អគ្គិភ័យឆេះ អគារក្រុមហ៊ុន​ ទូរស័ព្ទមេត ហ្វូន នៅកណ្ដាល ក្រុងសៀមរាប

សៀមរាប ៖ អគារក្រុមហ៊ុន ទូរស័ព្ទ ០៩៧-០៨៨ មេតហ្វូន ស្ថិតនៅក្បែរធនាគារ កាណាឌីយ៉ា ទីរួមខេត្ដសៀមរាប នៅព្រឹកថ្ងៃទី០១ ខែមិថុនា ឆ្នាំ២០១៣នេះ បានរងការឆាបឆេះ ដោយសារតែទុស្សេខ្សែភ្លើងនៅក្នុងអគារតែម្ដង ។
យ៉ាងណាក៏ដោយ សេចក្ដីរាយការណ៍ពី កន្លែងកើតហេតុ បានឱ្យដឹងថា ពេលមាន អគ្គិភ័យឆាបឡើងភ្លាម ដែលឆេះផ្ដើមឡើងពីជាន់ក្រោម បុគ្គលិកនៅក្នុងអគារ ដែលកំពុងធ្វើការបានរត់ចេញទាន់ ។
សេចក្ដីរាយការណ៍បានបន្ដថា ក្រោយ មានករណីនេះកើតឡើងភ្លាម កម្លាំងអាជ្ញាធរ និងសមត្ថកិច្ចពាក់ព័ន្ធបានទៅជួយអន្ដរាគមន៍ភ្លាមៗ ។ដោយៈ ដើមអម្ពិល (DAP)