ទាហាន​​ហ្ស៊ីមបាវ៉េ​ម្នាក់​ត្រូវ​​​ស្ត្រី​ចាប់​រំលោភ​

ទាហាន ​ហ្ស៊ីមបាវ៉េ​វ័យ​ ២៥​ឆ្នាំ​​​​ម្នាក់​​​ត្រូវ​​ស្ត្រី​ពីរ​នាក់​ និង​បុរស​ម្នាក់​ចាប់​ជំរិត​​កាល​ពី​ថ្ងៃ​ទី​១៩​ មេសា​ ដោយ​ក្នុង​នោះ​ស្ត្រី​មួយ​រូប​បាន​ឲ្យ​ទាហាន​រូប​នោះ​បំពេញ​តណ្ហា​របស់​នាង​ ឲ្យ​បាន​ស្កប់ស្កល់​​​ទៀតផង។ ​

នេះ គ្រាន់ ជា រូប តំណាង ប៉ុណ្ណោះ

បុរស ​ជា​ជន​រងគ្រោះ​ត្រូវ​​​ជន​ល្មើស​ឲ្យ​ឡើង​ជិះ​រថយន្ត​ Macedes Benz ​ជាមួយ​​ដើម្បី​ធ្វើ​ដំណើរ​ទៅ​កាន់​​ទីក្រុង​ Mutare។ ​ធ្វើ​ដំណើរ​បាន​ប្រហែល​មួយ​ម៉ោង​​ ក្រុម​ជន​សង្ស័យ​បាន​​ប្រើ​កូន​កាំបិត​ភ្ជង់​ជន​រងគ្រោះ​ និង​នាំ​យក​​ទៅ​ឃុំ ​ក្នុង​ផ្ទះ​មួយ​នៅ​តំបន់​ដាច់​ស្រយាល​​ដោយ​​បាន​លួច​​​យក​ប្រាក់ ​​៣៥​ដុល្លារ​ និង​ទូរសព្ទ​ដៃ​របស់​​គេ​ទៀត​ផង។​

ក្នុង​រយៈ​ពេល​ ៤​ថ្ងៃ​នៃ​ការ​ឃុំ​ខ្លួន ​ក្រុម​ជនល្មើស​បាន​បង្ខំ​ឲ្យ​ទាហាន​ម្នាក់​នោះ​រួមភេទ​ជា​មួយ​ស្រ្តី​ ម្នាក់ ​ក្នុង​ចំណោម​ពួក​គេ​ជា​ច្រើន​ដង​។ បន្ទាប់​មក​នៅ​ថ្ងៃ​ទី​២៣​ មេសា​ ក្រុម​​ជន​សង្ស័យ​​បាន​ចង​មុខ​បុរស​រង​គ្រោះ ​និង​បាន​ដឹក​បុរស​នោះ​ទៅ​ភ្នំ​​​ Dangamvura ដោយ​បាន​យក​ដុំ​ថ្ម​មក​វាយ​ជើង​របស់​គាត់​ និង​បាន​ទុក​គាត់​ចោល​ក្នុង​បំណង​ឲ្យ​ស្លាប់​​នៅ​ទី​នោះ​តែ​ម្នាក់​ឯង។

ទោះ ​ជា​យ៉ាង​ណា​ បុរស​រង​គ្រោះ​បាន​ព្យាយាម​រក​ផ្លូវ​ទៅ​កាន់​ស្នាក់​ការ​ប៉ូលិស​ Sakubva​ ដើម្បី​រាយការណ៍​ពី​ហេតុការណ៍​ដែល​បាន​កើត​ឡើង​៕​​​

ប្រែ​សម្រួល​៖ សរ​ សុគន្ធី
ប្រភព​៖​ nydailynews​ សប្បាយ