| គេរកឃើញមូលហេតុពិត ដែលនាំឱ្យផែនដី ទទួលការវាយប្រហារពីអាចម៍ផ្កាយ ជាបន្ដបន្ទាប់ |
ការស្រាវជ្រាវថ្មីៗនេះរបស់ក្រុមអ្នកវិទ្យាសាស្ដ្រអាមេរិក
បានបកស្រាយនូវមូលហេតុដែលផែនរបស់យើង ត្រូវរងគ្រោះដោយសារអាចម៍ផ្កាយ
ហើយក្នុងចំណោមនេះអាចបង្កឱ្យមានមហាគ្រោះទឹកជំនន់។ ពីដើមឡើយ ក្រុមអ្នកវិទ្យាសាស្ដ្របានលើកឡើងនូវការសន្និដ្ឋានថា មូលហេតុនៃការមកដល់របស់អាចម៍ផ្កាយគឺដោយសារបំលាស់ទីចេញពីគន្លង គោចររបស់បណ្ដាភព។ ភពព្រហស្បត្តិ៍ និងភពព្រះសៅរ៍( Jupiter and Saturn) បានរំកិលខ្លួនចូលទៅក្បែរព្រះអាទិត្យ នៅពេលដែលភពកេតុ (Neptune) និងភព អ៊ុយរ៉ានុស ដកថយឆ្ងាយពីព្រះអាទិត្យ។ ការដកថយនេះរបស់ ភពកេតុ និងភព អ៊ុយរ៉ានុស បង្កើតបានជាទំនាញមួយដ៏ធំ ដែលអូសទាញអាចម៍ផ្កាយជាច្រើនចូលក្នុងប្រព័ន្ធព្រះអាទិត្យ។ ប្រការខាងលើនេះ បណ្ដាលឱ្យមានអាចម៍ផ្កាយធ្លាក់មកលើភពនានាក្នុងប្រព័ន្ធព្រះអាទិត្យ ក្នុងនោះមានផែនដីជាដើម។ 
មូលហេតុនៃមហាគ្រោះទឹកជំនន់ក្នុងប្រវត្ដិសាស្ដ្រមនុស្សជាតិ
ត្រូវបានបង្ហើបឱ្យដឹង មកដល់ពេលនេះ សាស្ដ្រាចារ្យ Simone Marchi និងសហការី នៅមន្ទីរស្រាវជ្រាវក្រុង Boulder (Colorado អាមេរិក) បានប្រកាសពីគម្រោងវិទ្យាសាស្ដ្ររបស់ខ្លួនទាក់ទឹននឹងការសន្និដ្ឋាន ខាងលើ។ ក្រុមអ្នកវិទ្យាសាស្ដ្រខាងលើបានប្រកាសថា ៖ ការផ្លាស់ប្ដូរគន្លងគោចររបស់ភពដូចជាព្រហស្បត្តិ៍ជាដើម បានបង្កជាព្យុះអាចម៍ផ្កាយធំក្នុងប្រវត្តិនៃប្រព័ន្ធព្រះអាទិត្យ។ សាស្ដ្រាចារ្យ Simone Marchi បានលើកឡើងការសន្និដ្ឋានខាងលើនៅពេលដែលធ្វើការពិសោធទៅលើថ្មព្រះច័ន្ទ ដែលត្រូវបានយានអវកាស Apollo 16 នាំមកផែនដីកាលពី ឆ្នាំ ១៩៧២ និងប្រភេទអាចម៍ផ្កាយមួយចំនួន។ភ្នំពេញដេលីញូវ 
ប្រព័ន្ធព្រះអាទិត្យ
|
Facebook
0 Comments:
Post a Comment