ឯកឧត្ដម ស្រី ងួន និងលោកជំទាវ ឧបត្ថម្ភ ថវិកា ៥០ម៉ឺនរៀល ដល់សពកម្មករ ម្នាក់ៗ ដែលរងគ្រោះ រលំប្លង់សេ​ សង្កត់ស្លាប់

ភ្នំពេញ ៖ ឯកឧត្ដម ស្រី ងួន និងលោក ជំទាវ តាមរយៈមជ្ឈមណ្ឌល ព័ត៌មានដើម អម្ពិល នៅរសៀលថ្ងៃទី១៦ ខែឧសភា ឆ្នាំ២០១៣ នេះ បានឧបត្ថម្ភថវិកាផ្ទាល់ខ្លួន ចំនួន ៥០ ម៉ឺនរៀល ដល់សពកម្មករ កម្មការិនី ម្នាក់ ដែលរងគ្រោះ ដោយសារបាក់ប្លង់សេ អគារផ្ទុកសម្ភារៈ របស់រោងចក្រវីញស្ដាស៊ូ កាលព្រឹកថ្ងៃទី១៦ ខែឧសភា ស្ថិតនៅតាម បណ្ដោយផ្លូវជាតិលេខ៣ ស្រុកគងពិសី ខេត្ដកំពង់ស្ពឺ ។
ការចូលរួមឧបត្ថម្ភថវិកា ជូនដល់សព កម្មករ កម្មការិនីរងគ្រោះខាងលើនេះ បានធ្វើឡើង បន្ទាប់ពីឯកឧត្ដម និងលោក ជំទាវ បានមើលឃើញ និងមានការរន្ធត់ ចំពោះ ព្រឹត្ដិការណ៍បាក់ប្លង់សេអគាររោង ចក្រខាងលើនេះ ។
សូមបញ្ជាក់ថា កាលពីព្រឹកព្រលឹម ថ្ងៃទី១៦ ខែឧសភា ឆ្នាំ២០១៣នេះ ហេតុការណ៍ដ៏ភ្ញាក់ផ្អើលមួយបានកើតឡើង  បន្ទាប់ពីបាក់ប្លង់ សេរអគាររោងចក្រស្បែកជើង «វីងស្តាស៊ូ» ស្ថិតតាមបណ្តោយផ្លូវជាតិលេខ៣ នៅគីឡូម៉ែត្រលេខ ៤៩ ក្នុងស្រុក គងពិសី ខេត្តកំពង់ស្ពឺ ៕ប្រភពពី ដើមអម្ពិល (DAP)