| អាមេរិក និងកូរ៉េខាងត្បូង បង្កើតគម្រោង វាយបក កូរ៉េខាងជើង |
|
អាមេរិក និងកូរ៉េខាងត្បូង បានព្រមព្រៀងគ្នា បង្កើតគម្រោងវាយប្រហារបក
ប្រឆាំងកូរ៉េខាងជើង ប្រសិនមានការឈ្លាន
ពានជាមុនដើម្បីទប់ទល់នឹងស្ថានការណ៍អាក្រក់ដែលអាចក្លាយជាសង្គ្រាម
ធំ។ ទំព័រ New York Times កាលពីថ្ងៃទី ៧បានរាយការណ៍ អំពី គម្រោង “ទប់ទល់នឹងការបង្កសង្គ្រាម” ដែលអំពាវឱ្យមានវិធានការប្រឆាំងភ្លាមៗ ប៉ុន្ដែស័ក្ដិសមចំពោះកូរ៉េខាងជើង ប្រសិនក្រុង ព្យុងយ៉ាង ធ្វើការវាយប្រហារណាមួយ មកលើដីគោក ឬដោយកាំជ្រួច។  យោងតាម គម្រោងខាងលើ ការវាយប្រហារណាមួយរបស់កូរ៉េខាងជើង នឹងត្រូវបានឆ្លើយតបដោយអាវុធដែលប្រហាក់ ប្រហែលនឹងអាវុធដែល កូរ៉េខាងជើង បានប្រើប្រាស់។ ប្រសិន កូរ៉េខាងជើង បាញ់គ្រាប់កាំភ្លើងធំទៅលើកោះរបស់កូរ៉ខាងត្បូងដែលមានមូលដ្ឋានទ័ព គម្រោងនេះនឹងអនុញ្ញាតឱ្យ កូរ៉ខាងត្បូង វាយបកភ្លាមៗ ដោយការ បាញ់គ្រាប់កាំភ្លើងធំ ដែលមានកម្លាំងប្រហាក់ប្រហែល។ កូរ៉េខាងជើង អាចនឹងបាញ់សាកល្បងកាំជ្រួចនៅក្នុងសប្ដាហ៍នេះ។ មន្ដ្រីអាមេរិកនិយាយថា ខ្លួនអាចដឹងច្បាស់ពីទិសដៅរបស់កាំជ្រួចក្នុងរយៈពេលប៉ុន្មានវិនាទី ប៉ុណ្ណោះ ហើយថានឹងបាញ់កំទេចកាំជ្រួចនោះ ប្រសិនរកឃើញថា វាអាចនឹងបង្កគ្រោះថ្នាក់ដល់ កូរ៉េខាងត្បូង ជប៉ុន ឬកោះ Guam ។ ប៉ុន្ដែ ប្រសិនកាំជ្រួចសាកល្បងរបស់ កូរ៉ខាងត្បូងជើង ហោះទៅកាន់សមុទ្រអន្ដរជាតិ ពួកគេនឹងមិនធ្វើអ្វីទាំងអស់។ភ្នំពេញដេលីញូវ |
Facebook
0 Comments:
Post a Comment