ថ្មីៗនេះ ក្រុមអ្នកវិទ្យាសាស្ត្រអង់គ្លេស បានរកឃើញវិធីព្យាបាលជំងឺមហារីកបែបថ្មីមួយ គឺប្រើផ្កា Autumn Crocus (អូថ៉ូមន៍ ក្រូខាស់) ដែលគេស្គាល់ថា ជាឱសថបុរាណប្រឆាំងនឹងការរលាក។
ការព្យាបាលប្រភេទនេះ ត្រូវគេឱ្យឈ្មោះថា ខុលឈីស៊ីន (Colchicine)។
យោងតាមការសិក្សាលើសត្វកណ្តុរ អ្នកស្រាវជ្រាវរកឃើញថា ការព្យាបាលនេះ អាចជួយបង្អាក់ការលូតលាស់ និងកម្ចាត់រាល់ជំងឺមហារីកទាំងអស់ រួមទាំងផល ប៉ះពាល់នៃជំងឺមហារីកផងដែរ ព្រោះវាបានបញ្ចោញសារធាតុគីមី ដើម្បីបំបែកឈាម ដែលហូរទៅចិញ្ចឹមសាច់ដុះ បានយ៉ាងប្រសើរ។
ទោះបីវាមានប្រសិទ្ធភាពបែបនេះក្តី ក្រុមអ្នកស្រាវជ្រាវពីវិទ្យាស្ថានព្យាបាលជំងឺ មហារីក (Institute for Cancer Therapeutics / ICT) នៅសាកលវិទ្យាល័យ ប្រេដហ្វដ (University Of Bradford) បានឱ្យដឹងថា “ការព្យាបាលនេះ អាចធ្វើឱ្យមានការប៉ះពាល់ដល់ជាលិកាផ្សេងៗទៀត នៅក្នុងរាងកាយ ដូចនេះ ការប្រើប្រាស់ ចាំបាច់ត្រូវតែមានការកំណត់ឱ្យបានច្បាស់”។
ក្រុមអ្នកស្រាវជ្រាវរំពឹងថា នាពេលខាងមុខ ការពិសោធន៍នឹងទទួលជោគជ័យ ដើម្បីផលិតជាថ្នាំគ្រាប់ព្យាបាលជំងឺសាច់ដុំបាន យ៉ាងមានប្រសិទ្ធភាព៕ប្រភពពី អង្គរធំ
Facebook
0 Comments:
Post a Comment