រង្វង់ប្លាស្មារបស់ ព្រះអាទិត្យ ត្រូវបានគេ សិក្សានៅក្នុង ទីពិសោធន៍



រដ្ឋកាលីហ្វ័ញ៉ាៈ  ក្រុមអ្នកស្រាវជ្រាវ អាមេរិកនិយាយថា ការបង្កើតឡើងម្តងទៀត នៃរង្វង់ប្លាស្មារបស់ ព្រះអាទិត្យនៅក្នុងទី ពិសោធន៍នឹងជួយ ឲ្យពួកគេអាចយល់ ដឹងកាន់តែច្បាស់អំពី រូបរាងនៃដួងព្រះអាទិត្យ និង ឥទ្ធិពលរបស់ព្រះអាទិត្យមកលើភពផែនដី។
ក្រុមអ្នកស្រាវជ្រាវ នៅវិទ្យាស្ថានបច្ចេកវិទ្យា កាលីហ្វ័ញ៉ាបាននិយាយថា អណ្តាតភ្លើងនៃដួងព្រះអាទិត្យ ដ៏ធំដែលបានផ្ទុក ទៅដោយ ប្លាស្មា ដែល ផ្ទុះចេញពីផ្ទៃស្រទាប់ ក្រៅរបស់ព្រះច័ន្ទ អាចធ្វើឲ្យមានផលប៉ះពាល់ រីករាលដាល ទាំងនៅក្នុងលំហអាកាស និងភពផែនដី ជាពិសេសប្រព័ន្ធ ផ្កាយរណប និងទំនាក់ទំនងថាមពល របស់ភពផែនដី។ ដោយឡែក ប្លាស្មា គឺជាដែនម៉ាញ៉េទិច ដ៏តូចមួយដែលត្រូវបាន បង្កើតឡើងដោយខ្យល់ កំដៅនៅក្នុង ភពព្រះអាទិត្យ។
យោងទៅតាម សេចក្តីរាយការណ៍ របស់គេហទំព័រ Caltech បានឲ្យដឹងថា រង្វង់ប្លាស្មានៅលើ ស្រទាប់ផ្ទៃខាងក្រៅ របស់ព្រះអាទិត្យដែល ត្រូវបានក្រុមអ្នក វិទ្យាសាស្រ្តគិតថា វាជាអ្នកបង្កើតឲ្យ មានអណ្តាតភ្លើងនៃ ដួងព្រះអាទិត្យ កំពុងតែត្រូវបានគេបង្កើត និងគ្រប់គ្រងនៅក្នុង ទីពិសោធន៍មួយកន្លែង នៅលើភព ផែនដីរបស់ភ្នាក់ងារយានអវកាស ណាសា។
លោកសាស្រ្តាចារ្យ Paul Bellan បាននិយាយថាៈ "ពួកយើងកំពុងតែសិក្សា អំពីដំណើរការនៃរង្វង់ ប្លាស្មារបស់ព្រះអាទិត្យទាំងនេះ ដែលវាអាចមានការរួម ចំណែកដល់ចំណេះដឹង នៃអាកាសអាតុ លំហអាកាស។"
អ្នកស្រាវជ្រាវ ម្នាក់លោក Eve Stenson បាននិយាយថា " ការពិសោធន៍ដែលប្រើប្រាស់ ឧបករណ៍ថាមពលជីពចរ ព្រមទាំងដែន មេកានិចប្លាស្មា នៅក្នុងបន្ទប់សុញ្ញាកាស បានបង្ហាញឲ្យ ក្រុមអ្នកស្រាវជ្រាវ ទាំងអស់ឃើញអំពី ចលនារុញច្រាននៃ រង្វង់ប្លាស្មា ឬ ឧស្ម័នបង្កើនបន្ទុកអ៊ីយ៉ុង។
អ្នកស្រាវជ្រាវម្នាក់ លោក Bellan បាននិយាយថា "លុះក្រោយមកពួកយើង បានបន្តការពិសោធន៍ របស់យើងដើម្បី ចង់ដឹងថា រង្វង់ប្លាស្មា២ អាចមានទំនាក់ទំនងគ្នា យ៉ាងដូចម្តេច ដោយក្រុមអ្នកវិទ្យាសាស្រ្ត ចង់ឃើញថា ប្រសិនបើរង្វង់ប្លាស្មា ទាំង២នោះ អាចរលាយចូលគ្នា ហើយបង្កើតបាន ជារង្វង់ដ៏ធំមួយ ដែលមនុស្សមួយចំនួន ជឿជាក់ថា នេះគឺជាមូលហេតុ ដែលនាំឲ្យមានរង្វង់ ប្លាស្មាដ៏ធំនៅលើផ្ទៃ ស្រទាប់ក្រៅរបស់ព្រះច័ន្ទ"៕ ប្រែសម្រួលដោយ៖ LookingTODAY