តុលាការញ៉ូវយ៉កច្រានចោលការជំទាស់របស់សារៈមន្ទីរ Sothebyក្នុងទំនាស់វត្ថុបុរាណខ្មែរ

សារៈមន្ទីរSotheby

វ៉ាស៊ីនតោន៖ តុលាការសហព័ន្ធនៃសហរដ្ឋអាមេរិកប្រចាំក្រុងញ៉ូវយ៉កបានសម្រេចទទួលយក ពាក្យស្នើសុំរបស់រដ្ឋាភិបាលអាមេរិកាំងដែលបានស្នើសុំកែប្រែខ្លះ ចំពោះពាក្យប្តឹងប្រឆាំងនឹងសារៈមន្ទីរSothebyក្នុងសំណុំរឿងវត្ថុ បុរាណខ្មែរដែលត្រូវបានលួចចេញពីប្រាសាទកោះកែរបស់ខ្មែរ។

នៅក្នុងសេចក្តីសម្រេចចុះថ្ងៃទី២៨ខែមិនាតុលាការនេះក៏បានច្រាន ចោលញត្តិជំទាស់របស់សារៈមន្ទីរ Sotheby ប្រឆាំងនឹងការស្នើសុំកែប្រែរបស់រដ្ឋាភិបាលអាមេរិកដែលដាក់បន្ថែម ឯកសារនិងព័ត៌មានរកបានថ្មីមួយចំនួនទៀតទាក់ទងនឹងការព្យាយាមលួចលក់ រូបចម្លាក់បុរាណខ្មែរដោយខុសច្បាប់។

នៅក្នុងសេចក្តី សម្រេចដែលវីអូអេខេមរភាសាទទួលបានលោកចៅក្រម George Daniels បានបញ្ជាក់ក្នុងសេចក្តីសន្និដ្ឋានសម្រេចថា«ចាត់ទុកជាបានការនូវ ញត្តិរបស់រដ្ឋាភិបាលក្នុងការស្នើសុំធ្វើវិសោធនកម្មនិងបដិសេធចោល ញត្តិជំទាស់របស់ភាគីចុងចម្លើយ»។

វត្ថុបុរាណដែលហៅថាជា អ្នកចម្បាំង សម័យបុរាណ ត្រូវបានសារមន្ទីរ Sotheby គ្រោងដាក់លក់ដេញថ្លៃកាលពីខែមិនាឆ្នាំ២០១១ប៉ុន្តែបានដកចេញវិញ នៅនាទីចុងក្រោយបន្ទាប់ពី មានការជំទាស់យ៉ាងខ្លាំងពីអាជ្ញាធរកម្ពុជាហើយតុលាការក្រុង ញ៉ូវយ៉កបានបង្គាប់ឱ្យសារៈមន្ទីរ Sotheby ផ្អាកការលក់ដូរ ផ្ទេរ ឬយកទៅបោះចោលឬក៏ផ្លាស់ប្តូរទីតាំងចេញពីកន្លែងបច្ចុប្បន្នគឺនៅ សារៈមន្ទីរSotheby។

ពាក្យបណ្តឹងដែលបានកែប្រែដែលរដ្ឋាភិបាលអាមេរិកាំងបានស្នើឡើងមាន បន្ថែមការចោទប្រកាន់ថ្មីដែលមានព័ត៌មានពិតទាក់ទងនឹងការលួច រូបចម្លាក់នេះក្នុងឆ្នាំ១៩៧២និងការដឹងឮរបស់សារៈមន្ទីរ Sothebyថារូបចម្លាក់នោះពិតជាត្រូវបានលួចចេញមកមែន។ សារៈមន្ទីរ Sotheby បានធ្វើញត្តិជំទាស់នឹងការធ្វើវិសោធនកម្មនេះដោយចាត់ទុកថាមិន បានការទេដោយសារតែវាមិនអាចនឹងជួសជុលបាននូវចន្លោះ ប្រហោងនៃពាក្យប្តឹងដែលបានដាក់លើកមុនហើយមានការរើសអើងប្រឆាំង នឹងខ្លួន៕ប្រភពពី សំឡេងសហរដ្ឋអាមេរិច (RFA)

Discussion

Photography

Tuesday, April 9, 2013