ពិភពលោកបិទភ្លើង៦០វិនាទីជាប្រវត្តិសាស្ត្រដើម្បីបរិស្ថានផែនដី
ក្រុងវ៉េនីសរបស់អ៊ីតាលី
ចូលរួមព្រឹត្តិការណ៍ម៉ោងផែនដី ដើរបិទភ្លើងអគ្គិសនី
ហើយជំនួសដោយការដុតទៀន ចំនួន៦០វិនាទី។ AFP
ក្នុងការ បង្ហាញជានិម្មិត្តរូបនៃ ការគាំទ្រដល់ភពផែនដី ប្រជាជនទូទាំងទ្វីប បានបិទភ្លើងអគ្គិសនីសម្រាប់ រយៈពេល៦០វិនាទី ដែលគ្រប់ទីតាំង ត្រូវបានធ្វើឡើងនៅវេលាម៉ោង ៨:៣០នាទីយប់ ម៉ោងក្នុងស្រុកដូចៗគ្នា។
ក្រុងញូវយ៉កដែលមានមនុស្ស អ៊ូអរ អ្វីដែលបានកើតឡើងអគាររដ្ឋអធិរាជ្យ ត្រូវបានគេដកឌុយភ្លើង នៅពេលរាត្រីចែងចាំងរបស់ខ្លួន។
ទៅភាគ ខាងត្បូង នៅក្នុងប្រទេសប្រេស៊ីល បដិមាយេស៊ូ លាងបាបនៅក្រុងរីយ៉ូ ដឺហ្សាណេរ៉ូ បានធ្លាក់ចូលក្នុងភាពងងឹតជាបណ្តោះអាសន្ន ជាមួយគ្នានឹងឆ្នេរIpane ma ដ៏ល្បីឈ្មោះរបស់ក្រុងនោះ។
នៅរដ្ឋធានី ប៊ុយណូស៊ែរ របស់ អាហ្សង់ទីន បង្គោលអូបែលស៊ីក របស់ក្រុង សំណាកចក្រវាលនិង វិមានឧទ្ទិសជាច្រើនទៀត ក៏ដូចជាអគាររដ្ឋជាច្រើន ក៏បានធ្វើដូចគ្នានោះដែរ។
នៅក្រុងប៉ារីស ក្រុងពន្លឺអគ្គិសនីនៃប៉មអេហ្វែល បានបិទភ្លើងការ តាំងលម្អនោះ ប៉ុន្តែតែក្នុងរយៈពេល៥នាទីប៉ុណ្ណោះដោយសារ តែហេតុផលសន្តិសុខ។
ក្នុង ពេលជាមួយគ្នានោះវិមាន ក្រឹមឡាំងរបស់រុស្ស៊ី បានស្ថិតក្នុង ភាពងងឹតរយៈពេល១ម៉ោងពេញ ជាលើកទីមួយ បន្ទាប់ពីមានការសម្រេចចិត្ត របស់ប្រធានាធិបតី វ្លាឌីមៀរ ពូទីន។
ទីលាន Saint Mark នៅចំកណ្តាលក្រុងវ៉េនីស បានបិទភ្លើង ហើយដុតភ្លើងទៀនជំនួសវិញ។
នៅ ក្រុងបែលក្រាត នៃប្រទេសស៊ែរប៊ី សភាជាតិ សារមន្ទីរជាតិ និងស្ពានទាំង៥ ក៏ស្ថិតក្នុងចំណោម ទីតាំងគ្មានភ្លើងលម្អដែរ។ នៅបូស្ន៊ី ជារដ្ឋជិតខាង នៅមហាវិហារសារ៉ាជេវ៉ូ និងស្ពានចាស់នៅម៉ូស្តារ ក៏បានបិទភ្លើងដែរ។
មុននេះ ក្រុងស៊ីដនី បានចាប់ផ្តើមព្រឹត្តិការណ៍នេះជាមួយការអបអរពីហ្វូងមនុស្សតិចតួច ដែលបានជួបជុំគយគន់ជើងមេឃងងឹត និងមហោស្រពអូប៉េរ៉ា ដែលប្រែក្លាយជាពណ៌បៃតង ដែលជានិមត្តរូបនៃថាមពលកកើតឡើងវិញ។ ជប៉ុន បានបិទភ្លើងបន្ទាប់ពីអូស្ត្រាលីនៅ ប៉មតូក្យូ និងវិមានអនុស្សាវរីយ៍សន្តិភាពហ៊ីរ៉ូស៊ីម៉ា។ ក្រុងប៉េកាំង សេអ៊ូល ហុងកុង សិង្ហបុរីនិងហ្សាការតា សុទ្ធតែបានចូលរួមក្នុងព្រឹត្តិការណ៍ដើម្បីបរិស្ថានពិភពលោកនេះ ទាំងអស់៕ ភ្នំពេញប៉ុស្តិ៍IN
Facebook
0 Comments:
Post a Comment