អាហារ៥មុខបំប៉នសុខភាពស្បែកមុខ ថែមទាំងថេរក្សាស្បែកមុខ

សុខភាពស្បែក ពិតជាសំខាន់ណាស់ចំពោះសុភាពបុរស និងនារី ជាពិសេស សុខភាពស្បែកផ្ទៃមុខ តែ ម្ដង។ មុខឡើងមុន ខ្មៅមានស្នាមគ្រើម អ្នកប្រាកដជាមិនចង់ទៅណាមកណានោះឡើយ ព្រោះអ្នកមានអារម្មណ៍ខ្មាសគេ។ ដូច្នេះ ថ្ងៃនេះ Sabay សូមបង្ហាញវិធីងាយៗ ៥ យ៉ាង ដែល អ្នកអាចធ្វើបាននៅផ្ទះ ដើម្បីបំប៉នសុខភាពស្បែកផ្ទៃមុខអ្នកឲ្យតឹងរលោងស្អាត៖

១. ទឹកក្រូចឆ្មារ

ទឹក ក្រូចឆ្មារជាឱសថដ៏សាមញ្ញបំផុត ដែលអាចធ្វើឲ្យស្បែកអ្នកភ្លឺរលោងគ្មានខ្លាញ់ជាប់ស្បែកមុខ។ វាអាចបង្រួម រន្ធញើសធំៗលើផ្ទៃមុខអ្នក (ធ្វើឲ្យតឹងស្អាត)។ វិធីងាយៗ ដោយគ្រាន់តែអ្នកយកទឹកក្រូចឆ្មារមកលុបលាងផ្ទៃមុខអ្នកប៉ុណ្ណោះ ហើយត្រូវលាងជម្រះវិញក្នុងរយៈពេល ២ ឬ ៣ នាទី។

២. ស៊ុត

សារធាតុ សនៃស៊ុត ជួយផ្ដល់សំណើម និងធ្វើឲ្យផ្ទៃមុខតឹងណែន។ អ្នកគ្រាន់តែយកសារធាតុសនោះមកលាបត្រដុសថ្នមៗលើផ្ទៃមុខ និងទុករយៈពេល ២ ឬ៣ នាទី ចាំលុបលាងមុខសម្អាត។

៣. ទឹកឃ្មុំ

អ្នក អាចប្រើប្រាស់ទឹកឃ្មុំរាល់ថ្ងៃមកសម្អាតផ្ទៃមុខអ្នក។ ទឹកឃ្មុំ ផ្ដល់សំណើមស្បែកផ្ទៃមុខទន់រលោង និងជួយកម្ចាត់មេរោគផ្សេងៗលើផ្ទៃមុខ ឆ្លងតាមដៃ និងធូលី។ អ្នកគ្រាន់តែយកទឹកឃ្មុំមកលាបថ្នមលើផ្ទៃមុខ និងទុកចោលរយៈពេល ៥ នាទី រួចចាំលុបលាងសម្អាត។ កាន់តែប្រសើរ បើសិនអ្នកលាយទឹកឃ្មុំនឹងទឹកក្រូចឆ្មារបន្តិច។

៤. ស្ត្រូបឺរី

ផ្លែ ឈើប្រភេទនេះ មានប្រសិទ្ធភាពក្នុងការសម្អាតជាតិខ្លាញ់ និងធូលីលើផ្ទៃមុខ ដូចជាម៉ាស់អីចឹង។ ស្ត្រូបឺរី មានវីតាមីន C ដែលការពារមេរោគផ្សេងៗ។ វិធីងាយៗ ដោយអ្នកគ្រាន់តែបុកស្ត្រូបឺរីល្អិត រួចដាក់លើម៉ាស់បិទមុខ និងយកមកគ្របលើផ្ទៃមុខទុករយៈពេល ៥ នាទី ជាការស្រេច។

៥. ចេក

ចេក ផ្ដល់សំណើមយ៉ាងច្រើនដល់ស្បែក និងធ្វើឲ្យស្បែកស្រស់ថ្លាឡើងវិញ។ អ្នកគ្រាន់តែកិនចេកលាយជាមួយនឹងទឹកឃ្មុំបន្តិច ហើយយកមកលាបថ្នមៗលើផ្ទៃមុខ។ ទុកចោលរយៈពេល ១០ នាទី ទើបលាងសម្អាតវិញ។
ការអនុវត្តវិធីទាំងអម្បាលម៉ានខាងលើ គឺអាស្រ័យថាតើអ្នកមានពេលវេលាច្រើនប៉ុណ្ណា។ អ្នកអាចអនុវត្តប្រចាំថ្ងៃ ឬ ៤ ឬ ៥ ថ្ងៃក្នុងសប្ដាហ៍ក៏បាន៕

ប្រែសម្រួល៖ សុផាត
ប្រភព៖ Times of India សប្បាយ

Discussion

Photography

Saturday, May 4, 2013