សូមបីតែសត្វឆ្កែ ក៏​ត្រូវ​ពាក់​មួក​សុវត្ថិភាព​ដែរ

ឥណ្ឌូនេស៊ី៖ តាមប្រភពព័ត៌មានបរទេសនៅថ្ងៃទី ៣ ខែមេសា ឆ្នាំ ២០១៣ នេះ បានប្រាប់ឲ្យដឹងថា មានបុរសជាអតីត ពាណិជ្ជករជនជាតិ ឥណ្ឌូនេស៊ី គឺលោក Handoko Njotokusumo អាយុ ៥៧ ឆ្នាំ បានធ្វើឲ្យមានការភ្ញាក់ផ្អើល ដល់អ្នកដំណើរលាន់មាត់គ្រប់ៗគ្នា នៅពេលដែលលោក កំពុងធ្វើដំណើរ ជាមួយសត្វរបស់លោក។
សត្វឆ្កែរបស់លោកមាន ឈ្មោះ Ace បានធ្វើដំណើរដោយ ជិះម៉ូតូជាមួយលោក ដោយពាក់មួកសុវត្ថិភាព និងវ៉ែនតាការពារកម្តៅថ្ងៃ ដើរលេងកម្សាន្តតាមបណ្តា វិថីជាច្រើនជុំវិញទីក្រុង Surabaya ស្ថិតក្នុងកោះ Java ខាងកើតនៃប្រទេសឥណ្ឌូនេស៊ី។
លោក Handoko តែងតែជិះម៉ូតូដឹកឆ្កែជា ទីស្រឡាញ់របស់គាត់ ដើរលេងរៀងរាល់ចុងសប្តាហ៍ ជុំវិញទីក្រុង ហើយមូលហេតុ ដែលធ្វើឲ្យគាត់ ស្រឡាញ់វាយ៉ាងនេះ និងចាត់ទុកវាមាន តម្លៃថ្លៃដូចមាសនោះ ក៏ព្រោះតែវាបាន ជួយសង្គ្រោះជីវិត និងរកឃើញកូនរបស់គាត់ ដែលមានអាយុ ៣ ឆ្នាំ បន្ទាប់ពីក្មេងតូចរូបនោះ វង្វេងផ្លូវអស់រយៈ ពេល១យប់៕ប្រែសម្រូល៖Looking TODAY