ថ្នាំពេទ្យគឺជាអាវុធមុខពីរ ដូច្នេះការប្រើប្រាស់វាទាមទារការប្រុងប្រយ័ត្ន
និងពិនិត្យឲ្យបានត្រឹមត្រូវ ។ដោយឡែកយើងសង្កេតឃើញថា
មនុស្សមួយចំនួនពេលឈឺម្ដងៗទៅទិញថ្នាំពេទ្យមកប្រើគ្មាន
វេជ្ជបញ្ជាទេ។ តើទង្វើបែបនេះត្រឹមត្រូវដែលឬទេ?
និស្សិត ប្រុស សមិទ្ធិ ណារិនផូ សិក្សានៅសាកលវិទ្យាល័យបញ្ញាសាស្រ្ត បានប្រាប់ឲ្យដឹងថា ពេលឈឺល្មមៗដូចជា ឈឺក្បាល ផ្តា សាយ ក្អក តែងតែទៅរកទិញថ្នាំមកលេបដោយខ្លួនឯង។ ណារិនផូ បន្តទៀតថាអ្នកលក់យល់ដឹងថ្នាំ និងជំងឺច្រើន ដូចនេះគ្រាន់តែទៅដល់ប្រាប់អាការៈជំងឺ នោះអ្នកលក់អាចផ្សំថ្នាំឲ្យហើយ។ ចំណែកឯការប្រើប្រាស់វិញក៏មានប្រសិទ្ធភាពដែរ។
សម្រាប់ កញ្ញា រស ចាន់ធីតា និស្សិតស្រីមកពីខេត្តកំពត បាននិយាយថា ៖ ” ទៅជួបពេទ្យដឹងតែអស់លុយយ៉ាងហោចណាស់៥ទៅ១០ដុល្លារ ចឹងបានលុយណាទិញថ្នាំ។ឈឺបន្តិចបន្តួចប្រាប់អ្នកលក់ថ្នាំទៅ គេមិនដែលគិតលុយថែមផង ហើយគេលក់ គេដឹងហើយថាំ្នណាត្រូវថ្នាំណាអត់នោះ។ ចឹងអត់សូវអស់លុយច្រើន ហើយថ្នាំប្រើទៅមិនដែលមានប្រតិកម្មអីផង”។
និស្សិតទន្តពេទ្យនៅសាកលវិទ្យាល័យវិជ្ជាសាស្ត្រសុខាភិបាល ស៊ន ធាងស៊ី បាន
លើកឡើងថា ទោះបីជាគេទិញថ្នាំមកប្រើដោយខ្លួនឯងក៏ពិតមែន
ប៉ុន្តែ ធាង ស៊ី
តែងតែអានការណែនាំមុននឹងប្រើជានិច្ចដើម្បីជៀសវាងការប្រើប្រាស់
ខុស។
និស្សិតប្រុសរូបនេះ បានបន្ថែមទៀតថា៖ “អ្នកណាមិនដឹងថាឈឺក្បាល ផ្ដាសាយនោះ តែជំងឺខ្លះដែលវាហួសពីនេះ ច្បាស់ជារត់ទៅរកគ្រូពេទ្យហើយ ព្រោះជីវិតមិនអាចលេងសើចបានទេ។ មានតែពេទ្យទេចេះវិភាគដឹងច្បាស់ ចេញវេជ្ជបញ្ជាទិញថ្នាំត្រូវនឹងរោគជំងឺនោះ”។
ដោយឡែកលោក វេជ្ជបណ្ឌិត ទឹក ចាន់ណារិទ្ធ ប្រចាំមណ្ឌលជាតិលើកកម្ពស់សុខភាព បានពន្យល់ពីរឿងនេះថា ការទិញថ្នាំពេទ្យដោយគ្មានវេជ្ជបញ្ជាត្រឹមត្រូវគឺជាខុសច្បាប់។ គាត់មិនបានបញ្ជាក់ពីមាត្រាណាមួយទេ គាត់គ្រាន់តែលើកឡើងថា ច្បាប់បានកំណត់មកថាមានតែពេទ្យទេ ទើបអាចមានសិទ្ធចេញថ្នាំពេទ្យឲ្យអ្នកជំងឺប្រើ។
អ្នកជំនាញ រូបនេះបានបន្តទៀតថា ប្រជាជនទូទៅច្រើនប្រើថ្នាំតាមទម្លាប់តៗគ្នា សួរគេសួរឯងឬអ្នកដែលធ្លាប់មានជំងឺពីមុន។ នេះគឺជាការប្រថុយប្រថានណាស់ព្រោះពួកគាត់មិនស្គាល់ពីប្រភេទ ជំងឺច្បាស់លាស់ វាអាចប៉ះពាល់ដល់សុខភាពអ្នកប្រើកាន់តែធ្ងន់ធ្ងរ ឬបណ្ដាលឲ្យកើតជាជំងឺផ្សេងៗទៀត។
យ៉ាងណាមិញ លោកវេជ្ជបណ្ឌិតរូបនេះ បានសង្កាត់ធ្ងន់ថា ការទិញថ្នាំដោយមិនប្រថុយប្រថាន មានតែវិធីមួយគត់នោះគឺ ទៅជួបគ្រូពេទ្យជំនាញ ដើម្បីពិគ្រោះ វិភាគជំងឺ ហើយទិញថ្នាំតាមវេជ្ជបញ្ជា នៅឱសថស្ថានដែលមានអាជ្ញាប័ណ្ណត្រឹមត្រូវទទួលស្គាល់ដោយក្រសួង សុខាភិបាល និងប្រើប្រាស់តាមវេជ្ជបញ្ជាបានកំណត់។ ករណីដែលអ្នកជំងឺប្រើប្រាស់តាមវេជ្ជបញ្ជានោះ ពេលមានបញ្ហា អ្នកជំងឺត្រូវប្រញាប់ទៅជួបគ្រូពេទ្យនោះវិញភ្លាម។
ចុះអ្នកវិញធ្លាប់ទិញថ្នាំគ្មានវេជ្ជបញ្ជាទេ?
អត្ថបទ៖ ផល្លា សុម៉ាលីណា
ប្រភពពី សប្បាយ
និស្សិត ប្រុស សមិទ្ធិ ណារិនផូ សិក្សានៅសាកលវិទ្យាល័យបញ្ញាសាស្រ្ត បានប្រាប់ឲ្យដឹងថា ពេលឈឺល្មមៗដូចជា ឈឺក្បាល ផ្តា សាយ ក្អក តែងតែទៅរកទិញថ្នាំមកលេបដោយខ្លួនឯង។ ណារិនផូ បន្តទៀតថាអ្នកលក់យល់ដឹងថ្នាំ និងជំងឺច្រើន ដូចនេះគ្រាន់តែទៅដល់ប្រាប់អាការៈជំងឺ នោះអ្នកលក់អាចផ្សំថ្នាំឲ្យហើយ។ ចំណែកឯការប្រើប្រាស់វិញក៏មានប្រសិទ្ធភាពដែរ។
សម្រាប់ កញ្ញា រស ចាន់ធីតា និស្សិតស្រីមកពីខេត្តកំពត បាននិយាយថា ៖ ” ទៅជួបពេទ្យដឹងតែអស់លុយយ៉ាងហោចណាស់៥ទៅ១០ដុល្លារ ចឹងបានលុយណាទិញថ្នាំ។ឈឺបន្តិចបន្តួចប្រាប់អ្នកលក់ថ្នាំទៅ គេមិនដែលគិតលុយថែមផង ហើយគេលក់ គេដឹងហើយថាំ្នណាត្រូវថ្នាំណាអត់នោះ។ ចឹងអត់សូវអស់លុយច្រើន ហើយថ្នាំប្រើទៅមិនដែលមានប្រតិកម្មអីផង”។
និស្សិតប្រុសរូបនេះ បានបន្ថែមទៀតថា៖ “អ្នកណាមិនដឹងថាឈឺក្បាល ផ្ដាសាយនោះ តែជំងឺខ្លះដែលវាហួសពីនេះ ច្បាស់ជារត់ទៅរកគ្រូពេទ្យហើយ ព្រោះជីវិតមិនអាចលេងសើចបានទេ។ មានតែពេទ្យទេចេះវិភាគដឹងច្បាស់ ចេញវេជ្ជបញ្ជាទិញថ្នាំត្រូវនឹងរោគជំងឺនោះ”។
ដោយឡែកលោក វេជ្ជបណ្ឌិត ទឹក ចាន់ណារិទ្ធ ប្រចាំមណ្ឌលជាតិលើកកម្ពស់សុខភាព បានពន្យល់ពីរឿងនេះថា ការទិញថ្នាំពេទ្យដោយគ្មានវេជ្ជបញ្ជាត្រឹមត្រូវគឺជាខុសច្បាប់។ គាត់មិនបានបញ្ជាក់ពីមាត្រាណាមួយទេ គាត់គ្រាន់តែលើកឡើងថា ច្បាប់បានកំណត់មកថាមានតែពេទ្យទេ ទើបអាចមានសិទ្ធចេញថ្នាំពេទ្យឲ្យអ្នកជំងឺប្រើ។
អ្នកជំនាញ រូបនេះបានបន្តទៀតថា ប្រជាជនទូទៅច្រើនប្រើថ្នាំតាមទម្លាប់តៗគ្នា សួរគេសួរឯងឬអ្នកដែលធ្លាប់មានជំងឺពីមុន។ នេះគឺជាការប្រថុយប្រថានណាស់ព្រោះពួកគាត់មិនស្គាល់ពីប្រភេទ ជំងឺច្បាស់លាស់ វាអាចប៉ះពាល់ដល់សុខភាពអ្នកប្រើកាន់តែធ្ងន់ធ្ងរ ឬបណ្ដាលឲ្យកើតជាជំងឺផ្សេងៗទៀត។
យ៉ាងណាមិញ លោកវេជ្ជបណ្ឌិតរូបនេះ បានសង្កាត់ធ្ងន់ថា ការទិញថ្នាំដោយមិនប្រថុយប្រថាន មានតែវិធីមួយគត់នោះគឺ ទៅជួបគ្រូពេទ្យជំនាញ ដើម្បីពិគ្រោះ វិភាគជំងឺ ហើយទិញថ្នាំតាមវេជ្ជបញ្ជា នៅឱសថស្ថានដែលមានអាជ្ញាប័ណ្ណត្រឹមត្រូវទទួលស្គាល់ដោយក្រសួង សុខាភិបាល និងប្រើប្រាស់តាមវេជ្ជបញ្ជាបានកំណត់។ ករណីដែលអ្នកជំងឺប្រើប្រាស់តាមវេជ្ជបញ្ជានោះ ពេលមានបញ្ហា អ្នកជំងឺត្រូវប្រញាប់ទៅជួបគ្រូពេទ្យនោះវិញភ្លាម។
ចុះអ្នកវិញធ្លាប់ទិញថ្នាំគ្មានវេជ្ជបញ្ជាទេ?
អត្ថបទ៖ ផល្លា សុម៉ាលីណា
ប្រភពពី សប្បាយ
Facebook
0 Comments:
Post a Comment