តារាកំប្លែងជើងចាស់កេរ្តិ៍ឈ្មោះល្បីល្បាញ នាយ កុយ និងនាយ ក្រឹម បានចាប់ផ្ដើមសម្ដែងរួមគ្នាឡើងវិញ ខណៈអ្នកទាំងពីរខកខានសម្ដែងរួមគ្នា ប្រមាណជាងដប់ឆ្នាំទៅហើយនោះ។
ទស្សនិកជនកម្រឃើញ នាយកុយ និងនាយក្រឹមកំប្លែងក្នុងក្រុមរួមគ្នាណាស់ តាំងពីបែកបាក់ក្រុមមក។ កាលពីម្សិលមិញនេះ ប្រភពមួយបានទម្លាយឲ្យដឹងថា ពេលនេះតារាកំប្លែងល្បីឈ្មោះប្រចាំប្រទេសទាំងពីរខាងលើ បានស្ម័គ្រចិត្តសម្ដែងរួមគ្នាឡើងវិញហើយ ទោះបីជាពួកគាត់នៅមានសមាជិកក្រុមកំប្លែងរៀងខ្លួន ដែលត្រូវទទួលខុសត្រូវយ៉ាងណាក្ដី។ ប្រភពដដែលនោះបានបញ្ជាក់ ការសម្ដែងរួមគ្នានេះ ក្រោមការចង្អុលបង្ហាញពីស្ថានីយទូរទស្សន៍បាយ័ន។
នៅក្នុងជំនួបកាលពីព្រឹកមិញនេះ តារាកំប្លែងល្បីឈ្មោះលោក ជួង ជី ហៅនាយ កុយ បានបញ្ជាក់ថា ជាការពិតហើយដែលលោកបានចាប់ផ្ដើមសម្ដែងឡើងវិញជាមួយលោក អ៊ូ ប៊ុណ្ណារ៉ាត់ ហៅនាយ ក្រឹម ។ លោកថា ការវិលមករួមគ្នាវិញនេះ គឺឆ្លើយតបតាមការអញ្ជើញរបស់លោក ទិត្យ ថាវរិទ្ធ អគ្គនាយករងស្ថានីយទូរទស្សន៍បាយ័ន។
នាយ កុយ ថ្លែងថា នៅក្នុងជំនួបដដែលនោះ “យើងមិនទាន់បានសម្ដែងឲ្យបានធំដុំនោះទេ គឺថតជាលក្ខណៈសាច់រឿងនៅក្នុងកម្មវិធីថ្មីរបស់បាយ័ន ដែលមិនទាន់បានចាក់ផ្សាយនៅឡើយ”។ លោកបានបញ្ជាក់ថា នេះជាកម្មវិធីថ្មីមួយដែលផលិតដោយស្ថានីយខាងលើ និងក្រោមការចង្អុលបង្ហាញពីលោកជំទាវ ហ៊ុន ម៉ាណា អគ្គនាយិកានៃអគ្គនាយកដ្ឋានវិទ្យុ និងទូរទស្សន៍បាយ័ន។
តារា កំប្លែងខាងលើបានបញ្ជាក់ថា “ខានលេងជាមួយគ្នាយូរចឹងទៅ គឺឆ្គងតិចដែរ ត្រូវសមជាមួយគ្នាច្រើនទៀត។ តែមិនមានបញ្ហាអីទេរឿងនេះ”។ លោក ជួង ជី ហៅនាយ កុយ បានឲ្យដឹងទៀតថា ទោះបីជាលោកមិនបានសម្ដែងជាមួយយ៉ាងណាក៏ដោយ ប៉ុន្តែមិនមានប៉ះពាល់ដល់ការប្រាស្រ័យទាក់ទងគ្នានៃពួកលោកនោះ ទេ។ ហើយការសម្ដែងក៏មិនបានបញ្ចូលគ្នាទាំងស្រុងនោះដែរ ខណៈពួកលោកមានក្រុមកំប្លែងរៀងខ្លួនរួចស្រេចហើយនោះ។
ផ្ទុយ ពីលោកជួង ជី ហៅនាយកុយ ដែលបានពោលថា មានផលលំបាកតិចតួច ប៉ុន្តែ លោក អ៊ួ ប៊ុណ្ណារ៉ាត់ ហៅនាយ ក្រឹម វិញបានបញ្ជាក់ថា មិនមានអ្វីជាផលលំបាកក្នុងការសម្ដែងរួមគ្នាឡើងវិញនោះទេ ដោយសារពួកលោកសុទ្ធជាជើងចាស់ដូចគ្នា។ ពាក់ព័ន្ធទៅនឹងព័ត៌មាននេះលោកលើកឡើងថា “ថតជាមួយគ្នាបានពីរShow ហើយតើ។ ថ្ងៃចូលឆ្នាំខាងមុខហ្នឹងជួបនៅសៀមរាបទៀតហើយ”។ លោកបន្តថា លោកក៏មិនទាន់ច្បាស់ដែរថា ការសម្ដែងរួមគ្នាឡើងវិញនេះ នឹងមាននិរន្តរភាពរហូតដល់ពេលណានោះទេ គឺអាស្រ័យលើអ្នកចាត់ចែងនៃស្ថានីយទូរទស្សន៍បាយ័ន និងយុវជនជាអ្នកគាំទ្រប៉ុណ្ណោះ។
ពាក់ព័ន្ធនឹងការកោះហៅតារាកំប្លែងជើងចាស់ទាំងពីរ នាយ កុយ និងនាយ ក្រឹម ឲ្យរួមសម្តែងជាមួយគ្នានេះ Sabay មិនអាចទាក់ទងទៅកាន់ស្ថានីយទូរទស្សន៍បាយ័ន ដើម្បីសុំការបញ្ជាក់បន្ថែមពីអត្តសញ្ញាណកម្មវិធីថ្មីនេះទេ ដោយ លោក ទិត្យ ថាវរិទ្ធ អគ្គនាយករងទូរទស្សន៍បាយ័ន ទូរស័ព្ទមិនអាចទាក់ទងបាន។
នាយ កុយ និង នាយ ក្រឹម សុទ្ធជាតារាកំប្លែងល្បីៗដូចគ្នា។ ពួកគេ ធ្លាប់ជាដៃគូសម្តែងដ៏ស័ក្តិសម ដែលបានបង្កជាសំឡេងសើចក្អាកក្អាយកាលពីជាង ១០ ឆ្នាំមុន មុនពេលក្រោយពួកគេទាំងពីរបានបែកទៅបង្កើតក្រុមរៀងៗខ្លួន រហូតមកដល់បច្ចុប្បន្ន៕ប្រភពពី សប្បាយ
អត្ថបទ៖ សំ ជំនាញ
ទស្សនិកជនកម្រឃើញ នាយកុយ និងនាយក្រឹមកំប្លែងក្នុងក្រុមរួមគ្នាណាស់ តាំងពីបែកបាក់ក្រុមមក។ កាលពីម្សិលមិញនេះ ប្រភពមួយបានទម្លាយឲ្យដឹងថា ពេលនេះតារាកំប្លែងល្បីឈ្មោះប្រចាំប្រទេសទាំងពីរខាងលើ បានស្ម័គ្រចិត្តសម្ដែងរួមគ្នាឡើងវិញហើយ ទោះបីជាពួកគាត់នៅមានសមាជិកក្រុមកំប្លែងរៀងខ្លួន ដែលត្រូវទទួលខុសត្រូវយ៉ាងណាក្ដី។ ប្រភពដដែលនោះបានបញ្ជាក់ ការសម្ដែងរួមគ្នានេះ ក្រោមការចង្អុលបង្ហាញពីស្ថានីយទូរទស្សន៍បាយ័ន។
នៅក្នុងជំនួបកាលពីព្រឹកមិញនេះ តារាកំប្លែងល្បីឈ្មោះលោក ជួង ជី ហៅនាយ កុយ បានបញ្ជាក់ថា ជាការពិតហើយដែលលោកបានចាប់ផ្ដើមសម្ដែងឡើងវិញជាមួយលោក អ៊ូ ប៊ុណ្ណារ៉ាត់ ហៅនាយ ក្រឹម ។ លោកថា ការវិលមករួមគ្នាវិញនេះ គឺឆ្លើយតបតាមការអញ្ជើញរបស់លោក ទិត្យ ថាវរិទ្ធ អគ្គនាយករងស្ថានីយទូរទស្សន៍បាយ័ន។
នាយ កុយ ថ្លែងថា នៅក្នុងជំនួបដដែលនោះ “យើងមិនទាន់បានសម្ដែងឲ្យបានធំដុំនោះទេ គឺថតជាលក្ខណៈសាច់រឿងនៅក្នុងកម្មវិធីថ្មីរបស់បាយ័ន ដែលមិនទាន់បានចាក់ផ្សាយនៅឡើយ”។ លោកបានបញ្ជាក់ថា នេះជាកម្មវិធីថ្មីមួយដែលផលិតដោយស្ថានីយខាងលើ និងក្រោមការចង្អុលបង្ហាញពីលោកជំទាវ ហ៊ុន ម៉ាណា អគ្គនាយិកានៃអគ្គនាយកដ្ឋានវិទ្យុ និងទូរទស្សន៍បាយ័ន។
តារា កំប្លែងខាងលើបានបញ្ជាក់ថា “ខានលេងជាមួយគ្នាយូរចឹងទៅ គឺឆ្គងតិចដែរ ត្រូវសមជាមួយគ្នាច្រើនទៀត។ តែមិនមានបញ្ហាអីទេរឿងនេះ”។ លោក ជួង ជី ហៅនាយ កុយ បានឲ្យដឹងទៀតថា ទោះបីជាលោកមិនបានសម្ដែងជាមួយយ៉ាងណាក៏ដោយ ប៉ុន្តែមិនមានប៉ះពាល់ដល់ការប្រាស្រ័យទាក់ទងគ្នានៃពួកលោកនោះ ទេ។ ហើយការសម្ដែងក៏មិនបានបញ្ចូលគ្នាទាំងស្រុងនោះដែរ ខណៈពួកលោកមានក្រុមកំប្លែងរៀងខ្លួនរួចស្រេចហើយនោះ។
ផ្ទុយ ពីលោកជួង ជី ហៅនាយកុយ ដែលបានពោលថា មានផលលំបាកតិចតួច ប៉ុន្តែ លោក អ៊ួ ប៊ុណ្ណារ៉ាត់ ហៅនាយ ក្រឹម វិញបានបញ្ជាក់ថា មិនមានអ្វីជាផលលំបាកក្នុងការសម្ដែងរួមគ្នាឡើងវិញនោះទេ ដោយសារពួកលោកសុទ្ធជាជើងចាស់ដូចគ្នា។ ពាក់ព័ន្ធទៅនឹងព័ត៌មាននេះលោកលើកឡើងថា “ថតជាមួយគ្នាបានពីរShow ហើយតើ។ ថ្ងៃចូលឆ្នាំខាងមុខហ្នឹងជួបនៅសៀមរាបទៀតហើយ”។ លោកបន្តថា លោកក៏មិនទាន់ច្បាស់ដែរថា ការសម្ដែងរួមគ្នាឡើងវិញនេះ នឹងមាននិរន្តរភាពរហូតដល់ពេលណានោះទេ គឺអាស្រ័យលើអ្នកចាត់ចែងនៃស្ថានីយទូរទស្សន៍បាយ័ន និងយុវជនជាអ្នកគាំទ្រប៉ុណ្ណោះ។
ពាក់ព័ន្ធនឹងការកោះហៅតារាកំប្លែងជើងចាស់ទាំងពីរ នាយ កុយ និងនាយ ក្រឹម ឲ្យរួមសម្តែងជាមួយគ្នានេះ Sabay មិនអាចទាក់ទងទៅកាន់ស្ថានីយទូរទស្សន៍បាយ័ន ដើម្បីសុំការបញ្ជាក់បន្ថែមពីអត្តសញ្ញាណកម្មវិធីថ្មីនេះទេ ដោយ លោក ទិត្យ ថាវរិទ្ធ អគ្គនាយករងទូរទស្សន៍បាយ័ន ទូរស័ព្ទមិនអាចទាក់ទងបាន។
នាយ កុយ និង នាយ ក្រឹម សុទ្ធជាតារាកំប្លែងល្បីៗដូចគ្នា។ ពួកគេ ធ្លាប់ជាដៃគូសម្តែងដ៏ស័ក្តិសម ដែលបានបង្កជាសំឡេងសើចក្អាកក្អាយកាលពីជាង ១០ ឆ្នាំមុន មុនពេលក្រោយពួកគេទាំងពីរបានបែកទៅបង្កើតក្រុមរៀងៗខ្លួន រហូតមកដល់បច្ចុប្បន្ន៕ប្រភពពី សប្បាយ
អត្ថបទ៖ សំ ជំនាញ
Facebook
0 Comments:
Post a Comment