លោក ធន សារាយ ប្រធានអង្គការ ADHOC ថ្លែងក្នុងសន្និសិទ្ធសារព័ត៌មាន។ រូបថត ហុង មិនា
អង្គការ ADHOC បានធ្វើសន្និសីទព័ត៌មាន កាលពីថ្ងៃព្រហស្បតិ៍ដោយចេញរបាយការណ៍មួយស្ដីពីបញ្ហាចំណាកស្រុក ក្នុងរយៈពេលបីខែដំបូងក្នុងឆ្នាំ២០១៣នេះដែលមាន៥៥ករណីបានដាក់ ពាក្យប្ដឹងពីបទជួញដូរពលករឲ្យទៅការនៅបរទេស។
យោងតាមរបាយការណ៍អង្គការ ADHOC ឲ្យដឹងថា មានការជួញដូរពលករទៅធ្វើការនៅបរទេសចំនួន ៥៥ ករណីដែលប៉ះពាល់ដល់ជនរងគ្រោះ១២១នាក់ដែលក្នុងនោះមានស្រ្តី៥៨ នាក់ និងក្មេង៥នាក់ផងដែរ។ ករណីនេះបានកើនឡើង បើធៀបនឹងរយៈពេលដូចគ្នាកាលពីឆ្នាំមុនដែលមានករណីជួញដូរមនុស្ស តែចំនួន១៦ករណីប៉ុណ្ណោះ។
លោក ធន សារាយ ប្រធានអង្គការ ADHOC បានថ្លែងថា អង្គការ ADHOC នៅរកឃើញថា ពលករកម្ពុជានៅតែប្រឈមនឹងការធ្វើការងារនៅលើផ្ទៃសមុទ្រដោយទទួល រងទុក្ខវេទនា និងគ្មានបានប្រាក់ខែរយៈពេលជាច្រើនឆ្នាំផងដែរ តួយ៉ាងពលករនេសាទកម្ពុជា១១នាក់ដែលសព្វថ្ងៃនេះត្រូវបញ្ជូន ត្រឡប់មកពីប្រទេស Mauritius វិញជាដើម។
លោកបានមានប្រសាសន៍ថា រដ្ឋាភិបាលបានប្រកាសថា មានការខ្វះខាតកម្លាំងពលកម្មនៅក្នុងស្រុក តែនៅតែមានកម្មករចំណាកស្រុកជាច្រើនធ្វើដំណើរទៅធ្វើការនៅបរ ទេសដដែល ព្រោះលក្ខខណ្ឌការងារនៅកម្ពុជាខុសប្លែកពីបរទេស។
លោកបានលើកឡើងថា៖«មតិមួយចំនួនបានស្ដីបន្ទោសពួកគេថា ហេតុអ្វីបានជាមិនរកការងារធ្វើនៅក្នុងស្រុក។ ជាការពិត យើងមិនគួរស្ដីបន្ទោសពួកគេឡើយ។ ពួកគេមិនមានកំហុសនោះទេ គឺដោយសារតែស្ថានភាពជីវភាពរស់នៅរបស់ក្រុមគ្រួសាររបស់ពួកគេ»។
លោក ធន សារាយ បានបន្ថែមថា អង្គការ ADHOC សូមអំពាវនាវឲ្យតាមចាប់ខ្លួនមេខ្យល់ដែលតែងតែបោកប្រាស់និង បញ្ចុះបញ្ចូលពលករឲ្យទៅធ្វើការនៅក្រៅប្រទេស និងកាត់យកតម្លៃលិខិតឆ្លងដែនដើម្បីចៀសវាងការឆ្លងដែនខុសច្បាប់ របស់ពលករចំណាកស្រុក។
ឈ្មោះ កុយ សាវី អាយុ៣៣ឆ្នាំជាអ្នកនេសាទត្រីដែលបានត្រឡប់មកពីប្រទេស Mauritius បាននិយាយថា មានមនុស្ស២៧នាក់នៅលើទូកតែមួយ និងមានពលករខ្មែរចំនួន២៣នាក់។ ក្នុងចំណោមពួកគេមាន២២នាក់ត្រូវបានបញ្ជូនត្រឡប់មកវិញហើយ តែម្នាក់ទៀតឈ្មោះ ម៉ៅ ដា បានបាត់ខ្លួននៅទីនោះ។
គាត់ជាមនុស្សម្នាក់ដែលស្នើឲ្យអង្គការ ADHOC ជួយធ្វើអន្តរាគមន៍ត្រឡប់មកពីប្រទេស Mauritius ខណៈមនុស្ស២៣នាក់រងការវាយធ្វើបាប និងចាប់ខ្លួនដោយអាជ្ញាធរ Mauritius។
គាត់បានលើកឡើងថា ម្ចាស់ទូកបានសន្យាឲ្យប្រាក់ចំនួន១០០បាតក្នុងមួយថ្ងៃដល់ពួកយើង នៅពេលយើងធ្វើនេសាទ តែសឹងតែរាល់ថ្ងៃ យើងមិនដែលទទួលបានប្រាក់នោះទេ។
ពលករនេសាទនេះបានបញ្ជាក់ថា៖«ខ្ញុំសូមស្បថ ខ្ញុំនឹងមិនត្រឡប់ទៅធ្វើការនៅបរទេសវិញទៀតទេ។ វាគួរឲ្យខ្លាចណាស់នៅក្នុងជីវិតរបស់ខ្ញុំដែលត្រូវបានគេចាប់ ខ្លួនជាងពីរខែមកហើយ។ ឥឡូវនេះខ្ញុំអាចជួយជុំក្រុមគ្រួសារខ្ញុំ និងកូនប្រពន្ធខ្ញុំវិញហើយ»។
កាលពីថ្ងៃព្រហស្បតិ៍ ពលករនេសាទចំនួន១១នាក់នៅក្នុងក្រុមនេះត្រូវបានបញ្ជូនត្រឡប់មក ពីប្រទេស Mauritius នៅឯព្រលានយន្តហោះភ្នំពេញអន្តរជាតិ។
លោក ជីវ ផល្លី អនុប្រធានការិយាល័យប្រឆាំងការជួញដូរមនុស្សនៃក្រសួងមហាផ្ទៃបាន មានប្រសាសន៍ថា នគរបាលតែងតែសួរនាំពួកគេដើម្បីតាមរកចាប់មេខ្យល់ដើម្បីជួយពល ករទាំងនោះ។ នគរបាលនៅតែបន្តធ្វើការស៊ើបអង្កេត។
យោងតាមរបាយការណ៍នៃក្រសួងមហាផ្ទៃបានឲ្យដឹងថា មានមេខ្យល់ចំនួន២០នាក់ត្រូវបានគេស្គាល់ពីអត្តសញ្ញាណកាល ពីឆ្នាំ២០១២ដែល៨នាក់ក្នុងចំណោមពួកគេត្រូវបានបញ្ជូនទៅតុលាការ ហើយ១២នាក់កំពុងរៀបចំឯកសារបញ្ជូនទៅតុលាការ៕ភ្នំពេញប៉ុស្តិ៍PN
Facebook
0 Comments:
Post a Comment