ក្រុងបង់ដាសើរី បេហ្គាវ៉ាន់ៈ
បណ្តាមេដឹកនាំអាស៊ានបានបញ្ចប់ជំនួបកំពូលនៅថ្ងៃព្រហស្បតិ៍
ដែលផ្តោតសំខាន់លើការបន្ធូបន្ថយភាពតានតឹងជុំវិញសមុទ្រចិន
ខាងត្បូង និងពង្រឹងភ្ជាប់ទំនាក់ទំនងសេដ្ឋកិច្ចក្នុងតំបន់។
សមាគមន៍ប្រជាជាតិអាស៊ីអាគ្នេយ៍
ហៅកាត់ថា អាស៊ាន ដែលមានសមាជិក ១០ ប្រទេស
បានស៊ូអត់ទ្រាំក្នុងការបែកចេញដ៏ជ្រៅកាលពីឆ្នាំមុនពី
របៀបដែលត្រូវដោះស្រាយជម្លោះជាមួយប្រទេសចិនជុំវិញដែនសមុទ្រ
ហើយមេដឹកនាំទាំងឡាយបានផ្តោតយកចិត្តទុកដាក់ខ្លាំងក្នុង
កិច្ចពិភាក្សាសប្តាហ៍នេះស្តីពីការបង្កើតឡើងវិញនូវឯកភាពរួម
នៅក្នុងប្រទេសប៊្រុយណេ។
លោកប្រធានាធិបតីហ្វីលីពីន បេនីកណូ
អាគីណូបាននិយាយបន្ទាប់ពីការជួបជុំដំបូងកាលពីរាត្រីថ្ងៃពុធ
នៅក្នុងពិធីទទួលទានអាហារពេលល្ងាចមួយរៀបចំដោយស្តេចប៊្រុយណេ
ស៊ូតង់ ហាស្សាណាល ប៊ូលហ្គៃ ថា
មេដឹកនាំបានជោគជ័យក្នុងការស្វែងរកដំណោះស្រាយរួមគ្នាលើ
បញ្ហារសើប។ លោកអាគីណូនិយាយថា
៖«អ្នករាល់គ្នាចាប់អារម្មណ៍ដែលមានដំណោះស្រាយសន្តិភាពមួយ
និងក៏កំពុងបារម្ភពីជម្លោះដែលកំពុងកើនឡើង»។ ប្រភពព័ត៌មានៈ ភ្នំពេញប៉ុស្តិ៍
Facebook
0 Comments:
Post a Comment