មីយ៉ាន់ម៉ាបានបញ្ជូនទាហានដ៏ច្រើនទៅកាន់ទីប្រជុំជនដែលផ្ទុះនូវកុបកម្ម

ក្រុមប៉ូលិសល្បាតសង្កាត់ពាណិជ្ជកម្មឡាស៊ីអូ នៃរដ្ឋសានភាគ ខាងជើងមីយ៉ាន់ម៉ា បន្ទាប់ពីផ្ទុះឡើងនូវកុបកម្មសាសនាកាប់ចាក់ និងដុតបំផ្លាញ កាលពីថ្ងៃអង្គារ។ AFP

ក្រុងឡាស៊ីអូៈ កម្លាំងសន្តិសុខបានល្បាតតាមដងវិថីនៃ ទីប្រជុំជនដែលមានតែស្នាមកុបកម្មនៅភាគខាងកើតមីយ៉ាន់ម៉ាបន្ទាប់ពី ការផ្ទុះឡើងនូវអំពើហិង្សាសាសនាថ្មីមួយដែលធ្វើឲ្យមនុស្សម្នាក់ ស្លាប់និងច្រើននាក់រងរបួស។ ទាហានបានបង្ហាញខ្លួនទាំងហ្វូងនៅទូទាំងទីប្រជុំជនឡាស៊ីអូនៅ ក្នុងរដ្ឋសាន់ខណៈក្រុមអាជ្ញាធរបានព្យាយាមបញ្ចប់ភាពចលាចលបង្ហូរ ឈាមនេះជាចលាចលថ្មីបំផុតនៅក្នុងការប៉ះទង្គិចជាបន្តបន្ទាប់នៅ ទូទាំងប្រទេសដែលបានបង្កជាបញ្ហាប្រឈមដ៏ធំសម្រាប់ រដ្ឋាភិបាលកំណែទម្រង់នេះ។
មន្ត្រីក្រសួងព័ត៌មានក្នុងតំបន់លោក ណាងសៃ លី ខាន់បានប្រាប់AFP ថា៖«យោធាពេលនេះកំពុងទទួលខុសត្រូវចំពោះសន្តិសុខនៅទីនេះ»ដោយ បន្ថែមថា ពេលនេះស្ថានការណ៍«មានសភាពស្ងប់ស្ងាត់»បន្ទាប់ពីមានអំពើហិង្សា ពីរថ្ងៃមក។
មន្ត្រីរូបនេះបាននិយាយថា៖«មានប្រជាជនខ្លះ កំពុងជិះម៉ូតូជុំវិញទីប្រជុំជននេះដោយកាន់កាំបិតនិងដំបងកាលពី ថ្ងៃម្សិលមិញ។ ប៉ុន្តែគ្មានរឿងបែបនេះទៀតទេនៅថ្ងៃនេះ...។ កម្លាំងសន្តិសុខកំពុងត្រូវបានដាក់ពង្រាយនៅគ្រប់ច្រកល្ហកទាំងអស់»។
យោងតាមអ្នកយកព័ត៌មានAFP បានឲ្យដឹងថា ហាងខ្លះបានបើកឡើងវិញហើយទីប្រជុំជននេះបង្ហាញថាស្ងប់ស្ងាត់នៅ ព្រលឹមថ្ងៃព្រហស្បតិ៍។
មនុស្សម្នាក់ត្រូវបានសម្លាប់និង៥នាក់ទៀតបានរងរបួសនៅក្នុង ការប្រយុទ្ធគ្នារវាងក្រុមមូស្លីមនិងពុទ្ធសាសនិកដែលបានធ្វើឲ្យ ព្រះវិហារអ៊ិស្លាមមួយ និងមណ្ឌលកុមារកំព្រាមួយកន្លែងត្រូវបានដុតបំផ្លាញ និងហ្វូងមនុស្សដែលគ្មានសណ្ដាប់ធ្នាប់ប្រដាប់ដោយដំបងកំពុងត្រាច់ចរ នៅតាមដងផ្លូវដោយគំរាមក្រុមជនមូស្លីម។
យោងតាមកាសែតពន្លឺថ្មីមីយ៉ាន់ម៉ាឲ្យដឹងថា អគារសាសនាបីកន្លែងហាងរាប់សិបនិងផ្ទះជាច្រើនខ្នងត្រូវបានដុត បំផ្លាញនៅក្នុងការប្រយុទ្ធគ្នានោះ៕http://www.postkhmer.com

Discussion

Photography

Saturday, June 1, 2013