លោក ឈាង វុន បន្តទៀតថា យើងសង្ឃឹមថា ទៅថ្ងៃមុខគណបក្សប្រជាជនកម្ពុជា និងគណបក្សសង្គ្រោះជាតិ គឺជាដៃគូប្រជាធិបតេយ្យដ៏ល្អនៅក្នុងប្រទេសកម្ពុជា ហើយរួមគ្នាកសាងប្រទេសជាតិ។
លោក ឈាង វុន បានបញ្ជាក់ប្រាប់ក្រុមអ្នករាយការណ៍ព័ត៌មានបន្តថា បើសិនជាមានរដ្ឋាភិបាលចំរុះជាមួយគណបក្សសង្គ្រោះជាតិនោះ ប្រជាធិបតេយ្យលែងមានន័យទៀតហើយ នៅក្នុងប្រទេសកាន់លទ្ធិប្រជាធិបតេយ្យ តែងតែមានគណបក្សកាន់អំណាច នឹងគណបក្សប្រឆាំង ដែលប្រឆាំង ក្នុងន័យស្ថាបនា ដើម្បីឲ្យប្រជាពលរដ្ឋ មានសិទ្ធិ ក្នុងការជ្រើសរើសមេដឹកនាំ។
ដែលក្នុងន័យនេះ លោក ឈាង វុន ចង់បញ្ជាក់ថា គណបក្សប្រជាជនកម្ពុជា ដែលទទួលបានអាសនៈ ៦៨ នៅក្នុងរដ្ឋសភា នៅអាណត្តិនេះ និងមិនចាប់ដៃគូជាមួយគណបក្សសង្គ្រោះជាតិ ដែលជាគណបក្សប្រឆាំងបង្កើតរាជរដ្ឋាភិបាល អាណតិ្តទី៥ នោះឡើយ គឺគណបក្សចាញ់ឆ្នោត ធ្វើជាគណបក្សប្រឆាំង តែមួយគត់ របស់ព្រះរាជាណាចក្រកម្ពុជា។
នៅក្នុងការបោះឆ្នោតជ្រើសតាំង អ្នកតំណាងរាស្ត្រ នីតិកាលទី៥ ឆ្នាំ២០១៣ មានគណបក្សនយោបាយចំនួន ៨ ចូលរួមប្រកួតប្រជែង ក៏ប៉ុន្តែមានតែគណបក្ស ២ ប៉ុណ្ណោះ ដែលប្រជាពលរដ្ឋគាំទ្រ គឺគណបក្សប្រជាជនកម្ពុជា ទទួលបាន ៦៨ អាសនៈ និងគណបក្សសង្គ្រោះជាតិ ទទួលបាន ៥៥ អាសនៈ។
ប៉ុន្តែនៅព្រឹកមិញ គណបក្សសង្គ្រោះជាតិ បានប្រកាស មិនទទួលស្គាល់លទ្ធផលបោះឆ្នោតបណ្តោះអាសន្ន ដែលបានប្រកាសនោះទេ៕
ប្រភព CEN
Facebook
0 Comments:
Post a Comment