អគ្គស្នងការរង និងជាស្នងការនគរបាលរាជធានីភ្នំពេញ លោកជួន សុវណ្ណ បានមានប្រសាសន៍ប្រាប់អ្នកសារព័ត៌មាន កាលពីព្រឹកថ្ងៃអង្គារ ទី២៣ ខែកក្កដានេះសមត្ថកិច្ចកំពុងបន្ដស៊ើបអង្កេតករណីបាញ់ចូលទីស្នាក់ការគណបក្សសង្គ្រោះជាតិ កាលពីថ្ងៃទី២០ ខែកក្កដានោះហើយ។ ប៉ុន្ដែសមត្ថកិច្ចនៅមិនទាន់ចាប់ជនសង្ស័យណាមួយបាននៅឡើយទេ។
លោកជួន សុវណ្ណ បានឲ្យដឹងថា នៅពេលដែលមានហេតុការណ៍អ្វីមួយកើតឡើងអាជ្ញាធរមានសមត្ថកិច្ចត្រូវបង្កើតគណៈកម្មការស្រាវជ្រាវមួយហើយគណៈកម្មការនេះ បានទៅស្រាវជ្រាវរួចហើយ និងបានធ្វើកំណត់ហេតុ និងបានសិក្សារួចហើយអំពីបញ្ហានេះ។
ប៉ុន្ដែយ៉ាងណាក៏ដោយលោកជួន សុវណ្ណ បានស្នើឲ្យគណបក្សសង្គ្រោះជាតិបន្ដសហការដើម្បីផ្តល់ពន្លឺខ្លះ ក្នុងការស្រាវជ្រាវករណីបាញ់ចូលស្នាក់ការគណបក្សសង្គ្រោះជាតិនោះនិងបានទាក់ទងគណបក្សមួយ ដើម្បីដាក់ពាក្យបណ្តឹងមួយផ្ទាល់សម្រាប់មកស្នងការដ្ឋាននគរបាលរាជធានីភ្នំពេញផងដែរ។
សំលេងៈ
គួរបញ្ជាក់ថា ករណីបាញ់ចូលទីស្នាក់ការគណបក្សសង្គ្រោះជាតិបានកើតឡើង កាលពីទៀបភ្លឺថ្ងៃទី២០ ខែកក្កដា ឆ្នាំ២០១៣ ដែលមានទីតាំងស្ថិតនៅសង្កាត់បឹងកក់២ ខណ្ឌទួលគោក។
ប៉ុន្ដែការបាញ់នោះមិនបានបណ្តាលឲ្យមនុស្សនៅក្នុងនោះរងរបួសនោះទេ គ្រាន់តែគ្រាប់កាំភ្លើងបានទម្លុះទ្វារកញ្ចក់ផ្លាតទៅត្រូវកៅអីជ័រប៉ុណ្ណោះ។
ក្រោយហេតុការណ៍នេះកើតឡើងគណបក្សសង្គ្រោះជាតិបានស្នើឲ្យសមត្ថកិច្ចធ្វើការស៊ើបករណីនេះជាបន្ទាន់ ដើម្បីចាប់ខ្លួនសង្ស័យសមត្ថកិច្ចបានចុះទៅដល់កន្លែងកើតហេតុ ប៉ុន្ដែនៅមិនទាន់កំណត់មុខសញ្ញាជនសង្ស័យបានទេ៕
(ដោយៈឃួន សុភ័ក្រ)
ពី www.vayofm.com
Facebook
0 Comments:
Post a Comment