ការពន្យារអាយុមនុស្សឲ្យកាន់តែវែងកំពុងមានសង្ឃឹម

នៅពេលនេះអ្នកវិទ្យាសាស្ត្រកំពុងរកឃើញពន្លឺដែលអាចឲ្យមនុស្សមានអាយុកាន់តែវែងជាងមុន។

ក្រុង ប៉ារីសៈ ក្រុមអ្នកវិទ្យាសាស្ត្របានបង្ហាញឲ្យដឹងកាលពីថ្ងៃពុធថា សំណុំខួរក្បាលមនុស្សគឺជាតំបន់នៃការត្រួតត្រាមួយអាចមានឥទ្ធិពល ដល់អាយុកាលនិងគោលដៅនានាបាន។ នេះបើតាមការសិក្សាពិសោធលើសត្វកណ្តុរ។
ការរកឃើញលើការពិសោធសត្វកណ្តុរនេះអាចនឹងជាគន្លឹះមួយសម្រាប់ វិធីនៃការពន្យារអាយុកាលមនុស្សដែរ តែទោះជាយ៉ាងណាគេនៅមិនទាន់ធ្វើតេស្តចំពោះមនុស្សនៅឡើយ។
ការសិក្សាស្រាវជ្រាវនេះត្រូវបានគេបោះពុម្ពផ្សាយនៅលើ ព្រឹត្តិបត្រ Nature ដែលវាគឺជាសម្មតិកម្មមួយក្នុងការបង្ហាញសម្រាប់សិក្សាលើសំណុំខួរ ក្បាលមនុស្សស្តីពីកម្រិតនៃការលូតលាស់ ការផលិតគំនិតនិងដំណើរការពាក់ព័ន្ធនឹងប្រព័ន្ធរំលាយអាហារផ្សេងៗ នៃសព៌ាង្គកាយមនុស្សដើម្បីឲ្យមានអាយុកាលយូរនោះផងដែរ។
ភ័ស្តុតាងដំបូងនៃការពិសោធនេះមានលទ្ធផលស្តែងចេញពាក់ព័ន្ធនឹងដំណើរការវិវត្តនៃសំណុំខួរក្បាលផ្នែកសិល្បៈភ្លេង។
ក្រុមអ្នកស្រាវជ្រាវបានបញ្ជាក់ថា ដំណើរលឿន ឬយឺតនៃសំណុំខួរក្បាលរបស់កណ្តុរដែលគេបានធ្វើពិសោធតាមរយៈ ម៉ូលេគុល NF-kB ជាសម្មតិកម្មបង្ហាញឲ្យដឹងអំពីការវិវត្តនេះ។ វាក៏មានកម្រិតទាក់ទងទៅអ័រម៉ូន GnRH ដែលមានតួនាទីសំខាន់សម្រាប់បញ្ជូននូវរាល់ព័ត៌មានតាមសរសៃប្រសាទ ទៅកាន់សំណុំខួរក្បាលផងដែរ។
ម៉ូលេគុល NF-kB នេះជាមូលហេតុបង្កឲ្យមានការធ្លាក់ចុះកោសិកាអ័រម៉ូន GnRH តាមរយៈការចុះខ្សោយនៃប្រព័ន្ធសរសៃប្រសាទនានានៅត្រង់សាច់ដុំ ស្បែកឆ្អឹង និងអង្គចងចាំជាដើមដែលវាសុទ្ធតែមានការពាក់ព័ន្ធដោយផ្ទាល់ទៅ នឹងលទ្ធផលនៃអាយុកាលរបស់វា។
ម៉ូលេគុល NF-kB នេះដែរ ជាទូទៅវាមានមុខងារសម្រាប់កំណត់លើការរីកធំធាត់នៃសព៌ាង្គកាយផង ដែរ។ នេះបើតាមការបង្ហាញរបស់ក្រុមស្រាវជ្រាវនៅទីក្រុងញូវយ៉ក។
ដុងសេង កៃ សាស្រ្តាចារ្យមកពីសាកលវិទ្យាល័យវេជ្ជសាស្រ្តអាល់បឺត អេនស្តីន ប្រាប់សារព័ត៌មានAFP ថា៖«ការសិក្សារបស់យើងបានផ្តល់នូវវិធីសាស្រ្តកែច្នៃមួយក្នុងការ ជួយពន្យារពេលអាយុកាលមនុស្សនិងសម្មតិកម្មនានាទៀត»។
លោកបន្តថា៖«វាអាចជួយឲ្យយើងដឹងពីវិធីពន្យារអាយុកាលបាន ដោយនេះគឺជាសមិទ្ធផលមួយធំណាស់។ ជាពិសេសវាមានវិធីពាក់ព័ន្ធនឹងការពន្យារអាយុកាលសម្រាប់ជំងឺមាន មេរោគនានាបានផងដែរ។ ខ្ញុំមិនគិតថា យើងគ្មានវិធីដើម្បីពន្យារអាយុបាននោះទេ»។
លោកវេជ្ជបណ្ឌិតមានជំនឿថា៖«លទ្ធផលនៃការពិសោធសត្វកណ្តុរនេះវា នឹងត្រូវគេប្រើជាវិធីសាស្រ្តសម្រាប់អនុវត្តលើមនុស្ស ទោះបីជាវាត្រូវគេអភិវឌ្ឍបន្ថែមនាពេលអនាគតក៏ដោយ»។
ដោយឡែកនៅសាកលវិទ្យាល័យសុខាភិបាលហាវ៉ាត ឯណោះវិញ អ្នកឯកទេសខាងសុខាភិបាលលោកដាណា ហ្គាបូសដា និងប្រូស យ៉ាងណឺរ បានឲ្យដឹងថា វាជាគន្លឹះមួយនៃសុពលភាពដ៏សំខាន់សម្រាប់ជួយព្យាបាលឬ ពន្យារអាយុកាលនៃការរីកលូតលាស់របស់ជំងឺ»។
ជាមួយនឹងក្តីសង្ឃឹមចំពោះពន្លឺនៃការពន្យារអាយុមនុស្សនេះ ពួកគេបានបន្តថា៖«គំនិតនេះជាសម្មតិកម្មមួយអាចធ្វើទៅរួចសម្រាប់ ការសិក្សាជាមួយនឹងមនុស្សសម្រាប់កំណត់លើលទ្ធផលនៃការពន្យារអាយុ កាលមនុស្សនេះតែម្តង»៕ ប្រភពពី ភ្នំពេញប៉ុស្តិ៍

Discussion

Photography

Wednesday, May 8, 2013