សិល្បស្ថាបត្យករខ្មែររំលេចស្នាដៃរចនាសណ្ឋាគារនៅសៀមរាប
ទិដ្ឋភាពនៅមាត់ច្រកចូលសណ្ឋាគារ ដែលមានអមសងខាងខ្លោងទ្វារដោយចម្លាក់សត្វគ្រុឌមួយគូ។ រូបថត សហការី
លោកបានសម្រេចជ្រើសយកពណ៌ចំនួនបីគឺពណ៌ក្រហម ពណ៌ស និងពណ៌ប្រផេះសម្រាប់ធ្វើជាមេពណ៌ក្នុងសិល្បៈតុបតែងសណ្ឋាគារខាង លើនេះ។ តួយ៉ាងដូចជាការប្រើពណ៌ក្រហមសម្រាប់ទ្វារនិងប្រើពណ៌ក្រហមលាយ ពណ៌ទឹកប្រាក់ថ្លាសម្រាប់រចនានៅតាមផ្លូវច្រកចូលសណ្ឋាគារដោយមាន ដើមឈើអមសងខាងផងដែរ។ ក្រៅពីនេះគេក៏ឃើញមានរូបសត្វគ្រុឌពីរដាក់នៅត្រង់ច្រកចូលនៅ ផ្នែកខាងក្នុងផងដែរ។
លោក សេត សុគន្ធ អ្នកចាត់ការទូទៅសណ្ឋាគារនេះបានពន្យល់ពីក្បូរក្បាច់ក្នុង សណ្ឋាគារលោកថា នេះគឺយកលំនាំបុរាណមួយចង់ឆ្លុះបញ្ចាំងតាមរចនាប័ទ្មសម័យអង្គរ ដែលនិយមប្រើជ័រម្រ័ក្សណ៍ក្នុងការលាបលនចម្លាក់នានា។
លោកបន្តថា៖ «វាជាការរចនាដ៏ល្អមួយមើលទៅដូចសភាពខាងក្នុងនៃព្រះរាជវាំងនា សម័យអង្គរអ៊ីចឹង។ ទាំងចម្លាក់ និងគ្រប់បន្ទប់ទាំងអស់សុទ្ធតែប្រើប្រាស់នូវការលាបលនដោយជ័រ ម្រ័ក្សណ៍ទាំងអស់ ដែលធ្វើឲ្យភ្ញៀវមានការពេញចិត្ត ហើយរីករាយក្នុងការស្នាក់នៅ»។
អ្វីដែលកាន់តែពិសេសនោះគឺពេលភ្ញៀវមកស្នាក់នៅសណ្ឋាគារនោះពួក គេក៏អាចជាវគំនូរចម្លាក់ដំរីកន្សែងបង់កនិងរូបចម្លាក់ព្រះ ពុទ្ធបាននៅទីនេះផងដែរ។
កាលដើមឡើយលោក លីម ធៀមមានជំនាញជាវិចិត្រករវិចិត្រសិល្បៈ ខណៈជំនាញគូរប្លង់ខាងក្នុងសណ្ឋាគារនោះលោកបានសិក្សាវាឯសាលា Ecole Boulle នៅក្រុងប៉ារីសប្រទេសបារាំង។ ទោះបីជាលោកមានតំណែងជាអ្នកប្រឹក្សាគម្រោងប្លង់របស់សណ្ឋាគារយូរ មកហើយក្តីតែស្នាដៃដំបូងរបស់លោកទើបតែមាននៅក្នុងសណ្ឋាគារ Memoire d'Angkor នេះប៉ុណ្ណោះ។
លោកនិយាយថា៖ «ការតុបតែងទាំងខាងក្រៅ និងក្នុង មិនថាសង្ហារិម ចម្លាក់ និងក្បូរក្បាច់នានា សុទ្ធតែជាការកែច្នៃ និងជាស្នាដៃរបស់វិចិត្រករ ព្រមទាំងជាងឈើដ៏ចំណានរបស់យើងផ្ទាល់»។
លោក លីម ធៀម បានឲ្យដឹងទៀតថា៖ «សណ្ឋាគារនេះខ្ញុំបានរៀបចំជាពិសេសសម្រាប់ការទាក់ទាញម្ចាស់ សណ្ឋាគារជាតិខ្មែរទាំងឡាយឲ្យមើលឃើញពីតម្លៃសិល្បៈសហសម័យ ដែលកើតចេញពីការកែច្នៃសិល្បៈប្រពៃណីខ្មែរតាំងពីសម័យក្រោយ អាណានិគមន៍ ឬរបៀបតុបតែងតាមរចនាប័ទ្មសម័យអង្គរ។ នេះគឺជាការបង្កើតថ្មីក្នុងវិស័យសិល្បៈ»។
គួរបញ្ជាក់ថាក្រៅពីសេវាសណ្ឋាគារ Memoire d'Angkor ក៏មានភោជនីយដ្ឋានឈ្មោះថា Red Pearl ដោយមានមុខម្ហូបអាហារបាប៊ីគ្យូគ្រឿងសមុទ្រនៅពេលល្ងាចនិងមានការ សម្តែងរបាំអប្សរាជូនទស្សនាថែមទៀតផង៕ ភ្នំពេញប៉ុស្តិ៍PR
Facebook
0 Comments:
Post a Comment