បើកដំណើរការគម្រោងប្រឆាំងជំងឺអេដស៍របស់ USAID

ការសម្ពោធប្រើប្រាស់ជាផ្លូវការ

ខេត្តសៀមរាប ៖ គម្រោងប្រឆាំងជំងឺអេដស៍ដែលមានឈ្មោះថា HIV/AIDSFLAGSHIP សម្រាប់រយៈពេល៥ឆ្នាំសរុបទឹកប្រាក់ប្រមាណ៣០លានដុល្លារ ដែលជាថវិការបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ USAID ត្រូវបានដាក់សម្ពោធប្រើប្រាស់ជាផ្លូវការកាលពីថ្ងៃទី១០ មេសា ២០១៣ នៅវត្តពោធិវង្សហៅវត្តថ្មី ស្ថិតនៅសង្កាត់ថ្វាយដង្គុំ ក្រុងសៀមរាប។

កម្មវិធីនេះចូលរួមដោយលោកវីលៀមអីុថត ឯកអគ្គរាជទូតអាមេរិកប្រចាំកម្ពុជា លោកស្រី រីបេកា ប្លេក (Rebecca Black) នាយិកាបេសកកម្មនៃទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិប្រចាំនៅកម្ពុជា លោកម៉ម ប៊ុនហេង រដ្ឋមន្ត្រីក្រសួងសុខាភិបាល និងលោកស៊ូ ភិរិន្ទ អភិបាលខេត្តសៀមរាប។

គម្រោងគំរូស្តីពីមេរោគអេដស៍ដែលជាផ្នែកមួយ នៃផែនការគ្រាអាសន្នក្នុងការបន្ធូបន្ថយផ្នែកជំងឺអេដស៍របស់ប្រធានាធិ បតីអាមេរិក (PEPFAR) និងផ្តោតការយកចិត្តទុកដាក់ទៅលើមនុស្សដែលប្រឈមខ្លាំងនឹងការឆ្លង មេរោគអេដស៍ដោយផ្តល់សេវា ដើម្បីការពារការរាលដាលនៃជំងឺនេះ ហើយកែលម្អការថែទាំ និងការព្យាបាលអ្នកឆ្លងមេរោគនេះ។ គម្រោងនេះអនុវត្តដោយអង្គការខាណា អង្គការ FHI៣៦០ និង PSI ដែលជាអង្គការមិនស្វែងរកប្រាក់ចំណេញដែលមានបទពិសោធន៍ខាង វិស័យសុខភាពសាធារណៈ និងការអភិវឌ្ឍនៅជុំវិញពិភពលោក៕កោះសន្តិភាព

Discussion

Photography

Thursday, April 11, 2013