ណាតូសម្លាប់កុមារអាហ្វហ្គានីស្ថាន១១នាក់
ក្រុមអ្នកភូមិអង្គុយក្បែរសាកសពកុមារដែលពួកគេនិយាយថាត្រូវណាតូ សម្លាប់។ AFP
កុមារទាំងនេះត្រូវបានសម្លាប់ក្នុងអំឡុងពេលប្រតិបត្តិការរួម អាហ្វហ្គានីស្ថាន-ណាតូ នៅស្រុកស៊ីហ្គាល់នៃខេត្តគូណាដ៏វឹកវរជាប់ព្រំដែនប៉ាគីស្ថានពី ថ្ងៃសៅរ៍។
មន្ត្រីអាហ្វហ្គានីស្ថានម្នាក់ដែលចូលរួមក្នុងប្រតិបត្តិការនេះ បាននិយាយថា ការគាំទ្រពីផ្លូវអាកាសត្រូវបានកោះហៅបន្ទាប់ពីកម្លាំងក្នុង តំបន់និងចម្រុះស្ថិតក្រោមការវាយប្រហារដែលបណ្តាលឲ្យស្លាប់ទាហាន អាមេរិកម្នាក់និងរបួសទាហានអាហ្វហ្គានីស្ថានជាច្រើននាក់ទៀត។
មន្ត្រីរូបនោះ បាននិយាយថា កម្លាំងយើងមិនបានដឹងថាមានស្ត្រី និងកុមារនៅក្នុងផ្ទះដែលត្រូវវាយប្រហារនោះទេ។
ក្នុងសេចក្តីថ្លែងការណ៍មួយដែលចេញដោយការិយាល័យរបស់គាត់ថា ប្រធានាធិបតីហាមីដ កាហ្សៃ បានថ្កោលទោសយ៉ាងខ្លាំងក្លាចំពោះការវាយប្រហារផ្លូវអាកាស ពីកម្លាំងជំនួសសន្តិសុខអន្តរជាតិណាតូ(ISAF)នៅខេត្តគូណា ដែលបានសម្លាប់កុមារ១១នាក់។
សេចក្តីថ្លែងការណ៍នោះបាននិយាយថា៖ «ខណៈកំពុងតែថ្កោលទោសក្រុមតាលីបង់ ចំពោះការប្រើជនស៊ីវិលជាខែលលោកប្រធានា ធិបតីបានជេរប្រទេចប្រតិបត្កិការ ណាតូ ដែលសម្លាប់ជនស៊ីវិល»។
អ្នកនាំពាក្យ ISAF បានបញ្ជាក់ពីការវាយប្រហារ និងបាននិយាយថា កម្លាំងចម្រុះកំពុងតែប្រមូលព័ត៌មានដើម្បីកំណត់ពីអ្វីដែលបានកើត ឡើង។ ជនស៊ីវិលអាមេរិកម្នាក់បានស្លាប់ក្នុងការវាយប្រហារពីក្រុមសកម្ម ប្រយុទ្ធមួយ។
នៅក្នុងសេចក្តីថ្លែងការណ៍មួយក្រសួងមហាផ្ទៃបាននិយាយថា ការវាយប្រហារពីISAF បានសម្លាប់តាលីបង់៦នាក់ក្នុងនោះមេបញ្ជាការជាន់ខ្ពស់ពីរនាក់៕ ភ្នំពេញប៉ុស្តិ៍CC
Facebook
0 Comments:
Post a Comment