អ្នកបង្កើត Mouse កុំព្យូទ័រដំបូងគេទទួលមរណភាពក្នុងវ័យ៨៨ឆ្នាំ

អ្នកដែលច្នៃប្រឌិតបង្កើត Mouse សម្រាប់កុំព្យូទ័រដំបូងគេ ព្រមទាំងជាអ្នកបង្កើតអ៊ីមែល កម្មវិធី word និងអ៊ីនធឺណេត បានទទួលមរណៈភាពហើយកាលពីថ្ងៃទី០២ ខែកក្កដា ឆ្នាំ២០១៣ ក្នុងវ័យ៨៨ឆ្នាំ។

លោក ឌូក្លាស អិនជែលបាត និងឧបករណ៍ Mouse ដំបូងបំផុតដែលលោកបានបង្កើត

អ្នកច្នៃប្រឌិតរូបនេះឈ្មោះ ឌូក្លាស អិនជែលបាត (Douglas Engelbart) គាត់បានបង្កើត Mouse សម្រាប់កុំព្យូទ័រនៅក្នុងទសវត្សរ៍ឆ្នាំ១៩៦០ដែលមានរូបរាបជា ប្រអប់ឈើ។ ហើយបន្ទាប់មកគាត់ក៏បានធ្វើការពាក់ព័ន្ធនឹងការបង្កើតអ៊ីមែល Word processing និង Video Teleconferences ដំបូងគេផងដែរ។
លោក ឌូក្លាស អិនជែលបាត កើតនៅថ្ងៃទី៣០ ខែមករា ឆ្នាំ១៩២៥ ក្នុងទីក្រុងផតលែន រដ្ឋអូរ៉េហ្គឺន សហរដ្ឋអាមេរិក ដោយមានឪពុកជាជាងជួសជុលវិទ្យុ និងម្តាយជាស្រ្តីមេផ្ទះ។ លោកបានសិក្សាផ្នែកវិស្វកម្មអេឡិចត្រូនិចនៅសាកលវិទ្យាល័យ Oregon State University និងបានបម្រើការងារជាអ្នកបច្ចេកទេសរ៉ាដា អំឡុងសង្រ្គាមលោកលើកទី២។
ក្រោយពីសង្រ្គាមលោកលើកទី២ លោក ឌូក្លាស បានធ្វើការងារនៅអង្គការណាកា ដែលបច្ចុប្បន្នដូរឈ្មោះមកជា ណាសា ជាវិស្វករអេឡិចត្រូនិច។ បន្ទាប់មកដោយចាប់អារម្មណ៍ខ្លាំលើកុំព្យូទ័រ លោកបានចូលបម្រើការងារនៅវិទ្យាស្ថានស្រាវជ្រាវស្ទែនហ្វដ (Stanford Research Institute)៕
ពីwww.fpmonline.ne

Discussion

Photography

Wednesday, July 10, 2013