អាហារញាត់សាច់សត្វបួនមុខបញ្ចូលគ្នាដ៏ធំបំផុតក្នុងលោក

ប្រជាជនអារ៉ាប់រីករាយនឹងសត្វអូដ្ឋដុតញាត់ចៀម មាន់ និងត្រី។

ក្រុងឡុងដ៍ : វិធីចម្អិនគឺយកត្រីជាច្រើនក្បាលញាត់ក្នុងពោះសត្វមាន់២០ រួចយកសត្វមាន់ទាំងនោះទៅញាត់ក្នុងពោះសត្វចៀម ហើយយកសត្វចៀមនោះទៅញាត់ក្នុងពោះសត្វអូដ្ឋ មុននឹងយកទៅដុតចម្អិនទាំងមូល។
គ្រាន់តែស្ដាប់មនុស្សមួយចំនួនសឹងតែមិនជឿថាវាជាការពិតឡើយ ប៉ុន្តែកំណត់ត្រាហ្គីណេសពិភពលោកបានផ្ដល់ចំណាត់ថ្នាក់លេខ១ចំពោះ មុខម្ហូបសាច់សត្វចម្អិនទាំងមូលដែលធំជាងគេបំផុតក្នុងលោក។
រូបភាពអាហារដ៏ចម្លែកដែលមានឈ្មោះថា Bedouins នេះត្រូវបានគេបង្ហោះចែកចាយពេញអ៊ីនធឺណិតតែម្ដង ហើយដែលត្រូវបានគេប្រជាជនអារ៉ាប់មួយចំនួននិយមចម្អិនទទួលទាន ដើម្បីលាងសាយភោជន៍ក្នុងពិធីជប់លៀង ធំៗ ឬមង្គលការជាដើម នៅបណ្ដាប្រទេសអារ៉ាប់ ដូចជាអារ៉ាប៊ីសាអ៊ូឌីត។
ប្រជាជនមួយចំនួនបានឲ្យឈ្មោះអាហារនេះថា Camel Turducken។ អាហារនេះផ្សំឡើងពីសាច់សត្វទាំងមូល៤ប្រភេទ គឺសត្វអូដ្ឋទាំងមូលត្រូវបានគេកោសរោម ហើយបារយកគ្រឿងក្នុងដើម្បីញាត់សត្វចៀមទាំងមូលនៅក្នុងនោះ។ នៅក្នុងពោះសត្វចៀមទៀតសោតក៏មានញាត់បំពេញដោយសត្វមាន់ជាង២០ ក្បាល ដែលនៅក្នុងពោះសត្វមាន់នោះផ្ទុកទៅដោយត្រីទាំងរស់។ អាហារដែលសម្បូរសាច់ និងកាឡូរីដ៏ខ្ពស់នេះទាមទារការចម្អិនដោយដុតលើធ្យូងពេញ ២៤ម៉ោង រហូតទាល់តែស្បែកខាងក្រៅរបស់សត្វអូដ្ឋនោះឡើងក្រហម ហើយស្រួយទើបឆ្អិន។
នៅពេលដែលរួចរាល់សត្វអូដ្ឋដុតនោះត្រូវបានគេដាក់លើថាសធ្វើ អំពីប្រាក់ដ៏ធំមួយ ដោយប្រើកាំបិតកាត់ជាដុំៗ រួចដួសដាក់ចានឲ្យភ្ញៀវ។ ជាទូទៅអាហារនេះអាចបម្រើភ្ញៀវបានដល់ទៅ១០០នាក់ឯណោះពោលគឺសឹងតែ ពេញ១រោងការតែម្ដង៕ PRភ្នំពេញប៉ុស្តិ៍

Discussion

Photography

Tuesday, July 2, 2013