វិធីធ្វើឲ្យផ្ទៃមុខមានសំណើមដោយផ្លែឈើ

សុខភាព ៖ បើយើងមើលទៅអាកាសធាតុហួតហែង ដូចសព្វថ្ងៃ បានធ្វើឲ្យស្ត្រីជាច្រើន ប្រឈមជាមួយស្បែកមុខស្ងួតនិងបែកស្រការ។ រូបមន្តផ្លែឈើបំពោកមុខដូចខាងក្រោម នឹងជួយផ្ទៃមុខរបស់ អ្នកឲ្យមានសំណើមឡើងវិញ ៖
១-រូបមន្តប៉េងប៉ោះ និងចេក ៖ យកប៉េងប៉ោះ និងចេកមកកិនបញ្ចូលគ្នា។ បន្ទាប់ពីនោះយកមកបំពោកលើផ្ទៃមុខដោយទុកចោលឲ្យបានប្រហែលកន្លះម៉ោង រួចលាងសម្អាតចេញដោយទឹកស្អាត។ ការប្រើរូបមន្តនេះ អាចជួយរឹតបន្តឹងរន្ធរោម និងជួយបន្ថែមសំណើមលើផ្ទៃមុខបានយ៉ាងល្អ៕

២-រូបមន្តឪឡឹកជួយបន្ថែមសំណើម៖ យកឪឡឹកមកកិនលាយ ជាមួយទឹកដោះគោជូ ហើយយកមកបំពោកលើផ្ទៃមុខឲ្យបានប្រហែល ១០ទៅ១៥នាទី សឹមលាងទឹកស្អាតចេញ។ បើស្ត្រីណាមានបញ្ហារឿង “មុន” អាចច្របាច់ក្រូចឆ្មារដាក់បញ្ចូលបន្តិចបន្តួច កាន់តែប្រសើរ ព្រោះថាអាចជួយធ្វើការសម្អាតស្បែក ឲ្យបានជ្រៅជាងធម្មតាផង។

៣-រូបមន្តស្ត្រប៊ឺរី ៖ ចិតផ្លែស្ត្រប៊ឺរីជា បន្ទះស្តើងៗ ហើយដាក់បំពោកលើផ្ទៃមុខ ឬកិនផ្លែរួមបញ្ចូលជាមួយទឹកដោះគោជូរ រួចហើយយកទៅបំពោកលើផ្ទៃមុខ ដោយទុកចោល ២០នាទី នោះនឹងអាចជួយឲ្យផ្ទៃមុខមានសំណើម និងស្បែកមានភាពទន់ល្មើយ។

៤-រូបមន្តត្របែក ដើម្បីស្បែកស្អាត៖ យកផ្លែត្របែកមកពុះជាពីរ ហាន់ជាចំណិតតូចៗ លាយជាមួយទឹកដោះគោឆៅ រួចយកទៅបំពោកមុខឲ្យបានប្រហែល ១៥ទៅ២០នាទី មុនធ្វើការលាងសម្អាតចេញវិញ។ ក្នុងផ្លែត្របែកមានវីតាមីនC ដែលអាចជួយបង្កើតសរសៃទឹកប្រូតេអ៊ីន ក្នុងស្បែក និងផ្តល់សំណើមស្បែកលើផ្ទៃមុខឲ្យហាប់ណែន។ ត្រូវអនុវត្តរូបមន្តនេះ ក្នុងមួយសប្តាហ៍ ២ទៅ៣ ដង ឲ្យបានរយៈពេលមួយខែ នឹងទទួលលទ្ធផលគួរជាទីពេញចិត្ត។

ប្រភពពីkhmerangkor-news.com

Discussion

Photography

Friday, May 31, 2013