កូរ៉េខាងត្បូង និងចិន ព្រមព្រៀងពង្រឹង ទំនាក់ទំនង យោធា ជាយុទ្ធសាស្រ្ត

ប៉េកាំងៈ ប្រទេស កូរ៉េខាងត្បូង និងចិន កាលពីថ្ងៃអង្គារ កន្លងទៅនេះ បានព្រមព្រៀងគ្នា ពង្រឹងទំនាក់ទំនង យោធាឲ្យកាន់តែស៊ីជម្រៅ តាមរយៈការបង្កើននូវទំនាក់ទំនងបន្ថែម និងបង្កើនកិច្ចប្រតិបត្តិការជាអន្តរជាតិ។
ទីភ្នាក់ងារសារព័ទ៌មាន Yonhap News ចុះថ្ងៃទី០៥ ខែមិថុនា ឆ្នាំ២០១៣នេះ បានឲ្យដឹងថា លោក Gen Jung Seung-jo បានបំពេញដំណើរទស្សនកិច្ចក្នុងទីក្រុង ប៉េកាំងដើម្បីធ្វើកិច្ចជំនួបជាមួយ សមភាគីរបស់លោក គឺលោក Gen Fang Fenghui ប្រធានកងកម្លាំងយោធាប្រជាជនសេរី ដើម្បីពិភាក្សាពីមធ្យោបាយនានា ក្នុងការ ពង្រឹងទំនាក់ទំនងផ្នែកយោធា រវាងប្រទេសអាស៊ីទាំងពីរ ។
គួរបញ្ជាក់ថា ដំណើរទស្សនកិច្ច របស់លោក Jung មានរយៈពេលពីរថ្ងៃ ដោយបាននាំមកជាមួយនូវ ប្រេសិត ផ្សេងទៀតចំនួន១៥រូប ក្រោមការដឹកនាំរបស់ប្រធានាធិ
បតី កូរ៉េខាងត្បូង លោកស្រី Park Geun-hye ក្នុងទីក្រុង ប៉េកាំងក្នុងខែនេះ ដើម្បីធ្វើកិច្ចជំនួបជាមួយ មេដឹកនាំចិន លោក ស៊ី ជិនពីង ក្នុងពេលដែលមានការធ្វើកិច្ចសន្យា ដ៏ភ្ងាក់ផ្អើលមួយរវាងមន្ត្រីទូតនៃប្រទេសទាំងពីរ៕ប្រែសម្រួលៈ ដើមអម្ពិល