អាមេរិកបារម្ភពីសិទ្ធិសេរីភាពអេហ្ស៊ីបក្រោយចាប់អ្នកកំប្លែងរិះគន់
ពិធីករទូរទស្សន៍ និងអ្នកកំប្លែង លោកយូសេហ្វ ចោមរោមដោយអ្នកគាំទ្រ។ AFP
អ្នកនាំពាក្យក្រសួងការបរទេសអាមេរិក លោកស្រី វីតូរៀ នូឡែន បានថ្លែងថា ការឃុំឃាំង និងការដោះលែងអ្នកកំប្លែងរិះគន់លោកបាសេម យូសេហ្វ (Bassem Youssef)គឺជាភ័ស្តុតាងនៃ«និន្នាការរុកកួនមួយ» នៃការកម្រិតព្រំដែនសេរីភាពនៃការបញ្ចេញមតិដែលកំពុងកើនឡើង។
លោក យូសេហ្វ ដែលកម្មវិធីរិះគន់ឥតសំចៃ តាមទូរទស្សន៍របស់លោកលើក្រុមអ្នកគ្រប់គ្រងអេហ្ស៊ីប ត្រូវបានដោះលែងកាលពីថ្ងៃចន្ទ និងបានបញ្ជាឲ្យបង់ប្រាក់២២០០ដុល្លារ ដោយរង់ចាំការស៊ើបអង្កេតទៅតាមពាក្យបណ្តឹងជាច្រើន។
លោកស្រីនូឡែន បានថ្លែងថា៖ «យើងបារម្ភថា ក្រុមរដ្ឋអាជ្ញាសាធារណៈទំនងជាបានសាកសួររួចហើយនិងបានដោះលែង លោកបាសេម យូសេហ្វ ដោយបង់ប្រាក់ធានាឲ្យនៅក្រៅឃុំ ពីបទប្រមាថសាសនាអ៊ិស្លាម និងប្រធានាធិបតី មួរស៊ី។ ករណីនេះ គួបផ្សំនឹងដីកាចាប់ខ្លួនថ្មីដែលបានចេញសម្រាប់ក្រុមសកម្មជន នយោបាយជាច្រើនទៀត គឺជាភ័ស្តុតាងនៃនិន្នាការរុកកួនមួយនៃការកម្រិតព្រំដែនកំពុងកើន ឡើងលើសេរីភាពនៃការបញ្ចេញមតិ»។
លោក យូសេហ្វ ត្រូវបានចោទប្រកាន់ពីបទប្រមាថសាសនាអ៊ិស្លាមដោយបង្កើតពិធីសូត្រ ធម៌ការកំប្លែងលេងសើចមួយនិងពីបទប្រមាថលោកមួរស៊ី ដោយបង្កើតការលេងស៊ើច អំពីជំហរអន្តរជាតិរបស់លោក។ លោកយូសេហ្វ ក៏បានធ្វើការលេងសើចចំពោះក្រុមអ្នកកាន់អំណាចជាច្រើនទៀតក្នុង ប្រទេសនេះដែរ៕ IN
Facebook
0 Comments:
Post a Comment