លោក ក្រវ៉ាញ សដារ៉ន ប្រធានគណបក្សខ្មែរឈប់ក្រ
មិនមែនមានតែគណបក្សសង្គ្រោះជាតិប៉ុណ្ណោះទេដែលបដិសេធលទ្ធផលនៃ
ការបោះឆ្នោតកាលពីថ្ងៃទី២៨កក្កដា
ឥឡូវនេះគណបក្សតូចមួយទៀតក៏បានចេញមុខប្រកាស
ប្រឆាំងលទ្ធផលនៃការបោះឆ្នោតដែរ។
គណបក្សខ្មែរឈប់ក្រដែលបានសម្រេចចិត្តលុបចោលគម្រោងបាតុកម្ម របស់ខ្លួននៅថ្ងៃអាទិត្យនេះដោយសារតែក្រសួងមហាផ្ទៃមិនអនុញ្ញាតច្បាប់ នោះ បានប្រកាសថាខ្លួននឹងចូលរួមបាតុកម្មជាមួយគណបក្សសង្គ្រោះជាតិដែរ ប្រសិនបើមានបាតុកម្មប្រឆាំងលទ្ធផលបោះឆ្នោតកើតមានមែននោះ។
លោក ក្រវ៉ាញ ដារ៉ន ប្រធានគណបក្សខ្មែរឈប់ក្រអះអាងថា មានភាពមិនប្រក្រតីជាច្រើន បានកើតឡើងនៅក្នុងអំឡុងពេលនៃការបោះឆ្នោត។ ភាពមិនប្រក្រតីទាំងនោះមានដូចជា គណបក្សប្រជាជនកម្ពុជាបានប្រើប្រាស់ទ្រព្យសម្បត្តិរដ្ឋដើម្បីឃោសនា មានការបំភិតបំភ័យថានឹងមានសង្គ្រាមកើតឡើងប្រសិនបើគណបក្សកាន់ អំណាចសព្វថ្ងៃចាញ់ឆ្នោត ឬក៏អ្នកបោះឆ្នោតជាច្រើនមិនបានបោះឆ្នោតដោយសារតែបាត់ឈ្មោះជាដើម។ ទាំងនេះគឺជាបញ្ហាដែលមេដឹកនាំគណបក្សនេះចាត់ទុកថា បានធ្វើឲ្យសំឡេងគាំទ្ររបស់ខ្លួនធ្លាក់ចុះយ៉ាងច្រើន។
សូមបញ្ជាក់ថា គណបក្សខ្មែរឈប់ក្ររបស់លោក ក្រវ៉ាញ ដារ៉ន ស្ថិតនៅលេខរៀងទី៦ក្នុងសន្លឹកឆ្នោតក្នុងចំណោមគណបក្សទាំង៨ដែល បានចូលរួមប្រកួតកាលពីថ្ងៃទី ២៨ កក្កដា។ គណបក្សនេះបានទទួលសំឡេងជាង ៤ ៣០០០ សំឡេងនៅទូទាំងប្រទេស នេះបើយោងតាមលទ្ធផលបណ្តោះអាសន្នរបស់ គ.ជ.ប ។ គោលនយោបាយរបស់គណបក្សខ្មែរឈប់ក្រគឺសំដៅធ្វើយ៉ាងណាឲ្យប្រជាពលរដ្ឋ ខ្មែរចាកចេញពីភាពក្រីក្រដូចដែលឈ្មោះគណបក្សនេះបានបញ្ជាក់ ស្រាប់។
វិធីបំបាត់ភាពក្រីក្រដែលគណបក្សនេះដាក់ចេញមានច្រើនយ៉ាង ប៉ុន្តែ អ្វីដែលគួរឲ្យកត់សម្គាល់នោះគឺ ការបង្កើតសហគ្រាសធុនតូច និងមធ្យមនៅតាមមូលដ្ឋាន និងជាពិសេសគឺការផ្តល់សេវាអ៊ីនធឺណិត Wifi ដោយឥតគិតថ្លៃដល់ប្រជាពលរដ្ឋទូទាំងប្រទេស។
គម្រោងបាតុកម្មមិនបានសម្រេចរបស់គណបក្សខ្មែរឈប់ក្រត្រូវបាន ប្រកាសឡើងខណៈដែលគណបក្សសង្គ្រោះជាតិដឹកនាំដោយលោក សម រង្ស៊ី និងលោក កឹម សុខា កំពុងតែតវ៉ាយ៉ាងខ្លាំងក្លាប្រឆាំងនឹងលទ្ធផលនៃការបោះឆ្នោត។ ទោះបីជាមិនបានធ្វើបាតុកម្មតែម្នាក់ឯងក៏គណបក្សខ្មែរឈប់ក្រប្រកាស គាំទ្រគម្រោងបាតុកម្មរបស់គណបក្សសង្គ្រោះជាតិ៕
ដោយ ប៉ែន បូណា
វិទ្យុបារាំងអន្តរជាតិ
គណបក្សខ្មែរឈប់ក្រដែលបានសម្រេចចិត្តលុបចោលគម្រោងបាតុកម្ម របស់ខ្លួននៅថ្ងៃអាទិត្យនេះដោយសារតែក្រសួងមហាផ្ទៃមិនអនុញ្ញាតច្បាប់ នោះ បានប្រកាសថាខ្លួននឹងចូលរួមបាតុកម្មជាមួយគណបក្សសង្គ្រោះជាតិដែរ ប្រសិនបើមានបាតុកម្មប្រឆាំងលទ្ធផលបោះឆ្នោតកើតមានមែននោះ។
លោក ក្រវ៉ាញ ដារ៉ន ប្រធានគណបក្សខ្មែរឈប់ក្រអះអាងថា មានភាពមិនប្រក្រតីជាច្រើន បានកើតឡើងនៅក្នុងអំឡុងពេលនៃការបោះឆ្នោត។ ភាពមិនប្រក្រតីទាំងនោះមានដូចជា គណបក្សប្រជាជនកម្ពុជាបានប្រើប្រាស់ទ្រព្យសម្បត្តិរដ្ឋដើម្បីឃោសនា មានការបំភិតបំភ័យថានឹងមានសង្គ្រាមកើតឡើងប្រសិនបើគណបក្សកាន់ អំណាចសព្វថ្ងៃចាញ់ឆ្នោត ឬក៏អ្នកបោះឆ្នោតជាច្រើនមិនបានបោះឆ្នោតដោយសារតែបាត់ឈ្មោះជាដើម។ ទាំងនេះគឺជាបញ្ហាដែលមេដឹកនាំគណបក្សនេះចាត់ទុកថា បានធ្វើឲ្យសំឡេងគាំទ្ររបស់ខ្លួនធ្លាក់ចុះយ៉ាងច្រើន។
សូមបញ្ជាក់ថា គណបក្សខ្មែរឈប់ក្ររបស់លោក ក្រវ៉ាញ ដារ៉ន ស្ថិតនៅលេខរៀងទី៦ក្នុងសន្លឹកឆ្នោតក្នុងចំណោមគណបក្សទាំង៨ដែល បានចូលរួមប្រកួតកាលពីថ្ងៃទី ២៨ កក្កដា។ គណបក្សនេះបានទទួលសំឡេងជាង ៤ ៣០០០ សំឡេងនៅទូទាំងប្រទេស នេះបើយោងតាមលទ្ធផលបណ្តោះអាសន្នរបស់ គ.ជ.ប ។ គោលនយោបាយរបស់គណបក្សខ្មែរឈប់ក្រគឺសំដៅធ្វើយ៉ាងណាឲ្យប្រជាពលរដ្ឋ ខ្មែរចាកចេញពីភាពក្រីក្រដូចដែលឈ្មោះគណបក្សនេះបានបញ្ជាក់ ស្រាប់។
វិធីបំបាត់ភាពក្រីក្រដែលគណបក្សនេះដាក់ចេញមានច្រើនយ៉ាង ប៉ុន្តែ អ្វីដែលគួរឲ្យកត់សម្គាល់នោះគឺ ការបង្កើតសហគ្រាសធុនតូច និងមធ្យមនៅតាមមូលដ្ឋាន និងជាពិសេសគឺការផ្តល់សេវាអ៊ីនធឺណិត Wifi ដោយឥតគិតថ្លៃដល់ប្រជាពលរដ្ឋទូទាំងប្រទេស។
គម្រោងបាតុកម្មមិនបានសម្រេចរបស់គណបក្សខ្មែរឈប់ក្រត្រូវបាន ប្រកាសឡើងខណៈដែលគណបក្សសង្គ្រោះជាតិដឹកនាំដោយលោក សម រង្ស៊ី និងលោក កឹម សុខា កំពុងតែតវ៉ាយ៉ាងខ្លាំងក្លាប្រឆាំងនឹងលទ្ធផលនៃការបោះឆ្នោត។ ទោះបីជាមិនបានធ្វើបាតុកម្មតែម្នាក់ឯងក៏គណបក្សខ្មែរឈប់ក្រប្រកាស គាំទ្រគម្រោងបាតុកម្មរបស់គណបក្សសង្គ្រោះជាតិ៕
ដោយ ប៉ែន បូណា
វិទ្យុបារាំងអន្តរជាតិ
Facebook
0 Comments:
Post a Comment