ដាក់ពន្ធនាគារ ៣០ឆ្នាំលើស្ត្រីថៃម្នាក់ ពីបទជួញដូរគ្រឿងញៀន
ស្រ្តីជនជាតិថៃ Rod Siri Rung Tiva ត្រូវបានបញ្ជូនទៅពន្ធនាគារ កាលពីព្រឹកថ្ងៃអង្គារនេះ។ រូបថតហុង មិនា
លោក ស៊ីន វិសាល ប្រធានចៅក្រមជំនុំជម្រះនៃសាលាដំបូងរាជភ្នំពេញ បានផ្តន្ទាទោស ឈ្មោះ Rod Siri Rung Tiva ភេទស្រីអាយុ២៥ឆ្នាំ ជនជាតិថៃ ដាក់ពន្ធនាគារ ៣០ឆ្នាំ និងពិន័យជាប្រាក់ចំនួន ៩០លានរៀល ពីបទដឹកជញ្ជូនសារធាតុគ្រឿងញៀនខុសច្បាប់ តាមមាត្រា៤០នៃច្បាប់ប្រឆាំងគ្រឿងញៀន។ គាត់ ត្រូវបានចាប់ខ្លួនដោយមន្រ្តីគយ និងប៉ូលិសអន្តោប្រវេសន្តនៅឯព្រលានយន្តហោះអន្តរជាតិភ្នំពេញ កាលពីថ្ងៃទី១៣ ខែសីហា ឆ្នាំ២០១២។
លោក បានថ្លែងបន្តថា៖«គាត់បាននាំគ្រឿងញៀនខុសច្បាប់នេះពីប្រទេស ប្រេស៊ីលមកកម្ពុជាតាមព្រលានយន្តហោះអន្តរជាតិភ្នំពេញដើម្បី ផ្ទេរវាទៅប្រទេសថៃ។ គាត់ ត្រូវបានសមត្ថកិច្ចនគរបាលកម្ពុជាចាប់ខ្លួនខណៈ ពេលគាត់ ប្រុងចេញពីព្រលានយន្តហោះ»។
លោក បន្ថែមថា បន្ទាប់ពីចាប់ខ្លួន នគរបាល បានរកឃើញ និងរឹបអូសបានគ្រឿងញៀនកាកូអ៊ីនសរុប១២៩០០គ្រាប់ (ជិត១៣គីឡូក្រាម) ដែលគេខ្ចប់ក្នុងថងផ្លាស្ទិក ហើយលាក់ខាងក្នុងវ៉ាលី។ភ្នំពេញប៉ុស្តិ៍
Facebook
0 Comments:
Post a Comment