លោកតាអាយុ៧៥ឆ្នាំត្រូវក្មេងស្រី១៤ឆ្នាំនៅក្បែរផ្ទះប្ដឹងចោទចាប់នាងរំលោភរហូតមានផ្ទៃពោះ៥ខែទើបបែកការណ៍

ខេត្ដតាកែវ៖ លោកតាអាយុ៧៥ឆ្នាំ ម្នាក់ត្រូវក្មេងស្រីអាយុ១៤ឆ្នាំ រស់នៅ ក្បែរផ្ទះគ្នាប្ដឹងចោទប្រកាន់ថា បានចាប់ នាងរំលោភចំនួន៦ដងរហូតមានផ្ទៃពោះ ៥ខែ ទើបបែកការណ៍ ។

ក្មេងស្រីរងគ្រោះឈ្មោះ យ.ច.ន អាយុ១៤ឆ្នាំ រស់នៅឃុំអង្គតាសោម ស្រុកត្រាំកក់ ខេត្ដតាកែវ បានរៀបរាប់ ប្រាប់អ្នកយកព័ត៌មាននគរវត្ដថា រូប នាងត្រូវលោកតាឈ្មោះ មី សារឿន ហៅ វៀច អាយុ៧៥ឆ្នាំ ជាមន្ដ្រីពេទ្យ បង្អែកស្រុកត្រាំកក់ចូលនិវត្ដន៍ចាប់រំលោភ រហូតមានផ្ទៃពោះ៥ខែ ។ នាងយ.ច.ន បានបញ្ជាក់ថា លោកតាវៀចបានចាប់ នាងរំលោភនៅលើកទី១ ខណៈម្ដាយឪពុក នាងចេញទៅធ្វើការ ។ តាវៀចបាន ចាប់នាងអូសចូលទៅបន្ទប់ថ្មក្រោមផ្ទះ រួចធ្វើសកម្មភាពរំលោភរហូតបាន សម្រេចតែនាងមិនចាំថ្ងៃនោះទេ តែ ដឹងថា នៅពេលថ្ងៃត្រង់ក្នុងអំឡុងខែធ្នូ ឆ្នាំ២០១២ ។

ក្មេងស្រីរងគ្រោះបានបន្ដថា រំលោភ លើកទី១នោះ នាងមានការឈឺចាប់ យ៉ាងខ្លាំង និងមានឈាមធ្លាក់ប្រឡាក់ ពេញខ្លួនទៀតផង ។ នាងនិយាយទៀតថា ក្រោយពីតាវៀចចាប់រំលោភរួចគាត់ បានគំរាមមិនឱ្យប្រាប់ឪពុកម្ដាយរបស់ នាង តែបើហ៊ានប្រាប់គាត់នឹងសម្លាប់ ចោល ។

ក្មេងស្រីបន្ដថា សកម្មភាព តាវៀច បានចាប់នាងរំលោភជាលើក ទី២ នៅឱកាសដែលឪពុកម្ដាយនាង ចេញទៅធ្វើការ ខណៈនាងនៅផ្ទះតែ ម្នាក់ឯង ហើយតាវៀចបានចូលទៅចាប់ យកទៅរំលោភនៅកន្លែងដដែល ហើយ ការចាប់រំលោភនេះ បានធ្វើឡើងក្នុង រយៈពេល៣ថ្ងៃ ក្រោយពេលចាប់រំលោភ នៅលើកទី១ ស្ថិតក្នុងខែធ្នូ ឆ្នាំ២០១២ ។ រំលោភលើកទី៣ នៅក្នុងខែធ្នូ ឆ្នាំ ២០១២ដដែល គ្រាដែលនាងចូលទៅ ងូតទឹកក្នុងបន្ទប់ពេលថ្ងៃត្រង់ ប៉ុន្ដែពុំបាន សម្រេចនោះទេ ដោយសារប្អូនប្រុស របស់នាងទាន់ និងលួចមើលតាមប្រឡោះ ឥដ្ឋខ្យល់បន្ទប់ទឹក ។ កាលណោះតាវៀច បានរត់ចោលទាំងខោខ្លី នៅក្នុងបន្ទប់ទឹក របស់នាងថែមទៀត តែរឿងនេះក៏នៅ មិនទាន់បែកការណ៍នៅឡើយដែរ ។ លើកទី៤ តាវៀចបានយកនំចំណីឱ្យមក នាងដល់ក្នុងផ្ទះ ក្នុងអំឡុងខែមករា ឆ្នាំ ២០១៣ រួចក៏បានចាប់នាងរំលោភនៅ ក្នុងបន្ទប់ថ្មក្រោមផ្ទះ ។ លើកទី៥-៦ តាវៀចបានបន្ដចាប់រំលោភនៅកន្លែង ដដែលៗជាបន្ដបន្ទាប់ ។

នាងបានបញ្ជាក់ថា ព្រោះតែការ គំរាមសម្លាប់ ទើបនាងមិនហ៊ានទម្លាយ រឿងនេះប្រាប់ឪពុកម្ដាយ តែរហូតមក ដល់ថ្ងៃចូលឆ្នាំខ្មែរទី២ ម្ដាយរបស់នាង សង្ស័យ ក៏ហៅនាងមកសួរនាំ ។ ពេល នោះនាងក៏បានរៀបរាប់ពីសកម្មភាពតាវៀចបានចាប់នាងរំលោភជា បន្ដបន្ទាប់ ។

ស្ដ្រី ប៊ុន កញៀន អាយុ៣២ឆ្នាំ ជា កម្មការិនីរោងចក្រ និងជាម្ដាយក្មេងស្រី រងគ្រោះ ក្រោយពីដឹងរឿងគាត់ក៏បាននាំ កូនស្រីមកប្ដឹងនៅអធិការដ្ឋាននគរបាល ស្រុកត្រាំកក់ ប៉ុន្ដែក្រោយពីប្ដឹង សមត្ថ កិច្ចបានកោះហៅជនសង្ស័យមកសាកសួរ តែក្រោយមកបានដោះលែងទៅវិញ ដោយសមត្ថកិច្ចអះអាងថា ពុំមាន ភស្ដុតាងដាក់បន្ទុក ។

លោក យ៉ាង ជា អាយុ៣៥ឆ្នាំ ជាកម្ម ករសំណង់និងជាឪពុកក្មេងស្រីរងគ្រោះ បាននិយាយស្រដៀងនឹងប្រពន្ធទាក់ទិន នឹងបណ្ដឹងកូនស្រី ហើយមិនត្រូវបាន សមត្ថកិច្ចចាត់ការ ។ លោកបានបន្ដថា នៅថ្ងៃទី១៩ ខែមេសា ឆ្នាំ២០១៣ ប្រពន្ធ របស់គាត់បានសច្រេមចិត្ដយកកូនស្រី ទៅមន្ទីរពេទ្យគាំពារមាតានិងទារក (ពេទ្យជប៉ុន) ក្នុងរាជធានីភ្នំពេញដើម្បី ឱ្យគ្រូពេទ្យយកទារកចេញពីក្នុងផ្ទៃកូន ស្រីរបស់គាត់ ហើយថែមទាំងមានលិខិត បញ្ជាក់គ្រូពេទ្យថែមទៀត ។

លោកបានឱ្យដឹងដែរថា ជនសង្ស័យ “តាវៀច”បានទៅគំរាមក្រុមគ្រួសារ របស់គាត់ថា “បើប្ដឹងអញមិនឈ្នះ អញប្ដឹងវិញ ហើយចាប់ដាក់គុកមួយ ពូជ”។ ឪពុកក្មេងស្រីបានបន្ដថា ជន សង្ស័យជាអ្នកមានទ្រព្យសម្បត្ដិនិងអំណាច ដូច្នេះគេមិនខ្លាចការប្ដឹងផ្ដល់របស់ពួក គាត់ឡើយ ។ រហូតមកដល់ពេលនេះ ខាងសមត្ថកិច្ចពុំទាន់មានដំណោះស្រាយនៅឡើយទេចំពោះពាក្យបណ្ដឹងកូន របស់ គាត់ ។

ទាក់ទិនបណ្ដឹងក្មេងស្រី លោកម៉ី សារឿន ហៅវៀច បានបកស្រាយថា រឿងនេះ លោកមិនបានដឹងទេ ខុសត្រូវ យ៉ាងណា សម្រេចទៅលើតុលាការ ។ លោកបានបន្ដថា អ្នកកាសែតបើហ៊ាន ចុះផ្សាយពីរឿងគាត់ គាត់នឹងប្ដឹងព្រោះ កូនចៅរបស់គាត់ មិនឱ្យអ្នកណាចេញ ផ្សាយរឿងនេះទេ ហើយកូនៗរបស់គាត់ សុទ្ធតែជាអ្នកមានលុយ មានអំណាច ។

អធិការស្រុកត្រាំកក់ អ្នកយកព័ត៌ មាននគរវត្ដមិនអាចសុំការពន្យល់បាន ទេ តែលោក យូ អាន អធិការរងទទួល បន្ទុកព្រហ្មទណ្ឌស្រុកត្រាំកក់បានឱ្យដឹងថា មន្ដ្រីជំនាញរបស់លោកបានទទួលពាក្យ បណ្ដឹងក្មេងស្រីរងគ្រោះរួចហើយៗសមត្ថ កិច្ចបានចោទប្រកាន់ហើយដែរ ព្រោះ មានសាក្សី៣នាក់បានបំភ្លឺ ជុំវិញករណី នេះថា បានឃើញតាវៀចរំលោភក្មេង ស្រីតាំងពីដើមរហូតដល់ចប់ ។ លោក អធិការរងបានឱ្យដឹងថា សំណុំរឿងក្មេង ស្រីរងគ្រោះ ត្រូវបានបញ្ជូនទៅតុលាការ ហើយបច្ចុប្បន្ន សំណុំរឿងនេះ ស្ថិតក្នុង ដៃតុលាការនៅឡើយ ។

គួរបញ្ជាក់ថា ក្មេងស្រីរងគ្រោះជា កូនស្រីច្បង ក្នុងចំណោមបងប្អូន៣នាក់ ស្ថិតក្នុងគ្រួសារមួយ មានជីវភាពក្រីក្រ ។ បណ្ដឹងរបស់នាងអ្នកស្រុកនិយាយថា មិន រំពឹងឈ្នះលោក ម៉ី សារឿន ហៅ តាវៀច មន្ដ្រីពេទ្យចូលនិវត្ដន៍បានទេ ព្រោះ គ្រួសារកូនចៅរបស់គេមានលុយមាន អំណាច ។
ជាមួយការលើកឡើងរបស់ អ្នកភូមិ គ្រួសារក្មេងស្រីរងគ្រោះ ដែលស្ថិតក្នុង ជីវភាពក្រីក្រ មានតែតុលាការប៉ុណ្ណោះ ដែលអាចជួយរកយុត្ដិធម៌ចំពោះក្មេង ស្រីរងគ្រោះបាន ៕ប្រភព៖ Nokorwat ពត៍មានទាន់ហេតុការណ៍

Discussion

Photography

Thursday, May 2, 2013