កូរ៉េខាងជើងព្រមានស្ថានទូតឲ្យជម្លៀសចេញនៅមុនថ្ងៃទី១០ ខែមេសា

តាមព័ត៌មានរបស់ABC បានឲ្យដឹងថា ប្រទេសកូរ៉េខាងជើងបានណែនាំដល់ស្ថានទូតរុស្ស៊ី និងអង់គ្លេសនៅទីក្រុងព្យុងយ៉ាងនៅថ្ងៃនេះ (ថ្ងៃទី៦ ខែមេសា) ឲ្យ ជម្លៀសបុគ្គលិករបស់ពួកគេចេញពីប្រទេស ដោយបាននិយាយថា សុវត្ថិភាពរបស់ពួកគេអាចស្ថិតនៅក្នុងសភាពគ្រោះថ្នាក់នៅក្នុង ព្រឹត្តិការណ៍នៃសង្គ្រាមផ្ទុះឡើងចាប់ពីថ្ងៃទី១០ ខែមេសា។

យោងទៅតាមទីភ្នាក់ងារព័ត៌មានរុស្ស៊ីRIA Novosti បានឲ្យដឹងថា«សំណើ នេះត្រូវបានធ្វើឡើងដល់គ្រប់ស្ថានទូតទាំងអស់ នៅទីក្រុងព្យុងយ៉ាង ហើយឥឡូវនេះយើងកំពុងតែពិចារណាអំពីសភាពការណ៍។ លោក ស៊ែរហ្គេឡាវ្រ៉ូវ រដ្ឋមន្ត្រីការបរទេសរុស្ស៊ី បាននិយាយប្រាប់អ្នកសារព័ត៌មានដូច្នេះនៅរដ្ឋធានី តាសកិនរបស់ប្រទេសអ៊ូបេគីស្ថាន។

អ្នកនាំពាក្យរបស់ក្រសួងការបរទេសអង់គ្លេស បានអះអាងអំពីករណីនេះនៅក្នុងសេចក្ដីថ្លែងការណ៍មួយថា« ស្ថានទូតអង់គ្លេសនៅទីក្រុងព្យុងយ៉ាង បានទទួលនូវដំណឹងនេះពីរដ្ឋាភិបាលកូរ៉េខាងជើង នៅព្រឹកមិញនេះ»។ ព័ត៌មាននេះគឺជាការកើនឡើងយ៉ាងខ្លាំងនូវភាពតានតឹងនៅឧបទ្វីបកូរ៉េ ដែលជំរុញការគំរាមកំហែងដោយការបង្កធ្វើសង្គ្រាមជាប្រចាំថ្ងៃ ពីមេដឹកនាំកូរ៉េខាងជើងលោកគីមជុងអ៊ុន ចាប់តាំងពីអាមេរិក កូរ៉េខាងត្បូងបានចាប់ផ្ដើមធ្វើសមយុទ្ធយោធាក្នុងទំហំធំកាលពីខែ កន្លងមក។

កាលពី ថ្ងៃសុក្រ មន្ត្រីអាមេរិកបានអះអាងថា កាំជ្រួចរយៈចម្ងាយមធ្យម២ដើមត្រូវបានចល័តទៅកាន់ឆ្នេរសមុទ្រខាងកើត របស់កូរ៉េខាងជើង ដោយបានបញ្ឆេះនូវការនិយាយស្មានថា កូរ៉េខាងជើង កំពុងតែមានផែនការវាយប្រហារដោយកាំជ្រួច។ ជាការឆ្លើយតប កូរ៉េខាងត្បូងបានបញ្ជូននាវាពិឃាដAegis ២គ្រឿងបំពាក់ដោយប្រព័ន្ធរ៉ាដា ជៀនលឿនទៅកាន់ឆ្នេរសមុទ្រទាំង២របស់ខ្លួន។

កាំជ្រួច Musudanរបស់កូរ៉េខាងជើងដែលមិនបានធ្វើការសាកល្បង ត្រូវបានគេប៉ាន់ស្មានថា មានចម្ងាយចម្ងាយ១,៨០០ម៉ៃ ទៅ២,៥០០ ម៉ៃ ដោយដាក់មូលដ្ឋានយោធាអាមេរិកនៅអូគីណាវ៉ា និងកោះហ្គាមស្ថិតនៅក្នុងរង្វង់ប្រតិបត្តិការរបស់ខ្លួន។ ការអំពាវនាវឲ្យជម្លៀសស្ថានទូតបរទេសចេញហាក់ដូចជាយុទ្ធវិធីចុងក្រោយ របស់កូរ៉េខាងជើងដើម្បីតម្រូវតាមវោហាសាស្ត្រ និងទទួលបាននូវការធ្វើសម្បទានពីអាមេរិក និងកូរ៉េខាងត្បូង។ ក្រុងព្យុងយ៉ាងបានគំរាមអាមេរិក និងបានប្រកាសថា ខ្លួនបានលុបចោលយុទ្ធសន្តិភាពសង្គ្រាមកូរ៉េ និងបានសន្យាចាប់ផ្ដើមដំណើរការឡើងវិញនូវរ៉េអាក់ទ័រ ព្លុយតូនីញ៉ូម និងរាំងខ្ទប់ប្រជាជនកូរ៉េខាងត្បូងមិនឲ្យចូលទៅកាន់ឧស្សាហកម្ម ចម្រុះរួមគ្នានៅKaesong៕កម្ពុជាថ្មី

Discussion

Photography

Sunday, April 7, 2013