សៀវភៅថ្មីស្តីពីរបបខ្មែរក្រហមក្រោមចំណងជើងថា«របបមច្ចុរាជ»។ រូបថត ហុង មិនា
គម្របមុខពណ៌ខ្មៅក្រោមចំណងជើងធំៗថា «របបមច្ចុរាជ» ដែលមានរំលេចរូបថតសខ្មៅតូចៗរបស់ជនរងគ្រោះជាច្រើនសន្លឹកនៅចំ ផ្ទៃកណ្តាល។ នេះគឺទិដ្ឋភាពនៃគម្របមុខសៀវភៅ ដោយមិនប្រាប់ក៏គេដឹងដែរថា វានិយាយរៀបរាប់របបខ្មែរក្រហម។
សៀវភៅថ្មីដែលត្រូវបានចងក្រងឡើងដោយលោកឡុង កែមឯកអគ្គរាជទូតកម្ពុជាប្រចាំប្រទេសគុយវ៉ែត និងត្រូវបានកែសម្រួលដោយលោកឆាយ សុផល ជានាយកប្រតិបត្តិព័ត៌មានឃែម បូឌាញូស៏ និងជាសាស្រ្តាចារ្យព័ត៌មានបានធ្វើសន្និសិទ្ធកាសែតចេញផ្សាយជា ផ្លូវការនៅក្លឹបអ្នកការសែតកម្ពុជាក្នុងរាជធានីភ្នំពេញ។
អ្នកនិពន្ធលោកឡុង កែម មិនមានវត្តមាននៅក្នុងសន្និសិទ្ធនេះទេ។ លោកឆាយ សុផល បានមានប្រសាសន៍ថា សៀវភៅនេះត្រូវបានចងក្រងទុកជាឯកសារប្រវត្តិសាស្រ្តសម្រាប់ជនរួម ជាតិ ក៏ដូចជាពិភពលោកទាំងមូលឲ្យបានដឹងពីអំពើឃោរឃៅ និងព្រៃផ្សៃរបស់ពួកខ្មែរក្រហមនៅចាប់ពីឆ្នាំ១៧៥ ដល់ឆ្នាំ ១៩៧៩។
លោក ឆាយ សុផល បានបញ្ជាក់ថា៖ «សៀវភៅនេះវាជាស្នាដៃដ៏កម្រព្រោះជនរងគ្រោះរួចផុតជីវិតពីរបប នេះសរសេរដោយខ្លួនឯងផ្ទាល់ ហើយកន្លងសៀវភៅស្តីពីរបបនេះគឺច្រើនណាស់ គឺសរសេរដោយជនបរទេស។ នេះគឺជាឯកសារដ៏មានតម្លៃមួយ»។
ផាក់ ស៊ាងលី
ពី VOA
Facebook
0 Comments:
Post a Comment