានព័ត៌មានលម្អិត អំពីគម្រោងទាំងនេះទេ»។

លោក បន្តថា គម្រោងទាំងនោះ ត្រូវបានចុះហត្ថលេខា ដោយក្រុមហ៊ុនឯកជនបារាំងមួយ កាលពីខែមករា ឆ្នាំ ២០១៣។ លោក បន្ថែមថា៖«ខ្ញុំគិតថា នៅពេលដែលគម្រោងនោះ ត្រូវបញ្ចប់ ពលរដ្ឋរបស់យើង នឹងធ្វើដំណើរយ៉ាងស្រួល ហើយនិងសម្រួលដល់ចរាចរណ៍នៅតាមផ្លូវផងដែរ»។
លោក បានថ្លែងបន្តថា រដ្ឋាភិបាលកម្ពុជា និងបារាំង បានសន្យាលើកស្ទួយទំនាក់ទំនងកិច្ចសហប្រតិបត្តិការលើគ្រប់វិស័យ នៃគម្រោងអភិវឌ្ឍន៍ជាតិ៕ ភ្នំពេញប៉ុស្តិ៍NR

Discussion

Photography

Tuesday, April 9, 2013