អាការៈសញ្ញាបួនយ៉ាងដែលសំគាល់ពីការកើតជំងឺទឹកនោមផ្អែម
នាឱកាសទិវាប្រយុទ្ធប្រឆាំងនឹងជំងឺទឹកនោមផ្អែម លោកវេជ្ជបណ្ឌិត កើកគី លីម ប្រធានសមាគមជំងឺទឹកនោមផ្អែមនៅកម្ពុជា សូមជម្រាបជូនអស់លោកអ្នកនាងអំពីអាការៈសញ្ញា និងអំពីវិធីការពារជំងឺទឹក នោមផ្អែម។សម្រាប់សមាគមជំងឺទឹកនោមផ្អែមកម្ពុជាក៏ដូចជាសមាគមផ្សេងៗទៀតក្នុង លោកដែរ កម្មវត្ថុចំបង គឺការស្វែងរកជួយសង្គ្រោះអ្នកដែលមិនទាន់កើត និងអ្នកដែលប្រុងកើតជំងឺទឹកនោមផ្អែម។ ដូច្នេះបើក្នុងករណីសង្ស័យ គួរតែរួសរាន់នាំគ្នាទៅពិគ្រោះ និងជួបគ្រូពេទ្យដើម្បីវិភាគ។
អាការៈសំខាន់បួនយ៉ាងសំរាប់សំគាល់ជំងឺទឹកនោមផ្អែម ៖
- នោមច្រើន
- ស្រេកទឹក
- ចុះស្គម
- អស់កម្លាំង
ដូចពាក្យចាស់លោកថា “ការពារប្រសើរជាងព្យាបាល” ! ប្រសិនបើយើងមានការប្រយុងប្រយ័ត្ន និងចេះការពារជាមុន នោះគ្រោះកើតជំងឺទឹកនោមផ្អែម នឹងក្រកើតមានចំពោះខ្លួនយើង។ ការពារដែលមិនមែនមានន័យថាការពារមិនឲ្យកើតទេ តែគឺឲ្យក្រមានជំងឺទឹកនោមផ្អែម និងការពារកុំឲ្យជំងឺនេះធ្លាក់ដុនដាបខ្លាំង បំផ្លាញសុខភាពនិងជីវិតរស់នៅប្រចាំថ្ងៃបានឆាប់រហ័សពេក។
ដំបូន្មានសំខាន់ៗ សំរាប់ទប់ស្កាត់ជំងឺទឹកនោមផ្អែម ៖
- ធ្វើកីឡា។ គួរធ្វើលំហាត់ដើរ ពី ៤៥ ទៅ៥០ នាទី យ៉ាងហោចណាស់ បីដងក្នុងមួយសប្តាហ៍។
- ការបរិភោគត្រឹមត្រូវ។ បាយ សូមពិសាឲ្យល្មម ជាពិសេសចំពោះអ្នកដែលមិនសូវបញ្ចេញកម្លាំងកាយ។ ពិសាបន្លែផ្លែឈើ ឲ្យបានច្រើន។ សូមកុំខ្លាចផ្លែឈើដែលមានជាតិផ្អែមនោះឲ្យសោះ លើកលែងតែអ្នកជំងឺដែលធ្លាក់ដល់ដំណាក់កាលចាក់Insuline ។
- ទទួលដំណេកឲ្យបាន ៨ម៉ោងក្នុងមួយថ្ងៃ
- បង្រៀនចិត្តកុំឲ្យមានកំហឹង និងកើតទុក ធ្លាក់ទឹកចិត្ត (Depression)
ដើម្បីបុព្វហេតុប្រយុទ្ធប្រឆាំងនឹងជំងឺទឹកនោមផ្អែមនៅកម្ពុជា លោក លោកកើកគី លីម ជាប្រធានសមាគមជំងឺទឹកនោមផ្អែមកម្ពុជា សូម អំពាវនាវដល់បណ្តាជនគ្រប់រូបដែលមានសទ្ធាជ្រះថ្លា ឲ្យជួយគាំទ្រសមាគមតាមលទ្ធភាព តាមរយៈការឧបត្ថម្ភផ្ទាល់ដល់សមាគម និងតាមរយៈការឧបត្ថម្ភដល់អ្នកជំងឺដោយផ្ទាល់តែម្តង៕
Facebook
0 Comments:
Post a Comment