ផ្ទះមួយខ្នងបានសាងសងលើដុំថ្ម ដែលស្ថិតនៅលើទឹកទន្លេ

ផ្ទះមួយខ្នង ត្រូវបានសាងសងនៅលើដុំថ្ម ដែលស្ថិតនៅលើទន្លេមួយ មានឈ្មោះថា Drina ហើយទន្លេនេះមានប្រវែង ៣៤៦គីឡូម៉ែត្រឯណោះ ស្ថិតក្នុងទីក្រុង Bajina Basta ប្រទេស Serbia។
យោងតាមប្រភពព័ត៌មាន បានឲ្យដឹងថា ផ្ទះមួយខ្នងនេះ ត្រូវបានសាងសង់ឡើង ដោយក្រុមយុវជនជាច្រើននាក់ ដែលពួកគេគិតថា ថ្មនៅលើទន្លេនេះ គឺជាកន្លែងដ៏ល្អប្រសើរមួយ សម្រាប់សាងសង់ផ្ទះតូចនេះ។
បើតាមសម្តីរបស់ម្ចាស់ផ្ទះ និងជាអ្នកសាងសង់ផ្ទះនេះផងដែរនោះ បានប្រាប់ឲ្យដឹងថា ផ្ទះតូចមួយខ្នងនេះ ត្រូវបានសាងសង់ឡើង កាលពីឆ្នាំ ១៩៦៨ មកម្ល៉េះ ដោយបានចូលរួម ពីក្រុមយុវជនវ័យក្មេងជាច្រើននាក់ និងបានមូលមតិគ្នា ហើយបានជ្រើសរើសយកទីតាំងលើដុំថ្ម ស្ថិតលើទន្លេ Drina នេះដើម្បីសាងសងតែម្តង៕
តើប្រិយមិត្តទាំងអស់គ្នា យល់យ៉ាងណាដែរ ចំពោះផ្ទះសាងសងលើដុំថ្មមួយខ្នងនេះ?

ដោយ ៖ ប៊ី
ខ្មែរឡូត