សណ្ឋាគារផ្កាយ ៨ មានដាំមាស ៤០តោន

សណ្ឋាគារលំដាប់ផ្កាយ ៨ ​Emirates Palace ត្រូវបានគេកសាងឡើងនៅក្នុងប្រទេស អារ៉ាប់
រួម ដែលជានិមិត្តរូបមួយរបស់ប្រទេស និងជាសណ្ឋាគារមួយក្នុងចំណោមសណ្ឋាគារដែល
មានតម្លៃថ្លៃបំផុតនៅលើចក្រវាឡ។


ទិដ្ឋភាពទាំងមូលរបស់សណ្ឋាគារ ​Emirates Palace

សណ្ឋាគារ Emirates Palace ទាំងមូលត្រូវបានសាងសង់ឡើងនៅក្នុងផ្ទៃដីទំហំ ១,៣គីឡូ
ម៉ែត្រ នៅក្បែរឆ្នេរសមុទ្រក្នុងតំបន់ Abu Dhabi ដែលជាទីក្រុងធំបំផុតនៅ អារ៉ាប់រួម។

Emirates Palace ក្នុងពេលកំពុងសាងសង់


Emirates Palace មានចម្ងាយពីព្រលានយន្ដហោះ Abu Dhabi ប្រមាណជា ៣០ នាទី
ប៉ុណ្ណោះ ក្នុងការធ្វើដំណើរដោយរថយន្ដ។

សណ្ឋាគារនេះ មានដំបូល ១១៤ និងមានកំពស់ ៨០ ម៉ែត្រ


សួនច្បារធំៗដែលមានទំហំ ៨៥ ហិចតា ត្រូវបានគេបង្កើតឡើងព័ទ្ធជុំវិញសណ្ឋាគារ ​
Emirates Palace ។

កន្លែងមួយចំនួនរបស់សណ្ឋាគារនេះត្រូវបានស្រោបលំអទៅដោយមាស និងត្បូង
មើលទៅពិតជាគួរចាប់អារម្មណ៍ខ្លាំងណាស់។

មាសដល់ទៅ ៤០ តោន ត្រូវបានប្រើប្រាស់ដើម្បីលំអនៅក្នុងសណ្ឋាគារផ្កាយ ៨ កំពូល
ប្រណិតនេះ។

ទឹកប្រាក់សរុបដែលត្រូវបានគេចំណាយទៅលើការសាងសង់សណ្ឋាគារនេះ ឡើងដល់
៣ ពាន់លានដុល្លារអាមេរិក។

សណ្ឋាគារ Emirates Palace មានបន្ទប់ប្រភេទ King size ចំនួន ១៦ជួរ ដែលស្ថិតនៅជាន់
ទី ៦ និងទី ៧ សម្រាប់ទទួលមេដឹកនាំកំពូលៗរបស់ប្រទេសនៅជុំវិញពិភពលោក។



ប្រភពពី xinhua បានអោយដឹងថា Emirates Palace មានផ្ទៃដីប្រើប្រាស់សរុបទាំងអស់
ចំនួន ៨៥០.០០០ម៉ែត្រការ៉េ៕ពី http://camnews.com.kh

ដោយ ៖ សូរីយ៉ា
ប្រភព ៖ xinhuanet