និន្នាការស្ត្រីក្នុងអាជីវកម្មកាន់តែមានសន្ទុះខ្លាំង

ភ្នំពេញៈ និន្នាការស្រ្តីក្នុងអាជីវកម្មកំពុងតែមានការកើន ឡើងដែលបានបង្ហាញពីការចូលរួមរបស់ស្រ្តីកាន់តែខ្លាំងទៅក្នុង ការអភិវឌ្ឍសេដ្ឋកិច្ច។
សមាជិកក្នុងសមាគមសហគ្រិនស្ត្រីកម្ពុជាបានកើនឡើងដល់១៥០នាក់ បន្ទាប់ពីសមាគមជំរុញសកម្មភាពស្រ្តីក្នុងវិស័យធុរកិច្ចមួយនេះ ត្រូវបានដាក់ឲ្យដំណើរការតែជាង១ឆ្នាំមកដោយបានកើនឡើងពី១៤នាក់ នៅចុងឆ្នាំ២០១១។
តំណាងសមាគមស្រ្តីក្នុងវិស័យធុរកិច្ចបានលើកឡើងថា កំណើនដ៏ច្រើនគួរឲ្យកត់សម្គាល់នេះកំពុងបង្ហាញរឹតតែច្បាស់ពីការ យល់ដឹងរបស់ស្រ្តីក្នុងការសហការគ្នាធ្វើការងារជាក្រុមនិងឆ្លុះ បញ្ចាំងពីកំណើនសកម្មភាពស្រ្តីក្នុងវិស័យសេដ្ឋកិច្ច។

លោក ស្រី សេង តក្កនារី ប្រធានសមាគមសហគ្រិនស្រ្តីកម្ពុជាបានឲ្យដឹងក្នុងមហាសន្និបាត ប្រចាំឆ្នាំលើកទី១របស់សមាគមសហគ្រិនស្រ្តីកម្ពុជាកាលពីម្សិលមិញ ថា សមាគមមានសេចក្តីរីករាយយ៉ាងខ្លាំង ដែលបានទទួលសមាជិកថ្មីៗជាច្រើនបន្ថែមទៀតមកចូលរួមដែលប្រការនេះ នឹងរួមចំណែកយ៉ាងសំខាន់ក្នុងការកែលម្អ បរិយាកាសធុរកិច្ចនិង ជំរុញលើកទឹកចិត្តស្រ្តីក្នុងការសម្រេចចិត្តធ្វើជំនួញ។លោកស្រី បន្តថា៖ «ថ្វីដ្បិតតែសមាគមយើងទើបបង្កើតហើយនៅក្មេងខ្ចី តែយើងទទួលទំនុកចិត្តនិងការគាំទ្រពីសមាជិកយ៉ាងខ្លាំង»។
សមាគមសហគ្រិនស្ត្រីកម្ពុជា ត្រូវបានបង្កើតឡើងនៅខែតុលា ឆ្នាំ ២០១១ ក្រោមគំនិតផ្តួចផ្តើមដើម្បីគាំទ្រសហគ្រិនជាស្ត្រីក្នុងការចាប់ ផ្តើមនិងពង្រីកធុរកិច្ចតាមរយៈការផ្តល់ឱកាសដល់តំណាងស្រ្តីក្នុង វិស័យធុរកិច្ចដើម្បីលើកជាបញ្ហាប្រឈមនានាមកបង្ហាញប្រាប់ រដ្ឋាភិបាលសហគមន៍ធុរកិច្ច និងប្រព័ន្ធផ្សព្វផ្សាយបំណងកែលម្អបរិយាកាសធុរកិច្ចនិងសម្រប សម្រួលកំណើនសកម្មភាពស្រ្តីក្នុងវិស័យពាណិជ្ជកម្មប្រកបដោយស្ថាបនា។ លោកស្រ្តី សុខ ចិន្តាអនុប្រធានសមាគមសហគ្រិនស្រ្តីកម្ពុជាបានឲ្យដឹងតាមរយៈការ ធ្វើបទបង្ហាញកាលពីថ្ងៃម្សិលមិញថា ក្នុងចំណោមសមាជិក១៥០នាក់ នោះភាគច្រើនបំផុតនៃសហគ្រាសមានទីតាំងនៅក្នុងរាជធានីភ្នំពេញ។
តំណាងស្រ្តីជាសហគ្រិនដែលកំពុងធ្វើធុរកិច្ចក្នុងឧស្សាហកម្ម អាហារ និងភេស្ជជៈ មានចំនួនច្រើនជាងគេគឺមានដល់ទៅ៣២ ភាគរយក្នុងចំណោមសមាជិកសរុបបន្ទាប់មកសហគ្រាសដែលបង្កើតផលិតផលធ្វើ ដោយដៃមាន១០ ភាគរយ សហគ្រាសក្នុងទម្រង់វិស័យបណ្តុះបណ្តាល និង ការអប់រំមាន៧ ភាគរយ ខណៈវិស័យផ្សេងៗទៀតមានចំនួនបន្ទាប់បន្សំ។
ជាមួយនឹងកំណើនសមាជិកក្នុងសមាគមដែលបានកើនឡើងយ៉ាងច្រើនលើសពី ការរំពឹងទុក កញ្ញា ឯក សុភារ៉ា សមាជិកក្រុមប្រឹក្សាភិបាលនិង ជាអ្នកសម្របសម្រួលគម្រោងរបស់សមាគមបានព្យាករថានៅដំណាច់ឆ្នាំ ២០១៣ នេះ សមាជិកនឹងកើនឡើងច្រើនជាង២៥០៕ភ្នំពេញប៉ុស្តិ៍

Discussion

Photography

Monday, April 1, 2013