ព័ត៌មានបឋមនៅម៉ោង៩ព្រឹកស្ដីពីការរលំអគាររោងចក្រនៅ ខេត្តកំពង់ស្ពឺមានកម្មករស្លាប់២នាក់របួសធ្ងន់៦នាក់ស្រាលជា ច្រើននាក់កំពុងជួយសង្គ្រោះ
កំពង់ស្ពឺ
៖ នៅម៉ោង៩ព្រឹក ថ្ងៃទី១៦ ខែឧសភានេះ
សេចក្ដីរាយការណ៍ព័ត៌មានបឋមស្ដីពីការរលំរោងចក្រកាត់ដេរវីនស្ដារនៅ
ខេត្តកំពង់ស្ពឺ មានកម្មករ-ការិនីដែលត្រូវបានរំដោះចេញមកខាងក្រៅមានរបួសធ្ងន់ស្រាលជាង១០នាក់ និងស្លាប់បាត់បង់ជីវិតជាក់ស្ដែងមាន២នាក់។
សេចក្ដីរាយការណ៍
ឲ្យដឹងទៀតថា ក្រុមសមត្ថកិច្ច អាជ្ញាធរមូលដ្ឋាន
រថយន្តសង្គ្រោះបន្ទាន់ រថយន្តអន្តរាគមន៍ង៧០
រថយន្តពន្លត់អគ្គិភ័យរាប់សិបគ្រឿងកំពុងធ្វើដំណើរឆ្ពោះទៅកាន់
ទីតាំងកើតហេតុដើម្បីជួយសង្គ្រោះមនុស្សដែលនៅក្រោមអគាររោងចក្របាក់
រលំសង្កត់លើកម្មកររាប់រយនាក់នោះ។ ប្រភពបន្តថា
ស្ថានការណ៍នៅក្បែរកន្លែងកើតហេតុមានសភាពណែនណាន់តាន់តាប់
ហើយរថយន្តស្ទូចក៏បានបន្តសកម្មភាពលើកដំបូលអគារ
និងក្រុមជាងដែកកំពុងកាត់ដើម្បីជួយសង្គ្រោះអ្នកដែលនៅខាងក្រោមគំនរ
ថ្ម និងដំបូលអគារទាំងមូល។
សេចក្ដីរាយការណ៍
បន្តថា
មូលហេតុបឋមដែលបណ្ដាលឲ្យបាក់អគាររោងចក្រនោះដោយសារតែក្នុងទីតាំង
អគារនៃជាន់ទី២ មានផ្ទុកទំនិញលើសចំណុះ
ហើយនៅព្រឹកកើតហេតុនោះក្រុមកម្មករក៏បានធ្វើការជុំគ្នារាប់រយនេះ
ស្រាប់តែបាក់ធ្លាក់សង្កត់លើមនុស្សតែម្ដង៕ ប្រភពពី kpt-news
នាគព័ន្ធ+ច្បារមន+រដ្ឋឋានៈ
Facebook
0 Comments:
Post a Comment