មនុស្សភាគច្រើន ជាពិសេសនារីៗ តែងប្រាថ្នាឲ្យមានស្បែកស្អាត ភ្លឺថ្លា ដើម្បីជាទីពេញចិត្តសម្រាប់ខ្លួនឯងផង និងទាក់ទាញចំណាប់អារម្មណ៍ពីអ្នកដទៃផង។ហេតុនេះ នារីៗ តែងចំណាយថវិកាច្រើនសន្ធឹកសន្ធាប់ ទៅទិញផលិតផលសម្អាងយកមកលាប ឬទៅត្រាំទឹកដោះគោះ ខាត់ស្បែក ឬវិធីសាស្ត្រផ្សេងទៀតដែលត្រូវចំណាយទាំងថវិកា និងពេលវេលា។ ប៉ុន្តែឥលូវ អ្នកមិនចាំបាច់ចំណាយពេលច្រើន ឬថវិកាច្រើនដូចពីមុនទេ ដោយគ្រាន់តែញ៉ាំអាហារ និងអនុវត្តតាមវិធីខ្លីៗ ដូចខាងក្រោមតាមបែបធម្មជាតិ។ ចង់ដឹងពីវិធីទាំងនោះអត់? បើចង់ដឹង តោះ…! ទៅមើលវិធីទាំងនោះទាំងអស់គ្នា៖
១-ទទួល
ទានអាហារដែលមានជាតិវីតាមីនA ដូចជា ល្ហុង ការ៉ុត
បន្លែពណ៌បៃតងជាដើម អាចជួយដល់លូតលាស់របស់ស្បែកបានល្អប្រសើរ។
២-ផ្លែឈើដែលសម្បូរជាតិវីតាមីន C ដូចជាក្រូច ក្រូចឆ្មា ត្របែកជាដើម
សុទ្ធតែជាអាហារដែលសម្បូរជាតិវីតាមីនC
ហើយអាចជួយឲ្យស្បែកមានពន្លឺ និងមានភាពរលោងស្អាត។
សារជាតិក្នុងផ្លែឈើទាំងនោះ ជួយផ្តល់ឲ្យស្បែកនូវជាតិវីតាមីន
និងជាតិរ៉ែខនិជ ដែលត្រូវបានស្រូបតាមរយៈសរសៃឈាម
និងជួយឲ្យស្បែកមានសំណើម។៣-សារជាតិលីកូ ពីនដែលមានក្នុងផ្លែប៉េងប៉ោះ ដែលដើរតួនាទីជាអ្នកប្រឆាំងអុកស៊ីតកម្ម និងជួយស្បែកពីការបំផ្លាញពីផ្នែកខាងក្នុង។
៤-គ្រាប់ធញ្ញជាតិ ជាប្រភពនៃវីតាមីនE ដែលជួយឲ្យស្បែករបស់អ្នកទន់ល្មើយ និងមានភាពរលោងស្អាត។
៥-ញ៉ាំទឹកឲ្យបានច្រើន អាចជួយ បណ្ដេញជាតិពុលពីក្នុងស្បែក និងជួយឲ្យស្បែកមានសភាពទន់រលោងនិងមានសំណើម។
៦-គួរ ចៀសវាងការទទួលទានតែ ឬកាហ្វេច្រើនហួសហេតុ ព្រោះវានឹងកាត់បន្ថយជាតិទឹកក្នុងស្បែក និងធ្វើឲ្យស្បែកមើលទៅគ្រើម និងគ្មានសំណើម។ ប៉ុន្តែអ្នកអាចជំនួសដោយការញ៉ាំ តែបៃតង ដែលអាចជួយស្បែកឲ្យក្មេងជាងវ័យ និងប្រឆាំងអុកស៊ីតកម្ម។
៧-មិនត្រូវភ្លេចធ្វើលំហាត់ប្រាណឲ្យបានទៀងទាត់ ទេណា៎ ព្រោះវាអាចជួយសម្រួលចលនាឈាមក្នុងរាងកាយ។
ឃើញ ទេ វិធីទាំង៧យ៉ាងនេះ ពិតជាមិនពិបាកទេមែនទេ ហើយអាហារទាំងនោះក៏ងាយស្រួលរកទិញ ឯតម្លៃវិញក៏មិនជាថ្លៃប៉ុន្មានដែរ។ ដូច្នេះបើបានអានហើយ កុំភ្លេចយកទៅអនុវត្តទាំងអស់គ្នាណា៕
ប្រែសម្រួល៖ សរ សុគន្ធី
ប្រភព៖សប្បាយ TheTimeforIndia
Facebook
0 Comments:
Post a Comment