មើលផ្អើលពេញអ៉ីនធឺណែត តាអាយុ ៧២ឆ្នាំក្លាយជាតារាម៉ូត

ចិន៖ លោក Liu Xianping អាយុ ៧២ឆ្នាំជាជនជាតិចិន បានក្លាយទៅជា តារាម៉ូដែលបង្ហាញ ម៉ូតសម្លៀកបំពាក់ ដែលបានធ្វើឲ្យមានការភ្ញាក់ផ្អើលយ៉ាងខ្លាំង ទៅដល់អ្នកដែលចូលចិត្ត ទិញសម្លៀក បំពាក់តាមប្រព័ន្ធអ៉ីនធឺណែតនៅប្រទេសចិន ។ គាត់បានស្លៀកសម្លៀកបំពាក់ នារីជាច្រើនម៉ូត ថតដាក់បង្ហាញតាមប្រព័ន្ធអ៉ីនធឺណែត ដើម្បីលក់ ជាការរចនា ឡើងដោយ កញ្ញា Yuekou ដែលជាម្ចាស់ហាងលក់សម្លៀកបំពាក់ស្រ្តីមួយ នៅក្នុងប្រទេសចិន។
បន្ទាប់ពីរូបថតរបស់គាត់ ដាក់បង្ហាញលើប្រព័ន្ធអ៉ីនធឺណែតភ្លាម បានធ្វើឲ្យទស្សនិកជន ជាច្រើនមានការចាប់អារម្មណ៍ ហើយមានការកម្មង់ទិញយ៉ាងច្រើន លើសពីការរំពឹងទុក របស់ពួកគេថែមទៀតផង។
នៅពេលដែលសួរទៅកាន់តារាម៉ូត វ័យចំណាស់រូបនេះ គាត់បានឆ្លើយតបវិញថា “ខ្ញុំធ្វើបែបនេះ ដើម្បីជួយក្នុងការលក់សម្លៀកបំពាក់ នៃហាងចៅស្រីរបស់ខ្ញុំតែប៉ុណ្ណោះ ខ្ញុំគ្មានអ្វីត្រូវខ្មាស់អៀន ឬបាត់បង់នោះទេ ហើយនៅក្នុងការធ្វើបែបនេះធ្វើឲ្យខ្ញុំ មានអារម្មណ៍សប្បាយចិត្តណាស់”៕ ប្រែសម្រួល៖​ Looking TODAY