ស្ត្រីកម្មករកាត់ដេរបង់ក្លាដែស ត្រូវបានសង្គ្រោះទាំងរស់ បន្ទាប់ពីស្ថិតក្រោមគំនរអគាររលំអស់ ១៧ថ្ងៃ

ស្ត្រីម្នាក់ដែលកប់នៅក្នុងគំនរបាក់បែកនៃអគាររោងចក្រកាត់ដេរដែលរ លំបាក់អស់ពេល ១៧ ថ្ងៃ ត្រូវបានជួយសង្គ្រោះកាលពីថ្ងៃសុក្រ ជាបាតុភូតដ៏រំភើបរីករាយមួយជាមួយនឹងបរិយាកាសសោកសៅនៅពេលចំនួន មនុស្សស្លាប់ពីសោកនាដកម្មរលំអគារនេះកើនហួស ១.០០០នាក់។

ស្ត្រីដ៏មានសំណាងនេះបានស្ថិតនៅក្នុងបន្ទប់បន់ស្រន់ព្រះនៅជាន់ ជាប់ដីនៃអគារកម្ពស់ ៨ជាន់ កន្លែងដែលពួកអ្នកជួយសង្គ្រោះបាននិងកំពុងបន្តរកឃើញតែសាកសព មិនមែនអ្នកនៅរស់អស់ពេលរាប់ថ្ងៃមកហើយ។ជាប់នៅក្នុងគំនរអគារដែល អមការពារដោយគ្រឿងម៉ាស៊ីននាងបានគ្រវីបំពង់មួយដើម្បីទាក់ទាញការចាប់អារម្មណ៍។

បន្ទាប់ ពីសង្កេតឃើញសញ្ញាមនុស្សនៅរស់ ពួកអ្នកជួយសង្គ្រោះបានបញ្ជាឲ្យរថយន្តចូកនិងស្ទូច បញ្ឈប់ការងារនិងបានប្រើរណារដៃ ឧបករណ៍ផ្សារផ្តាច់ដែកនិងខួងដើម្បីកាត់របារដែកនិងយកចេញថ្មដែល នៅបាំង។ពួកគេបានផ្តល់ទឹកដល់នាងនិងឧស្ម័នអុកស៊ីសែននិងទឹកមាន ជាតិអំបិលក្នុងពេលព្យាយាមសង្គ្រោះនាង។

ក្រោយការខិតខំអស់៤០នាទី នាងរេសម៉ា ត្រូវបានសង្គ្រោះ និងហ្វូងមនុស្សបានផ្ទុះការអបអរឡើង។នាងហាក់នៅសភាពល្អទោះជា ជាប់ក្រោមគំនរបាក់បែកអស់យូរថ្ងៃ និងត្រូវបានបញ្ជូនទៅកាន់មន្ទីរពេទ្យយោធាមួយតាមរថយន្តពេទ្យ៕

ស្ត្រីឈ្មោះ រេសម៉ា ខំដកដង្ហើមយកខ្សល់បរិសុទ្ធ បន្ទាប់ពីត្រូវបានទាញចេញពីគំនរអគារ

សាកសពដែលគ្មានសាច់ញាតិមកយក ត្រូវបញ្ចុះក្នុងផ្នូររួម

ម្ចាស់អគាររោងចក្រដែលរលំ(ពាក់មួកប៉ូលិសនិងអាវការពារ)ត្រូវបានចាប់បញ្ជូនខ្លួនឡើងតុលាការ

នៅតែរកឃើញសាកសពទោះជាឧបទ្ទវហេតុបានកើតឡើងតាំងពី១៧ថ្ងៃមុន

ប្រភពពី ព័ត៏មានទាន់ហេតុការណ៍

Discussion

Photography

Sunday, May 12, 2013